22 اکتوبر 2019
تازہ ترین
 وزیر داخلہ  صاحب  آپ انسان بنیں، بلاول

 وزیر داخلہ  صاحب  آپ انسان بنیں، بلاول

پیپلز پارٹی کے چیئرمین بلاول بھٹو زرداری نے کہا کہ قلندر کے مزار پر دھماکے نے مجھے بہت افسردہ کردیا ہے دہشت گرد کھلے عام گھوم رہے ہیں انہوں نے وفاقی وزیر داخلہ چوہدری نثار سے کہا کہ آپ انسان بنیں، نیشنل ایکشن پلان پر عمل کرکے ہی دہشت گردی کے خلاف قابو پایا جاسکتا ہے ۔وہ پیپلز میڈیکل کالج اسپتال میں سانحہ سیہون کے 37 زخمی جن میں بچے مرد اور خواتین شامل تھیں کی عیادت کے بعد میڈیا سے بات کررہے تھے۔ انہوں نے تمام زخمیوں کا بہترین علاج کرنے اور انہیں تمام طبی سہولیات دینے کے احکامات دئے۔ بعد ازاں میڈیا سے بات کرتے ہوئے بلاول بھٹو زرداری نے کہا کہ دہشت گردی کے خاتمے کے لئے سب کو مل کر آگے بڑھنا ہوگا ۔انہوں نے وفاقی وزیر داخلہ چوہدری نثار کو کہا کہ آپ انسان بنے دہشت گردوں کے خلاف بھرپور کاروائی سے ہی قوم کو تحفظ مل پائے گا ۔نیشنل ایکشن پلان پر عمل کرکے ہی دہشت گردی پر قابو پایا جاسکتا ہے۔چوہدری نثار کی جانب سے آرمی کورٹ کے حوالے سے سب سے رابطوں کے سلسلے میں پوچھے گئے سوال کا انہوں نے کوئی جواب نہیں دیا۔بلاول بھٹو زرداری نے کہا کہ میں دلی طور پر بہت افسردہ ہوں قلندر کی دھرتی اور ان کے مزار کو نشانہ بنایا گیا یہ لوگ مسلمان نہیں اسلام دشمن ہیں ۔اس موقع پر وزیر اعظم نواز شریف کی جانب سے زخمیوں اور جاں بحق ہونے والے افراد کے لئے کوئی امداد نہ دینے کے سوال پر بلاول بھٹو زرداری نے کہا کہ یہ وقت تنقید کا نہیں مل کر کام کرنے کا ہے نواز شریف یہاں آئے انہوں نے زخمیوں کی عیادت کی یہ بہت ہے ہمیں مل کر اور یکجہتی کے ساتھ ملک دشمن عناصر کے خلاف آگے بڑھنا ہے ۔افغانستان سے دہشت گردی کے حوالے سے انہوں نے کہا کہ پاکستان کے خلاف کوئی بھی ہوں ہم اپنے ملک میں دہشت گردی نہیں ہونے دیں گے ہماری فورسز دہشت گردوں کے خلاف سینہ سپر ہیں۔ 


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟