19 جنوری 2019
تازہ ترین
نیند کی کمی ڈپریشن کا سبب

ماہرین کے مطابق نیند کی کمی آپ پر ہر طرح کے منفی اثرات مرتب کرتی ہے ۔ ایک تحقیق کے مطابق نیند کی کمی آپ کو تھکن کا شکار کر سکتی ہے جس کے بعد آپ چڑچڑے پن کا شکار ہوجائیں گے اور صحیح سے اپنے روزمرہ کے کام سرانجام نہیں دے پائیں گے ۔ یہ چڑچڑاہٹ آگے چل کر ڈپریشن میں تبدیل ہوسکتی ہے۔ اگر آپ نے اپنی نیند پوری نہیں کی تو آپ کا دماغ غیر حاضر رہے گا، جس کے باعث آپ کسی چیز پر اپنی توجہ مرکوز نہیں کر پائیں گے ۔ یہ صورتحال آگے چل کر اے ڈی ایچ ڈی یعنی اٹینشن ڈیفسٹ ہائپر ایکٹیوٹی ڈس آرڈر میں تبدیل ہوجائے گی جس کا شکار شخص کسی بھی چیز پر تسلسل سے اپنا دھیان مرکوز نہیں کر سکتا۔ نیند کی کمی آپ کے جسم میں موجود انسولین کے ہارمون کی کارکردگی کو متاثر کرے گی، جس سے ذیابیطس کی بیماری پیدا ہوتی ہے ۔ اس بیماری کا واحد علاج مصنوعی طریقے سے جسم میں انسولین داخل کرنا ہی ہے۔ نیند کی کمی بلڈ پریشر میں اضافہ بھی کرتی ہے اور آپ کو ہائی بلڈ پریشر کا مریض بنا سکتی ہے، اسی طرح نیند کی کمی سے آپ کے جسم میں کولیسٹرول کی سطح میں اضافہ ہوسکتا ہے، جس سے آپ موٹاپے اور امراض قلب سمیت کئی بیماریوں کا شکار بن سکتے ہیں۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟