25 ستمبر 2018
تازہ ترین
نرگسی کوفتے بنانے کا طریقہ

اجزا

قیمہ ---- ایک کلو

ادرک لسہن پسا ہوا ----- ایک کھانے کا چمچ

نمک ---- حسب ذائقہ

پیاز ---- دو عدد درمیانی

لال مرچ پسی ہوئی ---- ایک کھانے کا چمچ

ہری مرچیں ---- تین سے چار عدد

ہرا دھنیا ---- آدھی گٹھی

بھنے ہوئے چنے ---- چار کھانے کے چمچ

ڈبل روٹی کے سلائس ---- دو عدد

انڈے ---- نو عدد

گریوی کے اجزا

پیاز (باریک کٹی ہوئی) ---- دو عدد درمیانی

ادرک لہسن پسا ہوا ----- ایک چائے کا چمچ

نمک ---- حسب ذائقہ

لال مرچ پسی ہوئی ---- ایک چائے کا چمچ

دھنیا پسا ہوا ---- ایک کھانے کا چمچ

ہلدی پسی ہوئی ---- آدھا چائے کا چمچ

سفید زیرہ ---- ایک چائے کا چمچ

ثابت گرم مصالحہ ---- ایک کھانے کا چمچ

دہی (پھینٹا ہوا) ---- ایک پیالی

کوکنگ آئل ---- آدھی پیالی

ترکیب

قیمے میں کوفتے کے تمام مصالحے ملا کر دو مرتبہ پیس لیں۔ ایک انڈا شامل کر کے اچھی طرح ملائیں اور دس سے پندرہ منٹ کے لئے فریج میں رکھ دیں۔

آٹھ انڈوں کو سخت ابال لیں، ہاتھوں کو ہلکا سا چکنا کر کے قیمے کو اچھی طرح انڈوں پر لپیٹ دیں۔ چاہیں تو دھاگے سے باندھ کر اچھی طرح محفوظ کر لیں۔ گریوی بنانے تک فریج میں رکھ دیں۔

گریوی کی ترکیب

بڑے سائز کی دیگچی میں کوکنگ آئل کو درمیانی آنچ پر تین سے چار منٹ ہلکا گرم کر کے ثابت گرم مصالحہ ڈالیں۔ جب کڑکڑانے لگے تو پیاز کو ہلکا سنہرا فرائی کر لیں۔ دہی میں گریوی کے تمام مصالحے ملا کر دیگچی میں ڈالیں اور اتنا بھونیں کہ تیل علیحدہ نظر آنے لگے۔ ایک پیالی پانی ڈال کر ابال آنے دیں اور کوفتے شامل کر دیں۔ دیگچی کو ڈھانپے بغیر پانی کو خشک ہونے تک پکائیں۔ درمیان میں دیگچی کو ایک سے دو مرتبہ کپڑے کی مدد سے ہلا لیں۔ جب پانی خشک ہو جائے تو دوبارہ ایک پیالی پانی شامل کر کے ہرا دھنیا اور ہری مرچیں چھڑک دیں اور ہلکی آنچ پر  پانچ سے سات منٹ کیلئے ڈھانپ دیں۔ نرگسی کوفتے تیار ہیں۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟