21 اپریل 2019
تازہ ترین
مِنی بجٹ سے کرنٹ اکاؤنٹ خسارہ کم ہو گا، موڈیز

مِنی بجٹ سے کرنٹ اکاؤنٹ خسارہ کم ہو گا، موڈیز

عالمی ریٹنگ ایجنسی موڈیز کے مطابق مِنی بجٹ سے پاکستان کا کرنٹ اکاؤنٹ خسارہ کم ہو گا۔موڈیز انوسٹرز سروس کی جانب سے حکومت پاکستان کی جانب سے حال ہی میں پیش کیے گئے مِنی بجٹ پر تبصرہ کیا گیا ہے۔ ریٹنگ ایجنسی کے تجزیے کے مطابق مِنی بجٹ میں برآمدات اور صنعتی شعبے پر توجہ دی گئی ہے، حکومت کی توجہ اخراجات کم کرنے اور آمدنی بڑھانے پر نہیں تھی۔موڈیز کے مطابق مِنی بجٹ میں ٹیکس وصولی بہتر بنانے پر توجہ رہی، بجٹ خسارے کا ہدف 5.1 فیصد ہے اور خسارہ 6 فیصد رہے گا۔ ایجنسی کے مطابق رواں سال بجٹ خسارہ بلند ہو گا جب کہ مِنی بجٹ سے کرنٹ اکاؤنٹ خسارہ کم ہو گا۔موڈیز کے تجزیے کے مطابق آئی ایم ایف معاہدہ بیرونی فنڈنگ کا مستحکم ذریعہ ہو گا، فنڈ معاہدہ معیشت کو استحکام اور ریفارمز پروگرام میں معاونت فراہم کرے گا۔ موڈیز کے مطابق رواں سال کرنٹ اکاؤنٹ خسارہ 4.7 فیصد رہے گا جب کہ مالی سال 2018 میں کرنٹ خسارہ 6.1 فیصد تھا۔عالمی ریٹنگ ایجنسی کے مطابق مالی سال 2020 میں کرنٹ اکاؤنٹ خسارہ 4.2 فیصد رہے گا۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟