23 ستمبر 2018
تازہ ترین
ملٹی وٹامنز دل کی صحت کیلئے مفید نہیں

ایک نئی تحقیق میں انکشاف ہوا ہے کہ ملٹی وٹامنز دل کی صحت کیلئے کچھ نہیں کرتے اور نہ ہی دل کے دوروں سے بچاتے ہیں۔ برمنگھم میں الاباما یونیورسٹی کے محققین نے 12 سال تک 2 ہزار لوگوں کے ڈیٹا کا جائزہ لیا تو انہیں پتہ چلا کہ سپلیمنٹس نے دل کی صحت پر کوئی اثر نہیں ڈالا۔ ایسے افراد  جو ملٹی وٹامنز لیتے ہیں وہ سمجھتے ہیں کہ وہ اپنی صحت کیلئے کچھ اچھا کر رہے ہیں جبکہ دوسری جانب وہ سگریٹ نوشی اور جنک فوڈ بھی لیتے رہتے ہیں۔ تحقیق کے مطابق لوگ دل کے امراض سے بچائو کیلئے فوری اور آسان حل ڈھونڈتے ہیں جیسے کہ کوئی گولی وغیرہ کا لینا جبکہ انہیں مزید جدوجہد کرکے دل کے امراض سے بچنے کے طریقے اپنانے چاہئیں۔ تحقیق سے پتہ چلا کہ دل کے امراض سے بچنے کیلئے ملٹی وٹامنز اور منرلز کے استعمال کا کوئی فائدہ نہیں ہوتا۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟