19 جون 2018
تازہ ترین
  ملائیشیا اور امریکا کے درمیان  10 ارب ڈالرکے تجارتی معاہدے

امریکا کے صدر ٹرمپ  اور ملائیشیا کے وزیر اعظم نجیب رزاق  کے درمیان ملاقات میں دونوں ممالک میں سرمایہ کاری کرنے اور دہشت گردی کے خلاف لڑنے کی کوششوں پر تبادلہ خیال کیا گیا۔ امریکی میڈیا کے مطابق  صدر ٹرمپ نے و ائٹ ہاؤس میں ملائیشیا کے وزیر اعظم نجیب رزاق کا خیر مقدم کرتے ہوئے اپنے ملک میں سرمایہ کاری کرنے اور دہشت گردی کے خلاف لڑنے کی کوششوں کو سراہا۔ امریکی صدر  نے کہا کہ وہ اور انڈونیشیا کے وزیر اعظم نجیب بہت بڑے تجارتی معاہدوں پر کام کررہے ہیں جن میں 10 ارب سے 20 ارب ڈالر مالیت کے بوئنگ طیارے اور جنرل الیکٹرک کمپنی کے جیٹ انجن شامل ہیں۔ اس موقع پر ملائیشیا کے وزیراعظم نے کہا ملک کے پنشن فنڈ کے 7 ارب ڈالر سے پہلے ہی امریکا میں سرمایہ کاری کی جا چکی ہے جب کہ مزید تین سے چار ارب ڈالر کی سرمایہ کاری کا منصوبہ ہے۔ وزیر اعظم نجیب نے تصدیق کی کہ پانچ سال کی مدت میں اس معاہدے کی مالیت 10 ارب ڈالر سے بڑھ جائے گی۔ انہوں نے بتایا کہ یہ طیارے سرکاری کمپنی ملائیشیا ایئر لائنز میں شامل کیے جائیں گے۔  


عوامی سروے

سوال: کیا نواز شریف کے ممبئی حملوں سے متعلق بیان کے بعد ان کے خلاف سخت کارروائی ہونی چاہئے؟