20 اگست 2019
تازہ ترین
 مریخ پر زیر زمین آبی نظام کا سراغ

 مریخ پر زیر زمین آبی نظام کا سراغ

مقامی اتریخت یونیورسٹی کے شعبہ فلکیات کے پروفیسر فرانسسکو سالپسے نے انکشاف کیا ہے کہ انہوں نے اور انکے ساتھی سائنسدانوں نے مارس ایکسپریس آربیٹر نامی خلائی جہاز میں موجود کیمرے سے مریخ پر زمانہ قدیم کے زیر زمین آبی نظام کا سراغ لگالیا ، جو ایک بہت بڑی دریافت ہے اور جس سے مریخ کے مشاہدے اور مطالعے میں بڑی پیشرفت ہوگی۔ اس مشن پر کام کرنے والے سائنسدانوں نے کہا ہے کہ آربیٹر کیمرے سے اتاری جانے والی تصاویر کے تجزیے کے بعد انہیں مریخ پر نہروں ، وادیوں اور ٹیڑھی میڑھی آبشاروں اور پنکھے کی شکل کے آبی ذخائر کے حصے بھی نظر آتے ہیں۔ اندازہ ہوتا ہے کہ سرخ سیارے کی 5مختلف جگہوں پر کاربونیٹ سیلیکٹ اور مٹی کی تہوں کا بھی پتہ چلتا ہے۔ واضح ہو کہ یہ پہلی تحقیق ہے جسے مریخ کے زیر زمین حصے میں موجود زمانہ قدیم کے آبی نظام کا جغرافیائی ثبوت ملتا ہے۔ پروفیسر اور مصنف فرانسسکو  نے کہا کہ اب انکی تحقیق پر اچھی خاصی علمی بحث کی ضرورت ہے تاکہ مریخ کے زیر زمین آبی ذخائر کی قطیعت کا اندازہ لگایا جاسکے۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟