21 اکتوبر 2018
تازہ ترین
مخالفین  کی سازشوں  سے گھبرانے والے نہیں،نواز شریف

نواز شریف کا کہنا ہے حالات کا ڈٹ کر مقابلہ کریں گے، ماضی میں بھی ہمارے راستے میں رکاوٹیں پیداکی گئی۔ انہوں نے کہا پہلے بھی رکاوٹوں سے خوف زدہ نہیں ہوئے اور نہ آج ہو نگے سابق وزیراعظم نواز شریف نے کارکنوں سے غیر رسمی گفتگو کرتے ہوئے کہا کارکنان متحدہ رہیں، عوامی رابطہ مہم میں انہیں اپنا کردار ادا کرنا ہوگا۔ انہوں نے کہا مخالفین جو ہمارے خلاف سازشیں کر رہے ہیں، ان سے گھبرانے والے نہیں، ماضی میں جھوٹے مقدمات کا سامنا کیا اور اب بھی کریں گے۔ جاتی امرا میں نواز شریف نے کارکنوں کے ہمراہ نماز جمعہ ادا کی، سابق وزیراعظم نے کارکنوں سے مصافحہ کیا اور انکے مسائل بھی سنے۔ قبل ازیں سابق وزیر اعظم نواز شریف کی رہایش گاہ جاتی امرا میں میلاد شریف کی محفل ہوئی، نواز شریف بھی شریک ہوئے۔ جاتی امرا میں ہونے والی محفل میلاد میں حمد و ثنائ کے ساتھ ساتھ ملک و قوم کی لئے سلامتی کی دعا مانگی گئی۔ محفل میں مسلم لیگی کارکنان اور جاتی امرا میں رہائش پذیر اسٹاف بھی شریک تھا۔ نعت خواں حضرات نے حضورۖ  کی شان مبارک میں گلہائے عقیدت پیش کئے۔

 


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟