15 نومبر 2018
تازہ ترین
مالک مکان سے تنگ طالبہ ٹرین میں رہنے پر مجبور

اپنا گھر  ہر انسان کی خواہش  ہوتی ہے  جہاں وہ سکون سے اپنی زندگی گزار سکے کیونکہ کرائے کے گھروں میں ہر روز مالک مکان کی نئی شرائط اور نت نئے مطالبات زندگی میں بے سکونی پیدا کر دیتے ہیں اور ایسی ہی صورتحال سے بچنے کیلئے جرمنی کی طالبہ نے ٹرین کو ہی اپنا گھر بنا لیا۔ 26 سالہ مولر نامی جرمن طالبہ کا فلیٹ کی مالکن سے چھوٹی سی بات پر ہونیوالا تنازعہ اس قدر شدت اختیار کر گیا کہ اسے مجبوراً گھر چھوڑنا پڑا جس کے بعد مولر نے گھر کرائے پر نہ لینے کا فیصلہ کیا اور ٹرین کی سال بھر کی ٹکٹ خرید کر ٹرین ہی کو اپنا گھر بنا لیا ، جہاں وہ اپنے کپڑوں، لیپ ٹاپ، کتابیں اور دیگر ضرورت کی اشیا کیساتھ سکون سے رہتی ہیں۔ طالبہ نے کہا ہے کہ وہ ٹرین میں بہت خوش و خرم زندگی گزار رہی ہیں اور ٹرین میں انہیں بالکل اپنے گھر کی طرح محسوس ہوتا ہے اور وہ جب چاہیں اپنے رشتہ داروں اور دوستوں سے مل سکتی ہیں، جبکہ ساتھ ہی مختلف مقامات کا سفر کر کے لطف اندوز بھی ہوتی ہیں۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟