24 مارچ 2019
تازہ ترین
لاہور پولیس لائن حملے میں ملوث 8ملزمان کو 21، 21برس قید کی سزا

لاہور کی انسداد دہشت گردی کی عدالت نے پولیس لائن قلعہ گجر سنگھ پر حملے میں ملوث 8 ملزمان کو 21، 21 سال قید کی سزا سنا دی۔ انسداد دہشت گردی کی عدالت نمبر تین کے جج جیل ٹرائل کی تکمیل پر جرم ثابت ہونے پر 8ملزمان کو سزا سنائی۔ عدالت نے 8 ملزمان کو مختلف مقدمات میں مجموعی طور پر 21سال قید اور ان کی جائیداد قرق کرنے کی سزا سنائی۔ ملزمان کا تعلق لشکر جھنگوی اور تحریک طالبان پاکستان سے ہے اور ان کے قبضے سے خود کش جیکٹ، دستی بم اور کلاشنکوف برآمد ہوئی۔ سرکاری وکیل نے کہا کہ ملزم دوران تفتیش اقبال جرم کر چکے ہیں اور عدالت دلائل، ثبوتوں اور گواہوں کو مدنظر رکھتے ہوئے ملزمان کو سزا سنائی۔ عدالت نے ملزم قاری آصف، اعظم، آفتاب خان، عظیم، مشتاق، شفیق، عبیداللہ اور ثاقب سمیت 8ملزمان کو قید کی سزا کا حکم سنایا۔ ملزمان کو بارودی مواد کی برآمدگی کی دفعہ کے تحت 7 سال، ناجائز اسلحہ کی دفعہ 13/20/65 کے تحت سات سال، دفعہ 122 اور دیگر مزید جرائم پر مجموعی طور پر 21سال قید کی سزا سنائی گئی۔ یاد رہے کہ 4 سال قبل فروری 2015 میں لاہور کے علاقے قلعہ گجر سنگھ میں پولیس لائن پر کئے گئے حملے میں دو پولیس اہلکاروں کم از کم 5افراد ہلاک اور درجنوں زخمی ہو گئے تھے۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟