امریکی ماہرین نے غذا چبا چبا کر کھانے کو مختلف انفیکشنز سے بچائو میں معاون قرار دیا ہے۔ امریکی جرنل ایمیونیٹی میں شائع کردہ ماہرین کی تازہ تحقیق کے مطابق غذا چبا چباکر کھانے سے نہ صرف قوت مدافعت میں اضافہ ہوتا ہے بلکہ مختلف انفیکشنز سے محفوظ رہنے میں مدد ملتی ہے علاوہ ازیں یہ مسوڑھوں کے لئے بھی بہترین ورزش ہے اور دانتوں کی مظبوطی کا بھی ضامن ہے، ماہرین کے مطابق غذا کو اچھے سے چبا کر کھانے کا معمول بنا کر اس کے بے شمار فوائد حاصل کئے جا سکتے ہیں اور صحت مند اور تندرست زندگی گزاری جا سکتی ہے۔
