عامر خان کو کس نے دیا قرآن پاک کانایاب نسخہ

 قرآن  پاک کا ہدیہ عامر خان کو ترکی کے سیاحت و ثقافت کے وزیرنعمان کرتلمس نے دیا،عامر خان کی  ترک وزیر کو بھارت  آنے  کی دعوت دی

 بالی وڈ کے مسٹر پرفیکشنسٹ عامرخان کو ترک حکومت کی جانب سے  قرآن  پاک کا نایاب نسخہ ہدیہ کیاگیا ۔ تفصیلات کے مطابق عامر خان چاہتے ہیں کہ ان کی ہر فلم چین سمیت پوری دنیا میں اچھا بزنس کرے اور اسی لیے وہ آج کل  اپنی فلم  سیکرٹ سپر سٹار کی تشہیر کے سلسلہ میں ترکی میں موجود ہیں اور اپنی فلم کی پروموشن کرنے کے ساتھ  ساتھ وہاں کے کلچر سے لطف اندوز ہورہے ہیں،عامر خان نے چند روز قبل صدارتی محل میں ترک صدر رجب طیب اردوان سے بھی ملاقات کی تھی، اس ملاقات کی تصاویر براہ راست صدارتی محل سے ٹوئٹر پر شیئر کی گئی تھیں،حال ہی میں ترک حکومت نے ایک تقریب کے دوران عامر خان کو قرآن  پاک کا نایاب نسخہ ہدیہ میں دیا ہے جسے لیتے ہوئے عامر خان بہت خوش نظر آئے، قرآن  پاک کا ہدیہ عامر خان کو ترکی کے سیاحت و ثقافت کے وزیرنعمان کرتلمس نے دیا، عامر خان نے بھی ترک وزیر کو بھارت  آنے  کی دعوت دی ، جس پر انہوں نے کہا وہ جلد بھارت  آئیں  گے،واضح رہے کہ فلم  سیکرٹ سپر سٹار میں عامر خان اور زائرہ وسیم مرکزی کردار نبھارہے ہیں، فلم رواں ماہ 19 اکتوبر کو ریلیز کی جائے گی۔