22 نومبر 2018
تازہ ترین
شاہ رخ کا تیزاب گردی کا شکار ہونے والی خواتین کیلئے اہم اعلان

 بالی وڈ کنگ شاہ رخ خان کی غیر منافع بخش تنظیم نے تیزاب گردی کا شکار ہونے والی خواتین کے لئے بڑا قدم اٹھاتے ہوئے ان کی پلاسٹک سرجری کرنے کا فیصلہ کیا۔ کروڑوں دلوں پر حکمرانی کرنے والے بالی وڈ کنگ شاہ رخ خان بھارت سمیت پوری دنیا میں اپنی بہترین اداکاری کی وجہ سے شہرت رکھتے ہیں لیکن ان کی زندگی کے اس پہلو سے بہت کم لوگ واقف ہیں کہ وہ خواتین اور بچوں کے حقوق کے لئے سماجی طور پر بہت زیادہ سرگرم رہتے ہیں۔ شاہ رخ خان غیر منافع بخش تنظیم  میر فائونڈیشن کے بانی ہیں جو تیزاب گردی کا شکار ہونے والی خواتین کے لئے بہت زیادہ سرگرم ہے۔  یہ فائونڈیشن تیزاب سے متاثرہ خواتین کو نہ صرف طبی سہولیات فراہم کرتی ہے بلکہ انہیں اپنے پیروں پر کھڑے ہونے میں بھی مدد دیتی ہے تاکہ یہ خواتین معاشرے میں ایک بار پھر سر اٹھاکر جی سکیں۔ حال ہی میں شاہ رخ خان کی تنظیم میر فائونڈیشن نے تیزاب گردی کا شکار ہونے والی خواتین کے لئے بڑا اعلان کیا ۔ میڈیا رپورٹس کے مطابق میر فائونڈیشن نے  اتی جیون فائونڈیشن اور نیو ہوپ ہسپتال کے ساتھ مل کر تیزاب سے متاثرہ خواتین کے لئے پلاسٹک سرجری کا اہتمام کیا، تاکہ یہ خواتین ایک بار پھر عام لوگوں کی طرح معاشرے میں سرا ٹھاکر جی سکیں۔ میر فائونڈیشن کی جانب سے کیمپ میں ان تمام خواتین کو بہترین طبی سہولیات فراہم کی جائیں گی، جو تیزاب گردی کا شکار ہوئی ہیں۔ ابتدائی مرحلے میں 44 خواتین کی پلاسٹک سرجری کی جائے گی۔ شاہ رخ خان کی پروڈکشن کمپنی ریڈ چلی کے سی ای او وینکی میسور نے کہا کہ ہماری فائونڈیشن گزشتہ کئی  سالوں سے  تشدد کا شکار خواتین  کو بااختیار بنانے کے لئے  کوشاں ہے۔  یہ فائونڈیشن متاثرین پر سے مالی بوجھ کم کرکے انہیں بہتر طبی سہولیات فراہم کرتی ہے۔ اس کے علاوہ یہ فائونڈیشن صرف تیزاب گردی کا شکار ہونے والی خواتین کی مدد ہی نہیں کرتی بلکہ  کمزور اور بے سہارا خواتین کو روزگار دلانے اور انہیں اپنے پیروں پر کھڑا ہونے میں بھی مدد دیتی ہے اور اس حوالے سے انہیں قانونی مشورے بھی فراہم کئے جاتے ہیں تاکہ یہ ایک بہتر اور خوشحال زندگی گزار سکیں۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟