17 نومبر 2018
تازہ ترین
 سیلیکون کی جھلی سے  ڈھکےکی بورڈ بٹن

لیپ ٹاپ اور کمپیوٹر کے کی بورڈ میں بٹن کے اندر مٹی، پانی اور دیگر نقصان دہ ذرات کے داخلے کو روکنے کے لئے نیا طریقہ کار ڈھونڈ لیا گیا۔ ٹیکنالوجی کی معروف کمپنی ایپل کے 15 انچ طویل اس نئے لیپ ٹاپ میں جہاں کئی اور خاصیتیں موجود ہیں وہاں اس کے کی بورڈ کو مٹی سے محفوظ رکھنے کے لئے ایک ایک بٹن کو سلیکیون سے ڈھانپا گیا ۔ ایپل کی نئی میک بک لیپ ٹاپ کے کی بورڈ کے حوالے سے شکایتیں موصول ہورہی تھیں جس پر کمپنی نے شکایتوں کا ازالہ کرتے ہوئے نئے لیپ ٹاپ کی ایک ایک Key  کو سیلیکون کی جھلی کے ذریعے اس حد تک محفوظ کر دیا کہ اس میں مٹی اور پانی داخل نہیں ہوسکتا۔ کی بورڈ کے ہر بٹن کے زیریں حصے میں یہ سیلیکون کی جھلی موجود ہے جس سے بٹن کے نازک اور چپ والے حصے تک مٹی اور دیگر مضر ذرات نہیں پہنچ سکتے۔ اسے کی بورڈ کا محافظ نظام کا نام دیا گیا۔ ایپل کمپنی کا دعویٰ ہے کہ اس طریقہ کار سے صارفین کی شکایات کا ازالہ ممکن ہو سکے گا۔ واضح رہے کہ ایپل کمپنی نے 2015 میں Butterfly Switch  متعارف کرایا تھا، تاہم صارفین کی جانب سے کی بورڈ میں مٹی اور دیگر مضر ذرات کے باعث کارکردگی میں کمی سے متعلق شکایت موصول ہوئی تھیں۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟