25 ستمبر 2018
تازہ ترین
سنجو300 کروڑ کلب میں شامل  ہونے والی رنبیر کی پہلی فلم

بالی وڈ اداکار رنبیر کپور کی فلم سنجو نے باکس آفس پر کمائی کا ریکارڈ بنالیا  اور اب فلم 300 کروڑ کلب میں شامل ہوگئی۔ سنجے دت کی زندگی پر بننے والی فلم سنجو ریلیز کے بعد سے اب تک کئی ریکارڈز اپنے نام کر چکی ہے اور فلم باکس آفس پر اب بھی ایک کے بعد ایک ریکارڈ توڑ رہی ہے۔ فلم نے بھارت میں 16 روز میں 300 کروڑ بھارتی روپے سے زائد کی کمائی کرکے اس کلب میں شامل ہونے والی رنبیر کی پہلی اور بالی وڈ کی ساتویں فلم ہے۔ سنجو نے بھارت سمیت دنیا بھر میں 500 کروڑ سے زائد کی بزنس کیا، جس کے بعد یہ فلم بھی سب سے زیادہ کمائی والی فلموں کی فہرست میں آگئی۔ یاد رہے کہ فلم پہلے ہی روز رواں سال کی سب سے زیادہ کمائی والی فلم بنی تھی، جبکہ 3 روز میں ہی 100 کروڑ سے زائد کا بزنس کیا تھا۔ سنجو رنبیر کے کیریئر کی سب سے کامیاب ترین فلم ہے جس نے انہیں باکس آفس پر ہندسوں کی جنگ میں بالی وڈ حکمران خانز کے مد مقابل کھڑا کر دیا ۔ فلم میں رنبیر کپور نے مرکزی کردار کیا ، جبکہ دیگر اداکاروں میں پاریش راول، سونم کپور، انوشکا شرما، دیا مرزا سمیت کئی اداکار شامل ہیں۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟