15 نومبر 2018
دو گھنٹے کچن کی صفائی کرنے سے خاتون جاں بحق

میڈرڈ سے تعلق رکھنے والی 30 سالہ خاتون جسم میں زہر پھیلنے کے باعث جاں بحق ہوگئیں۔ خاتون کی موت دو گھنٹوں تک امونیا کی حامل شے سے کچن کی صفائی کرنے کے سبب ہوئی۔ ایمرجنسی سروسز کے مطابق خاتون نے پیر کو دوپہر تین بجے 112پر کال کی اور بتایا کہ انہیں چکر آرہے ہیں۔ فائرفائٹرز کو بروقت  خاتون کے گھر بھیجا گیا۔ دروازے پر کسی نے جواب نہیں دیا ، لہٰذا انہیں دروازہ توڑ کر اندر گھسنا پڑا۔ فائرفائٹرز نے خاتون کو کچن کے فرش پر پڑا ہوا پایا۔ انہیں دل کا دورہ پڑا تھا۔ ڈاکٹروں نے خاتون کو مردہ قرار دینے سے قبل 30منٹ تک سی پی آر کی کوشش کی۔ سیکیورٹی اور ایمرجنسی ایجنسی کے ترجمان کے مطابق ہر چیز اس بات کی جانب اشارہ کر رہی ہے کہ ان کے جسم میں زہر امونیا سانس کے ذریعے جانے کے باعث پھیلا۔ امونیا عموماً گلاس صاف کرنے والے، اوون صاف کرنے والے اور ٹوائلٹ صاف کرنے والے بلیچ میں پایا جاتا ہے۔ زیادہ حدت کے کیمیکل کے سامنے سے کسی فرد کی آنکھ، ناک یا گلا جل سکتا ہے۔ یہ پھیپھڑوں کو ناکارہ کرنے کا سبب بھی بن سکتا ہے اور دماغ نقصان بھی پہنچا سکتا ہے۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟