23 مئی 2019
تازہ ترین
 دنیا کی سب سے بڑی ایس یو وی تیار

 دنیا کی سب سے بڑی ایس یو وی تیار

 ویگن اور کار کے ملاپ والی گاڑیاں سپورٹس یوٹیلیٹی وہیکل یا ایس یو وی کہلاتی ہیں جو امریکہ اور یورپ میں بہت مقبول ہیں لیکن اماراتی شیخ نے ٹرک اور جیپ کے ملاپ سے ایک عجیب و غریب ایس یو وی بنائی ہے جسے انہوں نے دنیا کی سب سے بڑی ایس یو وی قرار دیا ہے۔ دس پہیوں والی اس گاڑی کا نام  ظہبیان رکھا گیا ، اس کی تیاری میں اوشکوش ایم 1075 فوجی ٹرک او راینگلر جیپ کو باہم ملایا گیا۔ 600 ہارس پاور کا 6 سلنڈر کیٹرپلر انجن اس میں نصب ہے اور گاڑی کی کل لمبائی 10.8میٹر اور وزن 24 ٹن ہے۔ اسے شیخ حمدان بن النہیان نے خصوصی طور پر بنایا ہے جو متحدہ عرب امارات میں عجیب و غریب اور مہنگی کاروں کی وجہ سے بہت مشہور ہیں۔ عظیم الجثہ ایس یو وی کو حال ہی میں شارجہ کے ایک شو میں پیش کیا گیا ، لیکن اس کی قیمت نہیں بتائی گئی ، تاہم کہا جارہا ہے کہ شیخ حمدان کے ذاتی گیراج میں یہ سب سے مہنگی گاڑی ہے۔ سوشل میڈیا پر بعض لوگوں نے اسے غیر ضروری قرار دیا ۔ کچھ ماہرین نے اس کے اگلے حصے کو بدصورت قرار دیا اور دوسری جانب بعض نے اس کے ایندھن کی اوسط کو خوفناک قرار دیا ہے۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟