25 ستمبر 2018
تازہ ترین
خلائی جہاز کی خلائی سٹیشن سے کیپسول لانے کی تیاری

جاپان کا مالبردار خلائی جہاز پہلی مرتبہ ایک کیپسول زمین پر لے کر آئے گا جس میں بین الاقوامی خلائی سٹیشن سے سائنسی نمونے موجود ہوں گے۔ جاپان کی خلائی ایجنسی جاکسا اور متسوبیشی ہیوی انڈسٹریز نے کہا ہے کہ کونو توری 7 کو جاپان میں تیار کردہ H2B راکٹ کے ذریعے 11 ستمبر کو لانچ کیا جائے گا۔ ایک ہی بار استعمال کیا جانے والا کونوتوری خلائی جہاز پانی اور خوراک سمیت 6 ٹن تک  سامان بین الاقوامی خلائی سٹیشن پہنچا سکتا ہے۔ کون کی شکل کا کیپسول 84 سینٹی میٹر چوڑا ہے اور 66 سینٹی میٹر اونچا ہے اور اس میں 20 کلوگرام تک کے نمونے ڈالے جا سکتے ہیں۔ کیپسول میں سائنسی تجربات کے لئے نمونے موجود ہوں گے۔ ایجنسی کے مطابق جاپان نے بین الاقوامی خلائی سٹیشن سے اشیا  لانے کے لئے دیگر ممالک پر انحصار کیا اور اسی لئے اس مرتبہ خود سے یہ کام کرنا جاپان میں خلائی تحقیق کے لئے اہم قدم ہے۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟