22 ستمبر 2018
تازہ ترین
ترکی، امریکی سفارت خانے پر فائرنگ

 ترکی کے دارالحکومت میں واقع امریکی سفارت خانے پر نامعلوم کار سوار فائرنگ کر کے فرار ہو گئے ۔ بین الاقوامی خبر رساں ادارے کے مطابق انقرہ میں سفید کار میں سوار ملزمان نے امریکی سفارت خانے پر فائرنگ کی۔ گولیاں امریکی سفارت خانے کی چیک پوسٹ کی کھڑکی پر لگیں تاہم فائرنگ سے کوئی جانی نقصان نہیں ہوا۔ ترک حکام کے مطابق  ایک سفید کار سفارت خانے کے مرکزی دروازے پر آکر رکی ،جس میں موجود مسلح افراد نے چیک پوسٹ کو نشانہ بنایا اور فرار ہو گئے۔ پولیس نے مقدمہ درج کر کے ملزمان کی گرفتاری کے لئے چھاپہ مار کارروائی کا آغاز کر دیا ۔ واضح رہے کہ ترکی میں امریکی پادری کی نظر بندی کے معاملے پر دونوں ممالک کے درمیان کشیدگی عروج پر ہے۔ امریکا نے ترکی پر اقتصادی پابندیاں عائد کردی ہیں ،جس کے جواب میں ترکی نے امریکی مصنوعات کے بائیکاٹ کا اعلان کر دیا ۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟