25 ستمبر 2018
تازہ ترین
بہاری پلائو بنانے کی ترکیب

اجزا:

  چکن ایک کلو۔۔۔16 ٹکڑے۔۔۔۔ ادرک ،لہسن پیسٹ ۔۔۔۔۔2کھانے کے چمچ۔۔۔۔ پسی ہری مرچیں۔۔۔۔ 20 عدد۔۔۔۔پیاز۔۔۔۔ 2 عدد پسے ہوئے۔۔۔ خشخاش۔۔۔۔ 1 کھانے کا چمچ۔۔۔۔ دہی۔۔۔۔1 کپ۔۔۔ کٹی کالی مرچ۔۔۔ 1 چائے کا چمچ۔۔۔۔ہری الائچی ۔۔4 عدد۔۔۔۔ دار چینی ۔۔۔۔ ایک ٹکڑا۔۔۔ لونگ۔۔6 عدد۔۔۔ تیز پات ۔۔۔ ایک عدد۔۔۔ زیرہ ۔۔۔۔ 1 چائے کا چمچ۔۔۔ چاول۔۔۔۔ آدھا کلو تیس منٹ کیلئے بھگو دیں۔۔۔ تیل آدھا کپ۔۔۔ نمک حسبِ ذائقہ

پکانے کا طریقہ

چکن کو ادرک، لہسن پیسٹ، پسی ہری مرچ، پسے پیاز، خشخاش،نمک اور دہی کے ساتھ ایک گھنٹہ میری نیٹ کریں۔تیل گرم کرکے اس میں پسے پیاز، کٹی کالی مرچ، ہری الائچی، لونگ، تیز پات، اور زیرہ ڈال کر پانچ سے سات منٹ پکائیں کہ پیاز کا کچا پن ختم ہو جائے۔پھر میرینیٹ چکن ڈال کر دو سے تین منٹ پکا کر ڈھک دیں اور بیس منٹ کیلئے پکائیں کہ چکن گل جائے اور تیل اوپر آجائے۔اب دو کپ پانی ڈالیں جب ابال آنے لگے تو چاول ڈال دیں۔  اسے پکنے دیں یہاں تک کہ پانی خشک ہو جائے اور چاول تین چوتھائی پک جائیں۔ہلکی آنچ پر دس منٹ دم دیں کہ چاول مکمل تیار ہو جائیں۔رائتے کے ساتھ پیش کریں۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟