برف سے بنی سب سے بڑی بھول بھلیاں

کینیڈا میں ایک جوڑے نے برف سے دنیا کی سب سے بڑی بھول بھلیاں تخلیق کر کے گنیز بک آف دی ورلڈ ریکارڈز میں اپنا نام درج کروا لیا۔ 2 ہزار 7 سو 89 اسکوائر پر مشتمل ان بھول بھلیوں نے اس سے قبل بنائی جانے والی بھول بھلیوں کا ریکارڈ توڑ دیا جو کینیڈا ہی میں فورٹ ولیم پارک میں بنائی گئی تھی۔ اسے بنانے والا جوڑا کسان ہے، کلنٹ اور اینجی نامی اس جوڑے نے ایک چھوٹے سے قصبے میں اپنے گھر کے باہر مکئی کی بھول بھلیاں بھی بنا رکھی ہیں۔ رواں برس انہوں نے اس دلچسپ کام کو مزید بڑے پیمانے پر کرنے کا سوچا۔ 370 ٹرک برف سے بنی ان بھول بھلیوں کو بنانے میں کئی ہفتے لگے جس کے لئے درست منصوبہ بندی اور خطیر رقم درکار تھی۔ اس کی تیاری میں جوڑے نے کمرشل کمپیوٹر ڈیزائن اور ڈرافٹنگ سافٹ ویئرز کا بھی استعمال کیا۔ اینجی بتاتی ہیں کہ اسے بنانا ایک مشکل کام تھا، صرف دیواریں نہیں کھڑی کرنی تھیں، بلکہ ایسی دیواریں بنانی تھیں جن کے دونوں طرف راستہ ہو۔ بھول بھلیوں کے مختلف راستوں میں مجسمے بھی بنائے گئے ہیں جبکہ اس کے گرد بیٹھنے کے لئے بینچ بھی رکھے گئے ہیں۔ منفی 40 درجہ حرارت پر بھی لوگ ان خوبصورت اور پیچیدہ راستوں کو دیکھنے کے لئے آرہے ہیں، انہوں نے کہا کہ اگر موسم سرما مزید کچھ دن جاری رہا تو یہ بھول بھلیاں بھی قائم رہیں گی اور انہیں کچھ منافع کمانے کا موقع مل جائے گا۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟