20 جولائی 2019
تازہ ترین
ایوینجرز اینڈ گیم کا نیا ٹریلر ریلیز

ایوینجرز اینڈ گیم کا نیا ٹریلر ریلیز

ایوینجرز انفٹنی وار کی گزشتہ سال اپریل میں ریلیز کے بعد سے ہی لوگ اس فلم کے اگلے حصے کے منتظر ہیں اور اب اس کا ایک اور ٹریلر ریلیز کر دیا گیا ۔ عام طور پر لوگوں کو کسی فلم کی ریلیز کا انتظار ہوتا ہے مگر مارول اور ڈزنی سٹوڈیو نے ایوینجرز 4 کے حوالے سے مداحوں کو اتنا بے تاب کیا کہ انہیں کئی ماہ تک ٹریلر اور اس کے ٹائٹل کا انتظار کرنا پڑا جو گزشتہ سال دسمبر میں سامنے آئے۔ اب اس فلم کا دوسرا مکمل اور ممکنہ طور پر آخری ٹریلر جاری کیا گیا ، جس میں مارول سینماٹک یونیورس کے ماضی کی جھلکیوں کے ذریعے لوگوں کے اشتیاق کو مزید بڑھایا گیا ۔ ٹریلر میں فلم کی کہانی کے بارے میں کچھ زیادہ نہیں دکھایا گیا بلکہ پرانی فوٹیج میں چند نئے مناظر کا اضافہ کیا گیا ، مگر کچھ اشارے بھی دیئے گئے ہیں۔ اس نئے ٹریلر کا آغاز آئرن مین ٹوی سٹارک سے ہوتا ہے جو انفٹنی وار کے بعد سے خلا میں بھٹک رہا ہے اور اپنی منگیتر کے نام ایک پیغام پڑھ رہا ہوتا ہے جو کہ پہلی آئرن مین فلم سے متاثر محسوس ہتا ہے۔ یہی عمل کیپٹن امریکا کے ساتھ ہوتا ہے اور اس کردار کی پہلی فلم کی جھلکیوں سے موجودہ دور کو دکھایا جاتا ہے۔ مگر ٹریلر میں سب سے بڑا انکشاف آخر میں نظر آتا جب کیپٹن مارول کو پہلی بار ایوینجرز کے ساتھ دکھایا جاتا ہے جبکہ اس ٹریلر میں آنٹ مین، کیپٹن امریکا اور آئرن سمیت دیگر ہیروز کو کوانٹم ریلیم میں دکھایا گیا جو نئے کاسٹیوم کو زیب تن کئے ہوتے ہیں۔ ایوینجرز اینڈ گیم 26 اپریل کو ریلیز کی جارہی ہے جس میں رابرٹ ڈائونی جونیئر، کرس ایونز، کرس ہیم ورتھ، مارک روفالو، سکارلٹ جونسن، جرمی رنر، بری لارس اور دیگر شامل ہیں۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟