16 جولائی 2018
تازہ ترین
ایف بی آر کا ٹیکس گزاروں کیلئے بڑا اقدام

فیڈرل بورڈ آف ریونیو  نے جعلی ٹیکس نوٹسز کے ذریعے ٹیکس گزاروں کو ہراساں کر کے ان سے پیسہ بٹورنے کے واقعات کے سدباب کیلئے ٹیکس گزاروں کو موصول ہونے والے نوٹسز اور ایف بی آر کے آرڈرز کی آن لائن تصدیق کے عمل کا اجرا کر دیا  ۔ ایف بی آر حکام نے بتایا ہے کہ ملک میں انفارمیشن ٹیکنالوجی کے فروغ کو ٹیکس گزاروں کی سہولت کیلئے بروئے کار لانا شروع کر دیا ہے ، ایف بی آر نے نوٹسز اور آرڈرز کی آن لائن تصدیق کی سہولت کا اجرا کر دیا ہے ، اس سہولت کے اجرا کے بعد اب ملک بھر کے ٹیکس گزاروں کو موصول ہونے والے نوٹس اور آرڈرز کی آن لائن تصدیق ممکن ہوسکے گی اور ایف بی آر کے اصل ٹیکس نوٹس اور آرڈرز پر خصوصی نمبروں پر مشتمل بار کوڈ تحریر ہوگا جس کی ایف بی آر آن لائن فوری تصدیق کر سکے گا اور جب ٹیکس گزار اس بار کوڈ میں تحریر نمبر ایف بی آر کی ویب سائٹ پر ڈالیں گے تو ایف بی آر کا آن لائن سسٹم اس ٹیکس نوٹس، آرڈر کی فوری تصدیق کر دے گا ، بصورت دیگر اس نوٹس کو جعلی تصور کیا جائے ۔


عوامی سروے

سوال: الیکشن 2018 کیلئے کونسی جماعت آپکی فیورٹ؟