24 ستمبر 2018
تازہ ترین
 ایشین گیمز،پاکستان ہاکی ٹیم کی مسلسل پانچویں فتح

ایشین گیمز میں پاکستان ہاکی ٹیم نے بنگلا دیش کو 0-5 سے ہرا کر مسلسل پانچویں فتح سمیٹ لی۔جکارتہ میں جاری میگا ایونٹ میں گرین شرٹس نے شروع سے ہی جارحانہ کھیل پیش کیا، دوسرے ہی منٹ میں محمد عتیق نے گیند کو جال میں پھینک کر ٹیم کو برتری دلائی۔19ویں منٹ میں مبشر علی نے پنالٹی کارنر کو کارآمد بناتے ہوئے برتری دوگنا کردی، 25 ویں منٹ میں مبشر علی نے ایک مرتبہ پھر اسی انداز میں گول کرتے ہوئے مجموعہ 0-3 کردیا، 36 ویں منٹ میں شان علی نے مجموعی طور پر چوتھا گول اسکور کیا، 48 ویں منٹ میں محمد عتیق نے پنالٹی کارنر پر گول کرتے ہوئے اسکور 0-5 کردیا، بنگلا دیشی ٹیم تمام کوششوں کے باوجود کوئی گول کرنے میں کامیاب نہ ہو سکی۔

واضح رہے کہ یہ ایونٹ میں پاکستان کی مسلسل پانچویں کامیابی ہے، گرین شرٹس نے تھائی لینڈ اور اومان کو صفر کے مقابلے میں 10 گول سے شکست دینے کے بعد تیسرے مقابلے میں قازقستان کو بھی 0-16 سے فتح سمیٹی، ملائیشیا کو 1-4 گولز سے شکست دے کر نہ صرف مسلسل چوتھی کامیابی حاصل کی۔ پاکستان ٹیم گروپ میں ٹاپ پر موجود ہے اور پہلے ہی سیمی فائنل کے لئے کوالیفائی کر چکی ہے

 


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟