14 نومبر 2018
تازہ ترین
 انگلینڈ کی بھارت کو ون ڈے میں شکست

 جو روٹ کی ناقابل شکست سنچری کی بدولت انگلینڈ نے بھارت کو آخری اور فیصلہ کن ون ڈے انٹرنیشنل کرکٹ میچ میں با آسانی 8 وکٹوں سے ہرا کر تین میچوں کی سیریز 2-1 سے جیت لی۔ میزبان ٹیم نے 257 رنز کا ہدف 44.3 اوورز میں محض 2 وکٹوں کے نقصان پر پورا کیا، جو روٹ اور مورگن نے تیسری وکٹ میں 186 رنز کی ناقابل شکست شراکت جوڑ کر بھارت کی سیریز جیتنے کی امیدوں پر پانی پھیر دیا، روٹ نے ڈٹ کر بھارتی بائولرز کا مقابلہ کیا اور مسلسل دوسری سنچری بنا کر ٹیم کو فتح دلائی۔  روٹ 100 اور مورگن 88 رنز بنا کر ناٹ آئوٹ رہے، عادل راشد میچ اور روٹ سیریز کے بہترین کھلاڑی قرار پائے۔ لیڈز میں کھیلے گئے فیصلہ کن ون ڈے میچ میں بھارت نے پہلے کھیلتے ہوئے مقررہ اوورز میں 8 وکٹوں پر 256 رنز بنائے، کپتان ویرات کوہلی کے سوا کوئی بھی کھلاڑی متاثرکن کارکردگی کا مظاہرہ نہ کر سکا، کوہلی 71 رنز بنا کر نمایاں رہے، روہت شرما 2، شیکھر دھون 44، دنیش کارتھک 21، دھونی 42، سریش رائنا ایک، ہرڈک پانڈیا اور بھنشور کمار 21، 21 رنز بنا کر آئوٹ ہوئے، ٹھاکر 22 رنز بنا کر ناٹ آئوٹ رہے، ڈیوڈ ویلے اور عادل راشد نے 3، 3 اور مارک ووڈ نے ایک وکٹ لی، جواب میں انگلش ٹیم نے مطلوبہ ہدف 45ویں اوور میں صرف 2 وکٹوں کے نقصان پر حاصل کیا، جونی بیئرسٹو 30 اور جیمز ونس 27 رنز بنا کر آئوٹ ہوئے، 74 رنز پر دو وکٹیں گرنے کے بعد جوروٹ اور کپتان مورگن نے میدان سنبھالا، دونوں بلے بازوں کے سامنے بھارتی بائولرز بالکل بے بس نظر آئے، دونوں نے تیسری وکٹ میں 186 ناقابل شکست رنز جوڑ کر ٹیم کو فتح دلائی، روٹ 100 اور مورگن 88 رنز بنا کر ناٹ آئوٹ رہے۔  


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟