17 نومبر 2018
تازہ ترین
امریکا کی تاریخ کا سب سے بڑا مگرمچھ برآمد

امریکی وائلڈ لائف ادارے نے فلوریڈا میں ایک عوامی پارک سے 13 فٹ طویل مگرمچھ برآمد کرلیا ، جو امریکی تاریخ پکڑا جانے والا سب سے بڑا مگر مچھ ہے۔ بین الاقوامی خبر رساں ادارے کے مطابق امریکی وائلڈ لائف ادارے کو فلوریڈا کے پبلک پارک میں مگرمچھ کی موجودگی کی اطلاع موصول ہوئی تھی جس پر ریسکیو اہل کاروں کی مدد سے امریکا کی تاریخ میں کسی عوامی مقام سے پکڑے گئے سب سے طویل اور بھاری مگرمچھ کو ریسکیو کرلیا گیا ۔ یہ مگرمچھ پارک کے گھنے درختوں میں چھپا ہوا تھا۔ وائلڈ لائف حکام کے مطابق مگرمچھ کو طبی معائنے کے لئے ہسپتال لے جایا گیا ، جس کے بعد مگرمچھ کو مقامی چڑیا گھر منتقل کر دیا جائے گا ، وائلڈ لائف حکام اور پولیس نے عوامی مقام پر خطرناک مگرمچھ کی موجودگی کی وجہ معلوم کرنے کے لئے تحقیقات کا آغاز کر دیا ، جبکہ میونسپلٹی ادارے نے بھی ایک تحقیقاتی کمیٹی تشکیل دے دی ، کہ معلوم کیا جائے کہ وہ مگرمچھ کہاں سے آیا اور یہاں تک کیسے پہنچ گیا؟ ایک وائلڈ لائف اہلکار نے کہا کہ اپنے 20 سالہ دور ملازمت میں اتنا طویل اور بھاری مگرمچھ نہیں دیکھا، اب تک زیادہ سے زیادہ 10 سے 12 فٹ لمبے مگرمچھ پکڑنے کا موقع ملا ہے، یہ ہمارے لیے پرجوش لمحہ ہے اور پوری ٹیم اس کامیابی پر خوش ہے۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟