23 ستمبر 2018
تازہ ترین
 امریکا ،بم کی اطلاعات پر 3 طیاروں کی ہنگامی لینڈنگ

جنوبی امریکا کے فضائی حکام کو متعدد طیاروں میں بم کی موجودگی کی اطلاعات موصول ہوئیں جس کے نتیجے میں پیرو میں آنے والی پرواز کو ہنگامی طور پر لینڈ کروادیا گیا جبکہ 2 پروازوں کو ہنگامی طور پر واپس چلی ایئرپورٹ کی جانب بھیج دیا گیا۔حکام کے مطابق غلط اطلاعات کے باعث مجموعی طور پر 9 پروازیں ہنگامی طور پر متاثر ہوئیں۔امریکی خبر رساں ادارے کے مطابق جنوبی امریکا کی سب سے بڑی ایئرلائن لاتم کی پرواز مسافروں کو پیرو کے دارالحکومت لیما سے چلی کے شہر سانتیاگیو لارہی تھی جسے بم کی اطلاعات کے بعد ہنگامی طور پر پیرو کے جنوبی شہر پسکو میں بحفاظت اتارا گیا۔چلی سول ایوی ایشن کے مطابق 3 طیاروں کا اچھی طرح معائنہ کیا گیا تاہم جہازوں میں کوئی دھماکا خیز مواد موجود نہیں تھا جبکہ دھمکیوں کے بارے میں فوری طور پر کسی تفصیلات سے بھی آگاہ نہیں کیا گیا تاہم یہ صرف یہ بتایا گیا کہ دھمکی آمیز فون کالز موصول ہوئی تھیں۔غیر ملکی خبر رساں اداروں کے مطابق چلی کے فضائی حکام کی جانب سے جاری کیے گئے الرٹ نے 9 پروازیں اپنا روٹ اور شیڈول تبدیل کرنے پر مجبور ہوئیں۔متاثرہ پروازوں میں سے 2 طیارے لاتم نامی فضائی کمپنی کے تھے جبکہ 3 چلی کی اسکائی نامی ایئر لائن کی ملکیت تھے،بعد ازاں جانچ پڑتال کے بعد تمام پروازوں کو کلیئر قرار دےدیا گیا اور ایک جہاز کو فضائی سفر کی اجازت بھی دےدی گئی۔بم کی دھمکیوں سے اس کی 2 پروازیں متاثر ہوئیں،جس کے باعث مسافروں کو دیگر طیاروں میں منتقل کیا گیا تاہم حکام کو ایسے کوئی شواہد نہیں ملے جس کے باعث مسافروں کی جانوں کو خطرہ ہو۔چلی سول ایوی ایشن کے مطابق مجموعی طور پر بم کی 11 اطلاعات موصول ہوئیں،جس میں سے 2 خودساختہ تھیں جبکہ بقیہ 9 اسی کا تسلسل تھیں۔ان کا کہنا تھا کہ تمام پروازوں کو دھماکا خیز مواد سے پاک قرار دیا جاچکا ہے اور ایک طیارے کو پرواز کی جازت دی جاچکی ہے۔ان کا کہنا تھا کہ دھمکی آمیز کال لاتم ایئرلائن کے دفتر میں موصول ہوئی،جس کے بعد فضائی حکام اور پولیس اس کال کا سراغ لگانے کی کوششیں کررہے ہیں۔ان کا مزید کہنا تھا ہمارے پاس ایک یا 2 بھولے گئے سوٹ کیس ہمیشہ موجود ہوتے ہیں،یہ ایک عام سی بات ہے، لیکن بم کی دھمکی ملنے کا یہ معاملہ بالکل الگ نوعیت کا تھا۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟