16 ستمبر 2019
تازہ ترین

  سپیکرکی محسن داوڑ اور علی وزیر کے پروڈکشن آرڈر سے معذرت

  سپیکر قومی اسمبلی  نے وزیرستان سے منتخب ارکان محسن داوڑ اور علی وزیر  کے پروڈکشن آرڈر جانے سے معذرت کرلی۔ ذرائع کے مطابق میگا کرپشن سکینڈل میں گرفتار سابق صدر آصف علی زرداری کے پروڈکشن آرڈر کے معاملے کے لیے پیپلزپارٹی کے رہنمائوں پرویز اشرف اور خورشید شاہ نے  سپیکر قومی اسمبلی اسدقیصر سے رابطہ کیا۔ پیپلزپارٹی کے وفد نے آصف زرداری کے ساتھ محسن داوڑاورعلی وزیر کے پروڈکشن آرڈر جاری کرنے کا بھی مطالبہ کرتے ہوئے اصرار کیا کہ پروڈکشن آرڈر فوری جاری کیے جائیں، پیپلز پارٹی وفد سے سپیکر نے پروڈکشن آرڈر پیر کے اجلاس کے لئے جاری کرنے کی بات کی۔ ذرائع کا کہنا ہے کہ اسپیکر نے آصف زرداری کے پروڈکشن آرڈر جاری کرنے پر آمادگی ظاہر کی ہے تاہم محسن داوڑ اور علی وزیر کے پروڈکشن آرڈر سے معذرت کرلی ہے۔ خیال رہے کہ 26 مئی 2019 کو شمالی وزیرستان کے علاقے بویا میں خڑکمر چیک پوسٹ پر حملہ کیا گیا تھا، جس کے بارے میں پاک فوج کے شعبہ تعلقات عامہ نے بتایا تھا کہ چیک پوسٹ پر ایک گروہ نے محسن جاوید داوڑ اور علی وزیر کی قیادت میں حملہ کیا، جس کے نتیجے میں 5 اہلکار زخمی ہوئے۔

  سپیکرکی محسن داوڑ اور علی وزیر کے پروڈکشن آرڈر سے معذرت