25 جون 2019

بلاول بھٹو سے اختر مینگل کی ملاقات، آصف زرداری کی گرفتاری پر اظہار یکجہتی

 بلاول بھٹو زرداری سے سردار اختر مینگل نے ملاقات کی ہے، ملاقات میں ملکی سیاسی صورت حال پر گفتگو کی گئی۔ بدترین معاشی صورت حال کے تناظر میں پیدا ہونے والی عوامی بے چینی اور رد عمل پر بحث ہوئی۔ سردار اختر مینگل نے کہا سابق صدر آصف زرداری کی گرفتاری پر اظہار یکجہتی کے لئے آپ کے پاس آیا ہوں، حکومت 10 ماہ میں بی این پی کے 6 نکات پر عمل درآمد نہیں کر سکی۔ چیئرمین بلاول بھٹو زرداری نے یکجہتی پر سردار اختر مینگل سے اظہار تشکر کرتے ہوئے کہا پیپلز پارٹی بی این پی کے 6 نکات کو بالکل درست سمجھتی ہے، اس بات کا بخوبی احساس ہے کہ بلوچستان کے عوام کی ہمیشہ حق تلفی کی گئی ہے، بلوچستان کے عوام کے زخموں کا مداوا کئے بغیر ملکی ترقی کا ہر تصور ناپائیدار ہوگا، پی پی پی نے آغاز حقوق بلوچستان دے کر بلوچ عوام کو حقوق کی فراہمی کی ابتدا کی۔

بلاول بھٹو سے اختر مینگل کی ملاقات، آصف زرداری کی گرفتاری پر اظہار یکجہتی