19 جنوری 2019
تازہ ترین

سانحہ اے پی ایس، سابق کور کمانڈر پشاور سمیت دیگر حکام طلب

<p>پشاور (مانیٹرنگ ڈیسک) سانحہ آرمی پبلک اسکول پشاور کی تحقیقات کے لیے تشکیل دیئے گئے عدالتی  کمیشن نے سابق کور کمانڈر پشاور ہدایت الرحمان کو طلب کرلیا۔ ہائیکورٹ کے سینئر جج جسٹس محمد ابراہیم کی سربراہی میں قائم کمیشن نے سابق آئی جی ناصر درانی، سابق ہوم سیکرٹری اختر علی شاہ اور ڈی آئی جی شیر عالم شنوری کو بھی طلب کرلیا ہے جب کہ سانحہ کے وقت اے اپی ایس بورڈ آف گورنر کے چیئرمین ، اے پی ایس کے میڈیکل آفیسر، اور سیکریٹری بورڈ آف گورنر کو بھی بلایا گیا ہے۔ عدالتی کمیشن نے چیف سیکریٹری اور وزارت دفاع سے بیانات کے لیے شیڈول مانگا ہے، کمیشن نے سابق سی سی پی او اعجاز اور سانحہ میں زخمی ہونے والے پولیس اہلکار  وصال کو بھی طلب کیا ہے، اس کے علاوہ عدالتی کمیشن نے دیگر اہم شخصیات اور حکام کو بیانات قلمبند کرانے کے لیے طلب کیا ہے۔</p>
سانحہ اے پی ایس، سابق کور کمانڈر پشاور سمیت دیگر حکام طلب