19 دسمبر 2018
تازہ ترین

 انسداد تجاوزات آپریشن کا دائرہ بڑھایا جائے گا، وسیم اختر

<p>کراچی(ویب ڈیسک) میئر وسیم اختر نے کہا ہے کہ کراچی میں انسداد تجاوزات آپریشن کا دائرہ کار بڑھایا جائے گا۔ کراچی کی انسداد دہشت گردی کی عدالت میں سانحہ 12 مئی کے دو مقامات میں پیشی کے بعد میئر کراچی وسیم اختر نے میڈیا سے گفتگو کرتے ہوئے کہا کہ لوگ رضاکارانہ طور پر خود تجاوزات ختم کر رہے ہیں، کراچی میں جس کا جو دل چاہتا ہے وہ کرتا ہے، کراچی سب کے لئے مفت ہے کا رجحان بن گیا، فٹ پاتھ لوگوں کے چلنے کے لئے ہوتا ہے غیر قانونی تجاوزات کے لئے نہیں، کے ایم سی اپنی حدود میں تجاوزات کے خلاف آپریشن کا دائرہ کار بڑھائے گی۔ انہوں نے کہا کہ اگر شہر میں تجاوزات پھر سے شروع ہوئی تو وہاں کا اینٹی انکروچمنٹ افسر ذمہ دار ہوگا،  سپریم کورٹ نے کنٹونمنٹ کو آرڈر کیا کہ میئر کراچی کے ساتھ مل کر تجاوزات ہٹائیں، ہم نے کنٹونمنٹ کے علاقے میں بھی انکروچمنٹ ختم کی، چیف جسٹس کی تبدیلی کے بعد بھی عدالتی انکروچمنٹ حکم برقرار رہے گا۔</p>
 انسداد تجاوزات آپریشن کا دائرہ بڑھایا جائے گا، وسیم اختر