17 اگست 2017
تازہ ترین

عوامی سروے

سوال: آپ کے خیال میں کونسی سیاسی یا مذہبی جماعت صحیح معنوں میں نظریہ پاکستان کی محافظ اور عوامی فلاح و بہبود میں اہم کردار ادا کر سکتی ہے؟

کھیل
پاکستان سپر لیگ لیگ سکینڈل کی  تحقیقات کرنیوالے ٹربیونل نے اپنی سفارشات مرتب کرنا شروع کر دیں، قومی کرکٹرز شرجیل خان، خالد لطیف، شاہ زیب حسن کیخلاف ٹھوس شواہد کی روشنی میں انکے خلاف پانچ سال سے تاحیات پابندی عائد ہونے کے امکانات ہے۔ تفصیلات کے مطابق تحقیقاتی ٹربیونل قومی کرکٹر  شرجیل خان پر پانچ سال جبکہ  خالد لطیف اور شاہ زیب حسن پر دس، دس سال پابندی عائد کر سکتا ہے  جبکہ  تینوں کرکٹرز پر قومی و کلب سطح پر کرکٹ کھیلنے پر بھی پابندی لگائی جائے گی۔

ریال میڈرڈ نے  سپینش سپر فٹ بال کپ کا ٹائٹل جیت لیا، میڈرڈ نے فیصلہ کن معرکے میں بارسلونا کو ایگریگیٹ سکور 5-1 گولز سے ہرا کر ٹائٹل جیتنے کا اعزاز حاصل کی ۔سپینش اور یورپین چیمپئن نے کرسٹیانو رونالڈو کے بغیر بھی بارسلونا کو آئوٹ کلاس کیا۔ سپینش سپر کپ فائنل کے سیکنڈ لیگ میچ میں ریال میڈرڈ نے بارسلونا کو 2-0 گولز سے ہرایا اور ایگریگیٹ سکور 5-1 سے کامیابی حاصل کر کے ٹائٹل اپنے نام کیا، فاتح ٹیم کی جانب سے مارکو آسنسیو اور کریم بینزیما نے گولز کئے۔ میڈرڈ نے فرسٹ لیگ میں بارسلونا کو 3-1 گولز سے ہرایا تھا۔  
image

انگلش کائونٹی کرکٹ میں شاندار کارکردگی کا مظاہرہ کرنے پر ایسیکس کے پاکستانی فاسٹ بالر محمد عامر کو جولائی کے بہترین کھلاڑی کے ایوارڈ سے نوازا گیا، انہوں نے جولائی میں نیٹ ویسٹ ٹی ٹونٹی بلاسٹ کے 9 میچوں میں حصہ لیا جہاں ان کی کارکردگی انتہائی غیر معمولی رہی۔ میڈیا رپورٹس کے مطابق کلب کی جانب سے کرائی گئی رائے شماری میں انہیں 69 فیصد ووٹ ملے، انہیں کلب آفیشل نے سادہ سی تقریب میں ان کے ایک میچ کا فریم فوٹو پیش کیا۔ محمد عامر کا کہنا تھا کہ وہ اچھی پرفارمنس پر خوش اور کلب میں ہر ایک کے تعاون پر مشکور اور ممنون ہیں۔
image

سکواش کے سابق عالمی چمپئن جہانگیر خان نے کہا ہے کہ اس کھیل نے پاکستان کو کھیلوں کی دنیا میں جو رتبہ دلوایا اس کے بدلے میں اسے کچھ نہیں ملا۔ ایک انٹرویو میں جہانگیر خان نے کہا کہ پاکستان میں سکواش پر کبھی بھی سنجیدگی سے توجہ نہیں دی گئی چاہے وہ حکومت کی طرف سے ہو،  پاکستان بننے کے صرف چار سال بعد ہی ہم اس کھیل میں عالمی چمپئن بن گئے تھے جبکہ دوسرے ممالک کو اس مقام تک پہنچنے میں طویل عرصہ لگا لیکن افسوس کی بات یہ ہے کہ پاکستان نے سکواش کی دنیا میں بلند مقام حاصل تو کر لیا لیکن اسے مزید استحکام دینے پر کوئی توجہ نہیں دی گئی،  اگر سکواش فیڈریشن ایئرفورس سے  واپس لے لی جاتی ہے تو پھر حکومت کو اس کھیل کے لیے بہت کچھ کرنا ہوگا، پاکستان سپورٹس بورڈ اور حکومت سے جو مدد اس وقت مل رہی ہے وہ نہ ہونے کے برابر ہے، اگر کوئی یہ سوچتا ہے کہ دس بیس لاکھ روپے سے فیڈریشن چلائی جا سکتی ہے تو یہ ناممکن ہے، سابق عالمی چمپئن کھلاڑیوں کی خدمات حاصل کرنا اور ان کے تجربے سے فائدہ اٹھانا حکومت اور سکواش فیڈریشن کی ذمہ داری ہے۔ 
image

ویسٹ انڈین ٹیم کے کوچ سٹورٹ لائ نے حالیہ ناکامیوں کے باوجود ٹیم کی حمایت کرتے ہوئے کہا ہے کہ کھلاڑی انگلینڈ کے خلاف ٹیسٹ سیریز میں نہ صرف عمدہ کارکردگی کا مظاہرہ کر کے تنقید کو غلط ثابت کریں گے بلکہ سیریز جیت کر گزشتہ نامیوں کی روایت بھی توڑ دیں گے۔ ویسٹ انڈیز اور انگلینڈ کے درمیان پہلا ٹیسٹ  جمعرات سے شروع ہو گا، حالیہ رینکنگ کے مطابق انگلش ٹیم تیسرے اور ویسٹ انڈین ٹیم آٹھویں نمبر پر موجود ہے، کالی آندھی کی ٹیم 2000ئ سے انگلش سرزمین پر ٹیسٹ سیریز جیتنے میں کامیاب نہیں ہوئی۔ اپنے ایک بیان میں ویسٹ انڈین کوچ نے کہا کہ ہماری ٹیم باصلاحیت کھلاڑیوں پر مشتمل ہے، سیریز میں کامیابی کیلئے کھلاڑیوں کو ڈٹ کر مقابلہ کیلئے تیار رہنے کا کہا ہے۔ انہوں نے کہا کہ انگلینڈ کا ٹاپ آرڈر ناتجربہ کار ہے اسلئے ہمارے بائولرز کے پاس ان کی کمزوریوں سے فائدہ اٹھانے کا موقع ہو گا تاہم مقصد کے حصول کیلئے کھلاڑیوں کو اٹیکنگ کرکٹ کھیلنا ہو گی۔    
image

پریکٹس میچ کے دوران باؤنسر سے ریٹائرڈ ہرٹ ہونے والے ڈیوڈ وارنر فٹ ہو گئے۔ سوشل میڈیا پر اپنی نئی تصویر کے ساتھ نیک خواہشات کا اظہار کرنے والے پرستاروں کا شکریہ ادا کیا۔ دورہ بنگلا دیش کی تیاریوں کو تیز کرتے ہوئے ڈیوڈ وارنر فاسٹ باؤلر جوش ہیزل وْڈ کے باؤنسر پر کھیل جاری نہ رکھ سکے اور میدان بدر ہو گئے تھے۔ آسٹریلوی اوپنر نے سماجی رابطوں کی ویب سائٹ ٹویٹر کے ذریعے اپنے مداحوں کو مکمل فٹ ہونے کی خبر دے دی۔ ڈیوڈ وارنر نے نیک تمناؤں بھرے پیغامات بھیجنے والے پرستاروں کا شکریہ ادا کیا۔فٹ ہونے کے بعد آسٹریلوی نائب کپتان ڈیوڈ وارنر کی دورہ بنگلا دیش کے لیے روانگی یقینی ہو گئی ہے۔ آسٹریلوی ٹیم جمعہ کو روانہ دورے کیلئے روانہ ہو گی۔ آسٹریلیا اور بنگلا دیش کے درمیان ایک پریکٹس میچ کے بعد 27 اگست سے دو ٹیسٹ میچوں کی سیریز کھیلی جائے گی۔  
image

آسٹریلیا کے سابق کرکٹر اور پاکستان سپر لےگ کی فرنچائز اسلام آباد یونائیٹڈ کے کوچ ڈین جونز کا کہنا ہے کہ وہ دورہ سری لنکا اور ورلڈ الیون کے دوران کمنٹری کرنے کے لیے پاکستان آئیں گے۔ انہوں نے سری لنکن ٹیم کے لاہور میں ٹی ٹوئنٹی کھیلنے اور ورلڈ الیون کے دورہ پاکستان کو خوش آئند قرار دےتے ہوئے کہا کہ وہ ورلڈ الیون کے دورہ پاکستان اور سری لنکا کے ایک ٹی ٹوئنٹی میچ پاکستان میں کھیلنے پر بے حد خوشی محسوس کر رہے ہیں۔ ڈین جونز کا کہنا تھا کہ وہ مذکورہ ٹیموں کے ساتھ پاکستان کا دورہ کریں گے اور میچ کے دوران کمنٹری بھی کریں گے، جو ان کے لیے نہایت پْرمسرت موقع ہوگا ۔ ڈین جونز کا کہنا ہے کہ ورلڈ الیون اور سری لنکا کے کامیاب دورے کے بعد پاکستان میں بین الاقومی کرکٹ کے بند دروازے کھل جائیں گے۔ ان کا کہنا تھا کہ ان دونوں ٹیموں کا دورہ پاکستان انتہائی اہمیت کا حامل ہے اور اس حوالے سے وہ پْر امید ہیں کہ اس سے پاکستان میں بین الاقوامی کرکٹ بحال ہوگی۔ انہوں نے واضح کیا کہ حال ہی میں چیمپیئنز ٹرافی جیتنے کے بعد ان دوروں سے پاکستان میں کرکٹ کو مزید فروغ ملے گا ۔
image

   انٹرنیشنل کرکٹ کونسل نے پاکستان میں کرکٹ کی بحالی میں مدد کے لیے بین الاقوامی سیکیورٹی کمپنی سے 3 سالہ معاہدہ کرلیا ۔ پاکستان کرکٹ بورڈ کے نو منتخب چیئرمین نجم سیٹھی کا کہنا ہے کہ مذکورہ سیکیورٹی کمپنی رواں ماہ اگست کے آخر میں یا پھر آئندہ ماہ ستمبر کے آغاز میں پاکستان کا دورہ کرے گی اور ملک میں سیکیورٹی کی صورتحال کا جائزہ لے گی۔ انہوں نے بتایا کہ یہ سیکیورٹی کمپنی برطانیہ، نیوزی لینڈ اور متحدہ عرب امارات میں کام کر رہی ہے اور بین الاقوامی سطح پر اس کی شہرت اچھی ہے۔ نجم سیٹھی کا کہنا تھا کہ فیڈریشن آف انٹرنیشنل کرکٹرز کا ایک نمائندہ بھی اس سیکیورٹی کمپنی کے ساتھ لاہور آئے گا جو ذاتی طور پر سیکیورٹی کی صورتحال کا جائزہ لے گا  جس میں سیکیورٹی کمپنی حکومتِ  پنجاب کے ساتھ مل کر سیکیورٹی کا جائزہ لے گی جبکہ پاکستان سپر لیگ دیکھنے کے لیے آنے والے مختلف ممالک کے سیکیورٹی ماہرین کی سفارشات کا بھی جائزہ لیا جائے گا۔ جس کے لیے سکےورٹی ٹیم کو 4 لاکھ امریکی ڈالر دیے جائیں گے، یوں اس ٹیم کو تین سال کی مدت میں کل 12 لاکھ ڈالر دیے جائیں گے ۔ سیکیورٹی کمپنی کی رپورٹ کی بنیاد پر پاکستان میں پی ایس ایل کے انعقاد کی منظوری دی جائے گی جس میں بین الاقوامی کرکٹرز بھی حصہ لیں گے۔     
image

  پاکستان کرکٹ ٹیم کے مڈل آرڈر بلے باز عمر اکمل نے دعویٰ کیا ہے کہ ہیڈ کوچ مکی آرتھر نے انہیں گالیاں دیں اور وہ کسی کی گالیاں نہیں سن سکتے ۔ میڈیا سے بات کرتے ہوئے عمر اکمل نے الزام لگایا کہ مکی آرتھر نے انہیں کہا کہ اکیڈمی نہ آو ٔ، جاؤ کلب کرکٹ کھیلو، وہ دوسرے کھلاڑیوں کو بھی برا بھلا کہتے ہیں، میں خود کو اچھا کرنا چاہتا ہوں لیکن رکاوٹیں ڈالی جا رہی ہیں ۔ عمر اکمل کا کہنا تھا کہ انہیں بلا جواز وارننگ دے کر کیمپ سے ڈراپ کیا گیا، انہوں نے کبھی رولز کی خلاف ورزی نہیں کی، ہیڈ کوچ کو گالیاں دینے سے چیف سلیکٹر انضمام الحق نے بھی نہیں روکا ، کوچنگ سٹاف کے رویے کی طرف کرکٹ بورڈ کی توجہ دلانا چاہتا ہوں۔ انہوں نے کہا کہ مکی آرتھر اور کوچنگ سٹاف نے انہیں ٹارگٹ بنا رکھا ہے، اکیڈمی کا مقصد غلطیوں اور خامیوں پر قابو پانا ہوتا ہے، نیشنل کرکٹ اکیڈمی میں مجھے ٹریننگ سے روکنا سمجھ سے بالاتر ہے، مکی آرتھر نے کہا کہ مجھے اکیڈمی میں کس نے آنے دیا ۔عمر اکمل کا کہنا تھا کہ مکی آرتھر کو یہ زیب نہیں دیتا کہ وہ پاکستان کے کھلاڑیوں کو گالیاں دیں  جبکہ ہیڈ کوچ مکی آرتھر نے عمر اکمل کے تمام الزامات مسترد کر  تے ہوئے کہا ہے کہ عمر اکمل غلط بیانی کر رہا ہے، میں نے کوئی گالی نہیں دی۔ عمر اکمل غلط بیانی کر رہا ہے۔ میں نے کوئی بھی گالی نہیں دی۔ مکی آرتھر کا کہنا تھا کہ میں نے عمر اکمل کو کہا کہ اپنے آپ میں بہتری لاو اور اپنا رویہ ٹھیک کرو ۔مکی آرتھر کا کہنا تھا کہ میں عمر اکمل کی طرف سے لگائے گئے تمام الزامات کو مسترد کرتا ہوں۔
image

  پاکستان کرکٹ ٹیم کے مڈل آرڈر بلے باز عمر اکمل نے دعویٰ کیا ہے کہ ہیڈ کوچ مکی آرتھر نے انہیں گالیاں دیں اور وہ کسی کی گالیاں نہیں سن سکتے ۔ میڈیا سے بات کرتے ہوئے عمر اکمل نے الزام لگایا کہ مکی آرتھر نے انہیں کہا کہ اکیڈمی نہ آو ٔ، جاؤ کلب کرکٹ کھیلو، وہ دوسرے کھلاڑیوں کو بھی برا بھلا کہتے ہیں، میں خود کو اچھا کرنا چاہتا ہوں لیکن رکاوٹیں ڈالی جا رہی ہیں ۔ عمر اکمل کا کہنا تھا کہ انہیں بلا جواز وارننگ دے کر کیمپ سے ڈراپ کیا گیا، انہوں نے کبھی رولز کی خلاف ورزی نہیں کی، ہیڈ کوچ کو گالیاں دینے سے چیف سلیکٹر انضمام الحق نے بھی نہیں روکا ، کوچنگ سٹاف کے رویے کی طرف کرکٹ بورڈ کی توجہ دلانا چاہتا ہوں۔ انہوں نے کہا کہ مکی آرتھر اور کوچنگ سٹاف نے انہیں ٹارگٹ بنا رکھا ہے، اکیڈمی کا مقصد غلطیوں اور خامیوں پر قابو پانا ہوتا ہے، نیشنل کرکٹ اکیڈمی میں مجھے ٹریننگ سے روکنا سمجھ سے بالاتر ہے، مکی آرتھر نے کہا کہ مجھے اکیڈمی میں کس نے آنے دیا ۔عمر اکمل کا کہنا تھا کہ مکی آرتھر کو یہ زیب نہیں دیتا کہ وہ پاکستان کے کھلاڑیوں کو گالیاں دیں  جبکہ ہیڈ کوچ مکی آرتھر نے عمر اکمل کے تمام الزامات مسترد کر  تے ہوئے کہا ہے کہ عمر اکمل غلط بیانی کر رہا ہے، میں نے کوئی گالی نہیں دی۔ عمر اکمل غلط بیانی کر رہا ہے۔ میں نے کوئی بھی گالی نہیں دی۔ مکی آرتھر کا کہنا تھا کہ میں نے عمر اکمل کو کہا کہ اپنے آپ میں بہتری لاو اور اپنا رویہ ٹھیک کرو ۔مکی آرتھر کا کہنا تھا کہ میں عمر اکمل کی طرف سے لگائے گئے تمام الزامات کو مسترد کرتا ہوں۔
image

کیریبین پریمیئر لیگ میں آندرے میکارتھے کی جارحانہ اننگز کی بدولت جمیکا تلاواز نے سینٹ لوشیا سٹارز کو 5 وکٹوں سے ہرا کر تیسری کامیابی حاصل کر لی، سٹارز کی ٹیم کو متواتر چھٹی شکست کا سامنا کرنا پڑا، میکارتھے نے 61 رنز کی ناقابل شکست اننگز کھیل کر سٹارز کی جیت کی ارمانوں پر پانی پھیر دیا، فلیچر اور سیموئلز کی نصف سنچریاں رائیگاں گئیں، میکارتھے میچ کے بہترین کھلاڑی قرار پائے۔سی پی ایل میں کھیلے گئے 14 ویں میچ میں سینٹ لوشیا سٹارز نے پہلے کھیلتے ہوئے مقررہ اوورز میں 7 وکٹوں کے نقصان پر 173 رنز بنائے، آندرے فلیچر 84 اور مارلون سیموئلز 54 رنز بنا کر نمایاں رہے، محمد سمیع نے 3 جبکہ ولیمز اور پاویل نے 2، 2 وکٹیں لیں، جواب میں جمیکا تلاواز نے مطلوبہ ہدف آخری اوور کی چوتھی گیند پر 5 وکٹوں پر حاصل کیا، میکارتھے نے 61 رنز کی اننگز کھیل کر ٹیم کو فتح دلائی۔
image

نیوزی لینڈ کرکٹ بورڈ کے بعد کرکٹ آسٹریلیا بھی سنٹرل کنٹریکٹ کھلاڑیوں کو پاکستان بھیجنے سے انکار کر دیا ۔ ذرائع کے مطابق کینگرو بورڈ نے کسی بھی سنٹرل کنٹریکٹ یافتہ یا موجودہ کھلاڑی کو پاکستان نہ بھیجنے کا فیصلہ کر لیا ۔ ذرائع کے مطابق کرکٹ آسٹریلیا کا کہنا ہے پاکستان میں سکیورٹی سے مطمئن نہیں،  کھلاڑیوں کی سکیورٹی اولین ترجیح ہے لیکن ذرائع کا کہنا ہے غیر سنٹرل کنٹریکٹ یافتہ آسٹریلوی کرکٹر ٹیم دورہ کیلئے پی سی بی سے رابطہ میں ہیں،  ذرائع کے مطابق اینڈی فلاور کے ورلڈ الیون کے دورہ پاکستان کے لیے انگلینڈ اور جنوبی افریقہ کے کھلاڑیوں سے رابطے تیز ہیں تاہم اب تک کوئی پیش رفت نہیں ہو سکی۔
image

 قومی کرکٹ ٹیم کے کپتان سرفراز احمد نے ورلڈ کپ 2019 کو ہدف قرار دیتے ہوئے کہا کہ چیمپئنز ٹرافی کی فتح تاریخ کا حصہ بن چکی اب مسلسل بہتری کی جانب سفر جاری رکھنا ہوگا جب کہ نوجوان کرکٹرز کارکردگی میں نکھار لاتے رہے تو ٹیم ایک مضبوط یونٹ میں ڈھل جائے گی۔ ایک انٹرویو میں  انہوں  نے کہا کہ چیمپئنز ٹرافی ایک بہت بڑی کامیابی تھی، شاندار فتح پر دنیا بھر کے شائقین نے بھرپور پذیرائی بھی کی، بطور کپتان میرا اور ٹیم کا اعتماد کئی گنا بڑھ گیا، پرستاروں کا مورال بلند ہوا، قوم کو اس فتح کی سخت ضرورت تھی لیکن اب وہ تاریخ کا حصہ بن چکی، ہمیں آگے بڑھنا اور آئندہ چیلنجز کے لئے خود کو تیار کرنا ہے، کسی سہل پسندی کی گنجائش نہیں، مسلسل محنت اور بہتری کی جانب سفر جاری رکھنا ہوگا،  پاکستان کرکٹ کو کئی باصلاحیت نوجوان کرکٹرز میسر آگئے ہیں، اگر انہوں نے اپنی کارکردگی میں نکھار لانے کا سلسلہ جاری رکھا تو ٹیم ایک مضبوط یونٹ میں ڈھل جائے گی، ورلڈ کپ 2019 اپنے نام کرنے کیلئے  ہمیں ہر شعبے میں اپنی خامیوں پر نظر رکھتے ہوئے ان کو دور کرنے کیلئے  کام کرنا ہوگا، عمر اکمل ایک باصلاحیت کرکٹر اور ٹیم کا اثاثہ ہیں لیکن بطور پروفیشنل کھلاڑی اپنی ذمہ داریوں کا ہم سب کو احساس ہونا چاہئے، امید ہے کہ وہ سخت محنت کرتے ہوئے ایک بار پھر ٹیم میں جگہ بنائیں گے۔ 
image

برمنگھم پریمیئر لیگ کرکٹ میچ کے دوران ہنگامہ آرائی پر ویسٹ مڈلینڈز کی دو کرکٹ ٹیموں کی سرزنش کردی گئی ۔ برمنگھم پریمیئر لیگ کا یہ کرکٹ میچ جون میں وولفرہیمپٹن میں کھیلا گیا تھا، جس میں اولڈ ہل کے پلیئر نجل ڈیونپورٹ نے حریف سائیڈ فورڈہاسز کے شعیب کو تلخ کلامی کے بعد پنچ رسید کیا تو شائقین میں موجود شعیب کے والد پرویز اختر نے نجل کو پکڑ لیا، جس کے بعد کھلاڑیوں اور تماشائیوں میں جھگڑا ہوا، اس پر بڑی مشکل سے قابو پایا گیا تھا تاہم دونوں ٹیموں کے پوائنٹس کی بھی کٹوتی ہوئی ہے جبکہ نجل ڈیونپورٹ کو 10 میچز کیلئے معطل کر دیا گیا۔
image

کرسٹیانو رونالڈو اور لیونل میسی ایک بار پھر آمنے سامنے آ گئے ، یوئیفا پلیئر آف دی ایئر کیلئے تین کھلاڑیوں کو شارٹ لسٹ کر لیا گیا ، تیسرا نام یووینٹس کے گول کیپر بوفون کا ہے۔ بہترین کھلاڑی کا اعلان 24 اگست کو ہو گا۔ ریال میڈرڈ کے فارورڈ کرسٹیانو رونالڈو کی موجودگی میں انکی ٹیم مسلسل دو بار یورپین چیمپئن بنی۔ رونالڈو 12 گول کے ساتھ ٹاپ  سکورر رہے۔ دوسرا نام لیونل میسی کا ہے، جو گزشتہ سیزن میں 37 گول کر چکے ہیں، ان کی موجودگی میں بارسلونا نے سپینش کنگز کپ اپنے نام کیا۔ ان دونوں سپر  سٹار کے ساتھ مقابلے پریووینٹس کے گول کیپر بوفون ہیں جن کی ٹیم چیمپئنز لیگ میں تو رنرز اپ رہی البتہ اٹالین کپ مسلسل تین بار جیتا ۔
image

فٹبال یوئیفا چیمپئنز لیگ کے میچ میں لیور پول کی ٹیم نے ہوفن ہائم کو دلچسپ کھیل کے بعد دو ایک سے ہرا دیا   ۔ یوئیفا فٹبال لیگ کے میچ میں لیورپول اور ہوفن ہائم کی ٹیموں میں مقابلہ ہوا ۔ لیور پول کی جانب سے ٹرینٹ نے 35 ویں منٹ میں فری کک پر پہلا گول کر کے اپنی ٹیم کو برتری دلوا دی ۔ کھیل کے 74 ویں منٹ میں ہوفن ہائم کے ہاورڈ نے اپنی ہی ٹیم کیخلاف گول کر کے لیور پول کی برتری دو صفر کر دی ، ٹیم ہوفن ہائم 87 ویں منٹ میں پہلا گول کرنے میں کامیاب ہوئی جو  انہیں فتح نہ دلوا سکا ۔
image

عالمی شہرت یافتہ برازیلین فٹبال اسٹار نیمار کو انٹرنیشنل ہینڈی کیپ کا خیرسگالی سفیر مقرر کردیا گیا ہے۔ یہ تقریب اقوام متحدہ کے ذیلی آفس کے باہر منعقد ہوئی، جس میں ان کے والدین بھی شریک ہوئے، اس موقع پر نیمار نے سیاہ رنگ کی بیس بال کیپ اور ہینڈی کیپ انٹرنیشنل کی بلیک ٹی شرٹ زیب تن کی ہوئی تھی۔واضح رہے کہ نیمار ان لاکھوں لوگوں کے مسائل کو اجاگر کریں گے جنھیں معاشرے میں کم اہمیت دی جاتی ہے لیکن وہ برابری کے حقدار ہیں۔
image

 بھارت نے انٹرنیشنل کرکٹ کونسل کی تازہ ترین ٹیسٹ ٹیم رینکنگ میں ٹاپ پوزیشن مزید مستحکم کر لی، پاکستان چھٹے نمبر پر برقرار ہے، بلے بازوں میں سٹیون سمتھ سرفہرست ہیں، بھارت کے اوپننگ بیٹسمین لوکیش راہول ترقی پا کر ٹاپ ٹین میں شامل ہو گئے اور وہ ٹاپ ٹین میں داخل ہونے والے ویرات کوہلی، پوجارا اور راہانے کے بعد چوتھے بھارتی کھلاڑی بن گئے ہیں، شیکھر دھون کی 10 اور ہرڈک پانڈیا کی 45 درجے ترقی ہوئی ہے، اظہر علی ایک درجہ بہتری کے ساتھ ساتویں نمبر پر آ گئے، شکیب الحسن دوبارہ دنیا کے نمبر ایک آل رائونڈر بن گئے۔ آئی سی سی نے بھارت اور سری لنکا کے درمیان آخری ٹیسٹ ختم ہونے کے بعد تازہ ترین رینکنگ جاری کر دی ہے جس کے تحت بھارت نے 125 ریٹنگ پوائنٹس کے ساتھ اپنی ٹاپ پوزیشن پر گرفت مزید مضبوط کر لی ہے، بھارت نے سری لنکا کو ٹیسٹ سیریز میں وائٹ واش کیا تھا، جنوبی افریقہ دوسرے، انگلینڈ تیسرے، آسٹریلیا چوتھے، نیوزی لینڈ پانچویں اور پاکستان چھٹے نمبر پر جبکہ سری لنکن ٹیم ساتویں نمبر پر موجود ہے، بلے بازوں میں سمتھ پہلی پوزیشن پر براجمان ہیں، جوروٹ کا دوسرا نمبر ہے، پوجارا تنزلی کے بعد تیسرے سے چوتھے نمبر پر چلے گئے اور ان کی جگہ ولیمسن نے تیسری پوزیشن سنبھال لی، کوہلی پانچویں نمبر پر موجود ہیں، جونی بیئرسٹو ترقی پا کر چھٹے نمبر پر آ گئے، اظہر علی بھی ایک سیڑھی چڑھ کر آٹھویں سے ساتویں نمبر پر آ گئے، شیکھر دھون 10 درجے چھلانگ لگا کر 28 ویں نمبر پر آ گئے، سری لنکا کے خلاف کیریئر کی پہلی سنچری جڑنے والے ہرڈک پانڈیا 45 درجے ترقی پا کر 65 ویں نمبر پر آ گئے، بائولرز میں جدیجہ بدستور پہلے نمبر پر موجود ہیں، اینڈرسن دوسرے، ایشون تیسرے، ہیزلووڈ چوتھے اور ہیراتھ پانچویں نمبر پر موجود ہیں، آل رائونڈرز میں شکیب الحسن دوبارہ دنیا کے نمبر ایک آل رائونڈر بن گئے، پانڈیا تنزلی کے بعد دوسرے نمبر پر چلے گئے۔  
image

سپینش سپر کپ فٹ بال میں ریفری کو دھکا دینے پر کرسٹیانو رونالڈو کو پانچ میچز کےلئے معطل کردیا گیا ،میچ میں اس سے قبل ان کو دو بار یلوکارڈ دکھایا گیا تھا جو خود بخود ریڈ کارڈ میں تبدیل ہوگیا جس کے سبب انہیں میچ سے باہر نکال دیا گیا،میچ کا پہلا یلو کارڈ رونالڈ کو 80 ویں منٹ میں گول کرنے کے بعد ٹی شرٹ اتارنے پر دیا گیا ٖاگلے ہی منٹ میں انہیں دوسرا کارڈ دکھایا گیا، کہا جارہا ہے کہ رونالڈو نے دراصل اس طرح میسی سے بدلہ لیا تھا،بارسلونا کے اسٹار نے ریال کے خلاف اس کے ہوم گرائونڈ پر گول اسکور کرنے کے بعد اسی طرح جشن منایا تھا،رونالڈو کو میدان سے باہر بھیجے جانے کے باوجود بارسلونا کے خلاف ریال میڈرڈ نے اسپینش سپر کپ فٹ بال ٹورنامنٹ کے پہلے رائونڈ کے مقابلے میں 3۔1کی شاندار فتح اپنے نام کر لی،رونالڈو کو دوسرے ہاف میں بطور متبادل کھلاڑی اتارا گیا تھا لیکن انہیں ایک کے بعد ایک دو زرد کارڈ مل گئے، اس موقع پر انہوں نے طیش میں آکر ریفری کو دھکا دیا جسے ڈسپلن کی سنگین خلاف ورزی تصور کیا جاتا ہے، اس حرکت پر ان پر 12 میچز کی پابندی کا امکان ظاہر کیا جارہا تھا،یہ ان کے کیریئر کا 10 واں ریڈ کارڈ ہے، میچ ریفری نے اپنی رپورٹ میں رونالڈو کے خلاف باقاعدہ شکایت درج کرادی ٖ پابندی کے سبب وہ لالیگا کے ابتدائی میچز سے باہر ہوگئے،رونالڈو کے پاس اس سزا کے خلاف اپیل کرنے کےلئے 10 دن ہیں۔
image

بھارت نے تیسرے اور آخری ٹیسٹ میچ میں سری لنکا کو ناک آئوٹ کر دیا، کوہلی الیون نے میچ اننگز اور 171 رنز سے جیت کر سیریز کلین سویپ کی۔ فالو آن کے بعد بھی سری لنکن ٹیم سنبھل نہ سکی اور 181 رنز پر ڈھیر ہوگئی۔ نروشن ڈکویلا 41 رنز کے ساتھ ٹاپ سکورر رہے۔ روی چندرن ایشون نے 4 وکٹیں حاصل کیں۔ ہارڈیک پانڈیا کو میچ اور شیکھر دھون کو سیریز کا بہترین پلیئر قرار دیا گیا۔ تفصیلات کے مطابق پیر کو سری لنکا نے اپنی دوسری نامکمل اننگز 19 رنز ایک کھلاڑی آئوٹ پر دوبارہ شروع کی تو اسے اننگز کی شکست سے بچنے کیلئے 333 رنز درکار تھے مگر سری لنکن بلے باز اعتماد کے ساتھ بیٹنگ نہ کر سکے اور وقفے وقفے سے آئوٹ ہوتے رہے۔ 26 کے مجموعی سکور پر سری لنکا کو دوسرا نقصان اٹھانا پڑا جب دیمتھ کرونارتنے 16 رنز بناکر ایشون کا شکار بن گئے۔ میزبان ٹیم کی تیسری اور چوتھی وکٹ بھی جلد گر گئی جب ملندا پشپا کمارا اور کوسال مینڈس بالترتیب ایک اور 12 رنز بناکر محمد شامی کا شکار بن گئے۔ کپتان چندیمل اور اینجلو میتھیوز نے پانچویں وکٹ میں 65 رنز کا اضافہ کیا مگر دونوں بلے باز لمبی اننگز نہ کھیل سکے۔ چندیمل 36 اور میتھیوز 35 رنز بناکر پویلین واپس لوٹ گئے۔ نروشن ڈکویلا 41 رنز کے ساتھ ٹاپ سکورر رہے جبکہ دلروان پریرا 8 ، لاہیروہ کمارا 10 اور لکشن سینڈکان 8 رنز بنا سکے۔ اس طرح سری لنکا کی پوری ٹیم 181 رنز بناکر آئوٹ ہوگئی۔ روی چندرن ایشون نے چار، محمد شامی نے تین اور امیش یادیو نے دو وکٹیں حاصل کیں۔ اس طرح بھارت نے میچ اننگز اور 171 رنز سے جیت کر سیریز کلین سویپ کر لی۔  
image

تفصیلات کے مطابق نیٹ ویسٹ ٹی20  بلاسٹ، سرے نے ایرن فنچ کی شاندار سنچری کی بدولت سسکس کو 17 رنز سے ہرا دیا،  سائوتھ گروپ کے میچ میں سرے کائونٹی نے پہلے بیٹنگ کرتے ہوئے مقررہ 20 اوورز میں 2 وکٹوں کے نقصان پر 193 رنز بنائے، ایرن فنچ نے طوفانی بیٹنگ کا مظاہرہ کیا اور 64 گیندوں پر 114 رنز کی ناقابل شکست اننگز کھیلی  جس میں سات چھکے شامل تھے، جیسن رائے 50 رنز کے ساتھ دوسرے نمایاں بلے باز رہے، سسکس کی ٹیم مطلوبہ ہدف حاصل نہ کر سکی اور اس نے مقررہ اوورز میں 7 وکٹوں کے نقصان پر 176 رنز بنائے، کرس نیش 53 رنز کے ساتھ ٹاپ سکورر رہے، گراتھ بیٹی نے چار کھلاڑیوں کو آئوٹ کیا،ایرن فنچ کو مرد میدان قرار دیا گیا۔  
image

 تفصیلات کے مطابق خواتین رگبی عالمی کپ آئرلینڈ میں جاری ہے، ویمنز رگبی ورلڈ کپ میں نیوزی لینڈ، انگلینڈ، امریکا، کینیڈا، آئرلینڈ اور فرانس نے اپنے اپنے میچ جیت لئے، پول اے کے میچ میں نیوزی لینڈ نے ہانگ کانگ کو یکطرفہ مقابلے کے بعد 121-0 سے ہرایا،اسی پول کے میچ میں کینیڈا نے ویلز کو 15-0 سے شکست دی،پول بی میں انگلینڈ نے اٹلی کو 56-13 سے شکست دی، اسی پول کے دوسرے میچ میں امریکا نے سپین کو 43-0 سے زیر کیا، پول سی کے پہلے میچ میں آئرلینڈ نے جاپان کو 24-14 جبکہ دوسرے میچ میں فرانس نے آسٹریلیا کو 48-0 سے ہرایا۔  
image

پنجاب سکواش ایسوسی ایشن کے زیراہتمام سوئی نادرن گیس پائپ لائنز کے تعاون سے پہلا ایس این جی پی ایل نیشنل جشن آزادی سینئرز سکواش ٹورنامنٹ  کا مینز سنگل ٹائٹل طیب اسلم جبکہ گرلز ٹائٹل ماریہ طور  نے جیت لیا ۔ مینز سنگل کے ٹائٹل میں طیب اسلم کا مقابلہ فرحان زمان سے تھا، پہلے دونوں سیٹ طیب اسلم نے جیتے اگلے دونوں سیٹ فرحان زمان نے جیت کر 2 آل کر دیا، پانچواں سیٹ طیب اسلم نے دلچسپ مقابلے کے بعد جیتا اور اس طرح ایک سال کے وقفہ کے بعد طیب اسلم نے ٹائٹل جیت لیا۔ طیب اسلم نے فرحان زمان کو 11/9, 11/9, 6/11, 9/11, 12/10 سے ہرایا۔ ادھر واپڈا کی ماریہ طور نے ایچ ای سی کی فائزہ ظفر کو بآسانی شکست دیدی ۔ ماریہ طور نے فائزہ ظفر کو 11/9, 11/9, 11/8 سے ہرا کر ٹائٹل اپنے نام کیا۔
image

سری لنکا میں کرکٹ کے امور چلانے والا ادارہ سری لنکا کرکٹ رواں برس دورہ پاکستان کے لئے اپنی قومی کرکٹ ٹیم بھیجنے کے لیے رضا مند ہوگیا۔ سری لنکن کرکٹ چیف تھیلنگا سوماتھیپالا نے کہا کہ سکیورٹی وفد نے پاکستان کا دورہ کیا اور وہاں پر سکیورٹی کی صورتحال کا جائزہ لیا اور سکیورٹی کی جانچ پڑتال کے بعد کرکٹ ٹیم کو 3 ٹی ٹوئنٹی میچز کھیلنے کی اجازت دے دی گئی ہے، جن میں سے کم از کم ایک لاہور میں کھیلا جائے گا۔ پاکستان کرکٹ بورڈ کے چیرمین نجم سیٹھی کا کہنا ہے کہ سری لنکن کرکٹ ٹیم کے دورہ پاکستان کی منصوبہ بندی کی جارہی ہے ، سماجی رابطے کی ویب سائٹ ٹوئٹر پر اپنے ٹویٹ میں کہا کہ سری لنکن کرکٹ حکام سے کولمبو میں ملاقات مثبت رہی، پاکستان میں انٹرنیشنل کرکٹ کی بحالی کے فیصلے پر سری لنکا کا مشکور ہوں، سری لنکن کرکٹ بورڈ کا پاکستان میں کھیلنے کا تاریخی فیصلہ ہے، میچز کے انعقاد کے لیے جلد کام شروع کر دیں گے اور اگر ایک مرتبہ سری لنکا نے پاکستان کا دورہ کرلیا تو دیگر ٹیمیں بھی یہاں آئیں گی، پاکستان اور سری لنکا کے درمیان رواں سال اکتوبر میں ایک یا 2 ٹی ٹوئنٹی میچز کی منصوبہ بندی کی جارہی ہے ۔ 
image

سپائل برگ میں آسٹرین موٹو جی پی ریس میں مہارت کے ساتھ ساتھ تیز رفتاری کا بھی بھرپور مظاہرہ کیا گیا۔ آخری مراحل میں اٹلی کے آندریا ڈوویسیاسو نے ورلڈ چیمپئن مارک مارکیز کو پیچھے چھوڑتے ہوئے ٹائٹل جیت لیا۔ انہوں نے مقررہ فاصلہ انتالیس منٹ اور تینتالیس اعشاریہ تین دو سیکنڈ میں طے کیا۔
image