17 جولائی 2018
تازہ ترین
کھیل
انگلینڈ نے بھارت کو تین میچوں پر مشتمل سیریز کے تیسرے میچ میں 8 وکٹوں سے شکست دے کر سیریز 1-2 سے اپنے نام کرلی۔لیڈز میں کھیلے گئے میچ میں انگلینڈ نے ٹاس جیت پر مہمان ٹیم کو پہلے بیٹنگ کی دعوت دی۔مشکل وکٹ پر بھارت کو ابتداء میں مشکلات کا سامنا کرنا پڑا اور 13 رنز پر اس کی پہلی وکٹ بھی گرگئی تاہم اگلی دونوں پارٹنرشپز نے انڈین اننگز کو سہارا دیا۔بھارت کی جانب کپتان ویرات کوہلی 71، شکھر دھون 44 اور مہندر سنگھ دھونی 42 رنز کے ساتھ نمایاں رہے۔اختتامی اوورز میں انگلینڈ کے بولرز کی نپی تلی گیند بازی کی بدولت بھارت اپنے مقررہ اوورز میں صرف 256 رنز ہی بناسکا۔ جواب میں انگلینڈ نے شاندار بلے بازی کا مظاہرہ کرتے ہوئے ہدف محض 44ویں اوور میں دو وکٹوں کے نقصان پر حاصل کرلیا۔انگلینڈ کی جانب سے جو روٹ نے شاندار سنچری اسکور کی جبکہ کپتان اوئن مورگن 88 رنز بنانے میں کامیاب رہے۔تین وکٹیں حاصل کرنے پر عادل رشید کو میچ کا بہترین کھلاڑی قرار دیا گیاخیال رہے کہ یہ سیریز آئی سی سی کی دو بہترین ایک روزہ ٹیموں کے درمیان تھی۔ انگلینڈ اس وقت رینکنگ میں پہلی جبکہ بھارت دوسری پوزیشن پر براجمان ہے  

پی سی بی کی جنرل باڈی نے لاہور میں منعقدہ اپنے سالانہ اجلاس میں پی سی بی کے چیئرمین نجم سیٹھی کو مکمل اعتماد کا ووٹ دیدیا ۔اعتماد کے ووٹ کی قراراد پی سی بی کے ریجنل صدور نے پیش کی جس کو جنرل باڈی نے متفقہ  طور پر منظور کرلیا ۔منتخب ریجنل صدور نے پی سی بی کے چیئرمین نجم سیٹھی کی لیڈر شپ کو بے مثال قرار دیا اور ان کے تین سالہ عہدہ کا پہلا سال مکمل ہونے پر انہیں مبارکباد دی ۔انہوں نے کہاکہ پاکستان میں انٹرنیشنل کرکٹ کی بحالی کے لئے نجم سیٹھی کی بے مثال کوششوں پر ہم انہیں بھرپور سپور ٹ کرتے ہیں ۔انہوں نے پی ایس ایل کو کامیابی سے لانچ کیا اور اس کے میچز پاکستان میں بھی منعقد کروائے ۔چیئرمین پی سی بی نجم سیٹھی نے پاکستان کے پسماندہ ایریاز میں کرکٹ کی ترقی کے لئے 50ملین روپے کی سپیشل گرانٹ کا اعلان کیا ۔اس کے علاوہ ریجنل اور ڈسٹرکٹ کرکٹ کے سالانہ فنڈ کے لئے رقم میں 100ملین کا اضافہ کردیا ۔قبل ازیں جنرل باڈی اراکین سے خطاب کرتے ہوئے نجم سیٹھی نے بطور چیئرمین پی سی بی اپنے ایک سالہ دور میں کرکٹ کی بہتری اور پروفیشنل تبدیلی کے لئے بہت کوشش کی ۔لاہور اور کراچی میں انٹرنیشنل کرکٹ کی بحالی ایک بہت بڑی کامیابی تھی ۔ورلڈ الیون ،سری لنکا ،ویسٹ انڈیز کے خلاف ٹی ٹونٹی سیریز ،تین پی ایس ایل میچز اور کراچی میں فائنل کا اانعقاد سے شائقین کرکٹ کو صحیح تفریح کا موقع ملا ۔انہوں نے کہا کہ پی ایس ایل ترقی کی منازل طے کررہی ہے اور ورلڈ کلاس ایونٹ کا درجہ حاصل کرچکی ہے ۔پی ایس ایل کی چھ فرنچائز  اور پی ایس ایل کے اثاثہ جات کی قیمت میں کافی اضافہ ہورہا ہے ۔ پی ایس ایل کی میڈیا ویلیو تین بلین تک پہنچ چکی ہے ۔انہوں نے کہاکہ پی سی بی اگلے تین سال کے لئے بڈنگ پراسس شروع کرے گی  ۔نجم سیٹھی نے کہا کہ نیشنل کرکٹ اکیڈمی کوچز کھلاڑیوں کے بیک اپ کے لئے بہت محنت کررہے ہیں ۔اس کے لئے نیشنل کرکٹ اکیڈمی  لاہورمیں  ہائی پرفارمنس کیمپ جاری ہے جبکہ ملک بھر میں اکیڈمی میں کھلاڑی تربیت حاصل کررہے ہیں ۔  
image

نیوزی لینڈ کے سابق عظیم کرکٹر رچرڈ ہیڈلی پھر کینسر کا شکار ہوگئے۔ اس بار وہ جگر کے کینسر میں مبتلا ہوئے جس کی وجہ سے ایک بار پھر سرجری کے عمل سے گزرنا ہوگا، نیوزی لینڈ کرکٹ کے مطابق ابھی یہ کینسر اپنے بالکل ابتدائی سٹیج پر ہے۔ گزشتہ ماہ ہیڈلی کے آنت کے کینسر میں مبتلا ہونے کی تشخیص ہوئی تھی، جس پر انہوں نے سرجری کے ذریعے ٹیومر سے جان چھڑا لی تھی۔ این زیڈ سی نے کہا  ہے کہ ڈاکٹرز کے مطابق جگر کے کینسر کا آپریشن ہوسکتا ہے، حالیہ آپریشن سے صحتیاب ہونے کے بعد ہیڈلی کو ایک مرتبہ پھر کیموتھراپی کے عمل سے گزرنا ہوگا۔
image

  بلے باز ہاشم آملہ نے کہا ہے کہ سری لنکا کو دوسرے اور آخری ٹیسٹ میچ میں شکست دیکر سیریز کا اختتام برابری پر کرینگے۔ میزبان ٹیم کے ہاتھوں پہلے میچ میں شکست کے باوجود ٹیم کے حوصلے پست نہیں ہوئے، دوسرے اور آخری ٹیسٹ میچ میں میزبان ٹیم کے خلاف دبائو نہیں لیں گے، کھلاڑی میچ جیت کر سیریز برابر کرنے کے لئے پر جوش ہیں تاہم ہدف کے حصول کیلئے ہر کھلاڑی کو اپنی ذمہ داری احسن طریقے سے نبھانا ہو گی۔ سری لنکا نے جنوبی افریقہ کی ٹیم کو پہلے ٹیسٹ میچ میں 278 رنز سے شکست دیکر سیریز میں 1-0 کی برتری حاصل کر رکھی ہے، دونوں ٹیموں کے درمیان سیریز کا دوسرا اور آخری ٹیسٹ میچ 20 جولائی سے کولمبو میں کھیلا جائیگا۔ اپنے ایک بیان میں انہوں نے کہا کہ بلاشبہ سری لنکا ایک مضبوط ٹیم ہے اور وہ اچھی کرکٹ کھیل رہی ہے، انکی ٹیم آئی لینڈرز کے خلاف دوسرا میچ  جیت کر سیریز برابر کرنے کیلئے ہر حربہ استعمال کرے گی اسلئے کھلاڑیوں کو آگاہ کر دیا ہے کہ ڈٹ کر مقابلے کیلئے تیار رہیں۔فتح کیلئے کھلاڑیوں کو کھیل کے تینوں شعبوں میں سو فیصد کارکردگی دکھانا ہو گی۔ انہوں نے کہا کہ انکی ہمیشہ کوشش ہوتی ہے کہ عمدہ پرفارم کر کے ٹیم کو فتوحات دلانے میں کردار ادا کروں۔  
image

انٹرنیشنل کرکٹ کونسل نے بال ٹیمپرنگ کیس میں سری لنکا کے کپتان دنیش چندی مل، کوچ ہتورا سنگھے اور منیجر گرو سنہا کو معطل کر دیا۔ آئی سی سی کی جانب سے جاری بیان کے مطابق گزشتہ ماہ ویسٹ انڈیز کے خلاف سینٹ لوشیا ٹیسٹ میں پیش آنے والے بال ٹیمپرنگ کیس میں آزاد جوڈیشل کمشنر مائیکل بیلوف نے سری لنکن کپتان، کوچ اور منیجر کو سزائیں سنائیں۔ آئی سی سی کے مطابق سری لنکن کپتان دنیش چندی مل، کوچ ہتھورا سنگھے اور منیجر گرو سنہا کو بطور سزا 2 ٹیسٹ اور 4 ایک روزہ میچوں کے لیے معطل کیا گیا ہے۔ اس کے علاوہ آئی سی سی نے چندی مل، ہتھورا سنگھے اور گرو سنہا پر معطلی کے 8، 8 ڈیمیرٹ پوائنٹس بھی لاگو کئے ہیں۔ خیال رہے کہ آئی سی سی نے 19جون کو کوڈ آف کنڈکٹ کی خلاف ورزی پر سری لنکن کپتان پر فرد جرم عائد کی تھی ،تاہم دنیش چندی مل نے فرد جرم سے انکار کر دیا تھا۔
image

 بال ٹیمپرنگ کی وجہ سے  پابندی کا شکار آسٹریلوی کرکٹرز سٹیو سمتھ اور ڈیوڈ وارنر بگ بیش لیگ میں ایکشن میں دکھائی نہیں دیں گے۔ بال ٹیمپرنگ کیس میں پابندی کا شکار سابق آسٹریلوی کپتان سٹیو سمتھ اور اوپننگ بیٹسمین ڈیوڈ وارنر اپنے ہی ملک کی ٹی ٹوینٹی لیگ بگ بیش لیگ نہیں کھیل سکیں گے ۔ بی بی ایل کے سربراہ کم میکونی نے واضح کر دیا ہے کہ پابندی کا شکار کرکٹرز بی بی ایل نہیں کھیل سکیں گے ان پر پابندی برقرار رہے گی، جبکہ انہیں لیگ کی پروموشن کے کام میں بھی شامل نہیں کیا جائے گا۔ سٹیو  سمتھ اور ڈیوڈ وارنے حال ہی میں کینیڈا کی گلوبل ٹی ٹوینٹی میں حصہ لیا اور امکان ظاہر کیا جا رہا تھا کہ وہ اپنے ملک کی لیگ میں ایکشن میں دکھائی دیں گے۔ کرکٹ آسٹریلیا پہلے ہی اعلان کر چکا ہے کہ کرکٹرز کی سزائوں میں نرمی نہیں برتی جائے گی۔
image

 سابق انگلش کرکٹر جیمز ٹیلر قومی مینز ٹیم کے کل وقتی انڈیپنڈنٹ سلیکٹر مقرر ہو گئے۔ ٹیلر نیشنل سلیکٹر ایڈ سمتھ کے ساتھ مل کر کام کرینگے، دونوں سلیکٹرز ہیڈ کوچ ٹریور بیلس کے ساتھ تین رکنی پینل بنا کر ٹیسٹ، ون ڈے اور ٹی ٹوینٹی ٹیموں کا چنائو کرینگے۔ 28 سالہ ٹیلر کو 2016 میں دل کی بیماری کی تشخیص ہوئی تھی جس کے فوراً بعد انہوں نے انٹرنیشنل کرکٹ کو خیرباد کہہ دیا تھا ، تاہم اب وہ بطور سلیکٹر انگلش ٹیم کے ساتھ فرائض انجام دینگے، انہیں 7 ٹیسٹ اور 27 ایک روزہ بین الاقوامی کرکٹ میچز میں ملک کی نمائندگی کا اعزاز حاصل ہے۔ انگلینڈ اینڈ ویلز کرکٹ بورڈ  نے جیمز ٹیلر کی بطور انڈیپنڈنٹ سلیکٹر تقرری کی تصدیق کرتے ہوئے کہا ہے کہ وہ باصلاحیت کرکٹر تھے اور ان کے مشورے ٹیم کی کارکردگی کو مزید بہتر بنانے میں مفید ثابت ہوں گے۔ جیمز ٹیلر نے کہا کہ انگلش ٹیم کا سلیکٹر مقرر ہونا میرے لئے بڑے اعزاز کی بات ہے، یہ بہت اہم ذمہ داری ہے، کوشش ہو گی کہ حکام کی توقعات پر پورا اتروں اور میں ٹیم کے ساتھ دوبارہ کام کرنے کیلئے بہت پرجوش ہوں۔
image

انگلینڈ نے بھارت کےخلاف تیسرے اور آخری ایک روزہ بین الاقوامی کرکٹ میچ کیلئے جیمز ونس کو ٹیم میں طلب کر لیا، ونس کو ڈیوڈ میلان کی جگہ ٹیم میں شامل کیا گیا ، میلان کو بھارت اے کےخلاف شیڈول چار روزہ میچ کیلئے انگلینڈ لائنز کی نمائندگی کیلئے ریلیز کیا گیا ۔ انگلینڈ اور بھارت کے درمیان میچ ون ڈ ے انٹرنیشنل میچ  منگل کو کھیلا جائیگا۔ دونوں ٹیموں کے درمیان تین میچوں کی سیریز 1-1 سے برابر ہے۔
image

پاکستان نے زمبابوے کو دوسرے ایک روزہ میچ میں 9 وکٹوں سے باآسانی شکست دے کر پانچ میچوں کی سیریز میں دو صفر سے برتری حاصل کرلی  ۔ بلاوایو کے کوئنز سپورٹس کلب میں کھیلے گئے میچ میں میزبان ٹیم کے کپتان ہیملٹن مساکدزا نے ٹاس جیت کر پہلے بیٹنگ کا فیصلہ کیا تو زمبابوین الیون 49.2 اوورز میں 194 رنز بناکر آئوٹ ہوگئی۔ میزبان ٹیم کے کپتان ہیملٹن مساکدزا 59 اور پیٹر مور 50 رنز بنا کر نمایاں رہے جب کہ دیگر بلے بازوں میں تاریسائی مساکندا 24، ریان مری 16، ڈونلڈ ٹریپانی 13 اور ویلنگٹن مساکدزا 12 رنز بنا کر آئوٹ ہوئے۔ گرین شرٹس کی جانب سے عثمان خان شنواری نے شاندار بولنگ کا مظاہرہ کرتے ہوئے 4 شکار کیے، حسن علی نے 3 اور شعیب ملک نے ایک وکٹ حاصل کی۔ جواب میں فخر زمان کی سنچری کی بدولت پاکستان نے ہدف باآسانی 36ویں اوور میں حاصل کرلیا۔ وہ 117 رنز بناکر ناٹ آ¶ٹ رہے جبکہ امام الحق 44 اور بابر اعظم 29 رنز کے ساتھ نمایاں رہے۔ زمبابوے کا کوئی بھی بولر وکٹ نہ لے سکا۔ اننگز کی واحد وکٹ امام الحق کی صورت میں گری جو رن  آئوٹ ہوئے۔ سنچری بنانے  پر فخر زمان کو میچ کا بہترین کھلاڑی قرار دیا گیا۔
image

 فٹ بال ورلڈکپ 2018 کے فائنل میں فرانس نے کروشیا کو 2-4 سے شکست دے کر عالمی چیمپئن کا تاج اپنے سر پر سجالیا۔ روس کے شہر ماسکو کے لوزنیکی سٹیڈیم میں کھیلے گئے میچ میں مجموعی طور پر فرانس کا پلڑا بھاری رہا۔ پہلی مرتبہ ورلڈ کپ فائنل کھیلنے والی کروشین ٹیم دبائو میں نظر آئی جبکہ اس سے دفاع میں متعدد غلطیاں ہوئیں جس کا اسے بھاری نقصان اٹھانا پڑا۔ فرانس نے میچ میں سبقت 18ویں منٹ میں اس وقت حاصل کی جب کورشین دفاعی کھلاڑی ماریو منزوچک نے غلطی سے گیند اپنے ہی جال میں پہنچا دی۔ 28ویں منٹ میں کروشین مڈ فیلڈر ایوان پیریسچ نے شاندار گول اسکور کرکے فرانس کی سبقت ختم کردی۔ 38ویں منٹ میں ایک مرتبہ پھر کروشین دفاع نے غلطی کی اور اپنے ڈی میں ہینڈ بال کر دیا جس کے بعد ریفری نے فرانس کو پنالٹی کک دے دی جسے ان کے سٹار کھلاڑی انٹوئن گریزمین نے باآسانی گول میں تبدیل کر دیا۔ دوسرے ہاف میں بھی مجموعی طور پر فرانس کا ہی میچ پر غلبہ رہا۔59ویں منٹ میں پال پوگبا کے شاندار گول نے فرانس اسکور 1-3 کر دیا۔ فرانس کی جانب سے چوتھا گول 65ویں منٹ میں کائلن باپے نے سکور کرکے اپنی ٹیم کی جیت یقینی بنادی۔ فرانسیسی گول کیپر کی غلطی کی وجہ سے کروشیا 69ویں منٹ میں گول کرنے میں کامیاب رہا تاہم میچ کا اختتام فرانس کے حق میں 2-4 پر ہوا۔ کروشیا کے لیوکا موڈرچ کو گولڈن بال جبکہ فرانس کے ایم باپے کو ینگ ہلیئر ایوارڈ دیا گیا۔ خیال رہے کہ فرانس نے دوسرا مرتبہ عالمی چیمپئن بننے کا اعزاز حاصل کیا ہے۔ اس سے قبل فرانس 1998 میں فٹ بال ورلڈ کپ جیتنے میں کامیاب رہا تھا۔
image

جیسن ہولڈر کی تباہ کن بائولنگ کی بدولت کالی آندھی نے بنگلہ دیش کو دوسرے اور آخری کرکٹ ٹیسٹ میچ میں یکطرفہ مقابلے کے بعد 166 رنز سے ہرا کر سیریز میں 2-0 سے وائٹ واش کر دیا، ویسٹ انڈین ٹیم دوسری اننگز میں 129 رنز بنا کر آئوٹ ہو گئی اور اس نے بنگال ٹائیگرز کو فتح کیلئے مجموعی طور پر 334 رنز کا ہدف دیا، جس کے تعاقب میں مہمان بنگلہ دیشی ٹیم تیسرے روز اپنی دوسری اننگز میں 168 رنز بنا کر پویلین لوٹ گئی، شکیب الحسن کے سوا بنگلہ دیش کا کوئی بھی کھلاڑی ہولڈر کی تندوتیز گیندوں کے سامنے زیادہ دیر وکٹ پر نہ ٹھہر سکا، شکیب 54 رنز بنا کر نمایاں رہے، 5 کھلاڑی دوہرا ہندسہ بھی عبور نہ کر سکے، ہولڈر نے میچ میں 11 وکٹیں لیکر ٹیم کی جیت میں کلیدی کردار ادا کیا، ہولڈر میچ اور سیریز کے بہترین کھلاڑی قرار پائے۔ کنگسٹن ٹیسٹ کے تیسرے روز ویسٹ انڈین ٹیم نے 19 رنز ایک کھلاڑی آئوٹ پر دوسری ادھوری اننگز دوبارہ شروع کی تو ڈیوون سمتھ 8 رنز پر کھیل رہے تھے، شکیب الحسن نے غیرمعمولی بائولنگ کا مظاہرہ کرتے ہوئے میزبان کھلاڑیوں کو جم کر کھیلنے کا موقع نہ دیا اور پوری ٹیم 129 رنز بنا کر آئوٹ ہو گئی اور کالی آندھی نے بنگلہ دیش کو فتح کیلئے مجموعی طور پر 334 رنز کا ہدف دیا، سمتھ 16، کیموپال 13، کیرن پاویل 18، شے ہوپ 4، ہٹمائر 18، روسٹن چیس 32، کپتان جیسن ہولڈر اور میگل کمنز ایک، ایک، شینن گبرائل بغیر کوئی رن بنائے آئوٹ ہوئے، ڈورچ نے 12 رنز بنائے اور آئوٹ نہیں ہوئے، شکیب الحسن نے 6، مہدی حسن میراز نے 2 تیجل اسلام اور ابوجاوید نے ایک، ایک وکٹ لی۔ جواب میں بنگلہ دیشی ٹیم مطلوبہ ہدف حاصل کرنے میں ناکام رہی اور پوری ٹیم دوسری اننگز میں 168 رنز بنا کر پویلین لوٹ گئی، شکیب 54 رنز بنا کر نمایاں رہے، تمیم اقبال، قمرالاسلام ربی، ابوجاوید اور نورالحسن بغیر کوئی رن بنائے، لٹن داس 33، مومن الحق 15، محموداللہ 4، مشفق الرحیم 31، مہدی حسن میراز 10 رنز بنا کر آئوٹ ہوئے، تیجل اسلام 13 رنز بنا کر ناٹ آئوٹ رہے، ہولڈر نے 6، چیس نے2، گبرائل اور پال نے ایک، ایک کھلاڑی کو آئوٹ کیا۔
image

سٹار جرمن کھلاڑی اینجلیق کربر نے ومبلڈن اوپن ٹینس ٹورنامنٹ وومنز سنگل ٹائٹل اپنے نام کر لیا، انہوں نے فیصلہ کن معرکے میں ٹائٹل فیورٹ سرینا ولیمز کو شکست دے کر کیریئر کا تیسرا گرینڈ سلام ٹائٹل جیتنے کا اعزاز حاصل کر لیا، کربر 22 برس بعد ومبلڈن اوپن سنگل ٹائٹل جیتنے والی پہلی جرمن کھلاڑی بن گئیں، اس سے قبل 1996 میں سٹیفی گراف نے ومبلڈن اوپن کا ٹائٹل جیتا تھا، کربر کو اس سے قبل آسٹریلین اوپن اور یو ایس اوپن ٹائٹلز جیتنے کا اعزاز بھی حاصل ہے۔ سال کے تیسرے گرینڈ سلام ومبلڈن اوپن کے سلسلے میں کھیلے گئے وومنز سنگل فائنل میں اینجلیق  کربر نے عمدہ کارکردگی کا مظاہرہ کرتے ہوئے 23 مرتبہ کی گرینڈ سلام چیمپئن اور امریکن سٹار سرینا ولیمز کو سٹریٹ سیٹس میں 6-3 اور 6-3 سے ہرا کر ٹائٹل اپنے نام کیا۔ دوسری جانب مائیک برائن اور جیک ساک پر مشتمل امریکن جوڑی نے ومبلڈن اوپن ٹینس مینز ڈبلز ٹائٹل اپنے نام کر لیا، یہ مائیک برائن کے کیریئر کا 17واں گرینڈ سلام ڈبلز ٹائٹل ہے،  انہوں نے  جنوبی افریقہ کے کلاسن اور ان کے نیوزی لینڈ جوڑی دار مارک وینس کو سخت مقابلے کے بعد ہرا کر ٹائٹل جیتنے کا اعزاز حاصل کیا۔ وومنز ڈبلز ٹائٹل کترینا سینیاکووا اور بربورا کریجسی کووا پر مشتمل جمہوریہ چیک کی جوڑی کے نام رہا۔ انہوں نے نیکول ملیشار اور کویٹا پشکے کی جوڑی کو ہرا کر ٹائٹل حاصل کیا۔
image

ایشین جوڈوکپ کیڈٹ میں پاکستان کے قیصرخان نے کانسی کا تمغہ اپنے نام کرلیا، سیمی فائنل میں پاکستانی پلیئر کو عالمی نمبر8 ہنگری کے پلیئر سے صرف آدھے پوائنٹ کے فرق سے شکست کا سامنا کرنا پڑا۔ پاکستان کے نوجوان کھلاڑی قیصر خان اس وقت عالمی رینکنگ میں25 ویں نمبر پر ہیں، انہوں نے ہانگ کانگ میں منعقدہ ایشین کپ کیڈٹ کے90 کلوگرام ویٹ کیٹیگری میں عمدہ کارکردگی کا مظاہرہ کرتے ہوئے سیمی فائنل مقابلے تک رسائی حاصل کی، اپنے پہلے مقابلے میں انہوں نے ملائیشیا کے تان تازی ننگ کیخلاف کامیابی سمیٹی۔ بعد ازاں کوارٹر فائنل میں پاکستانی پلیئر نے چائینزتائپے کے عالمی نمبر13شینگ کے کو زیر کرکے سیمی فائنل تک جگہ بنائی، سیمی فائنل میں ان کا مقابلہ عالمی نمبر8 ہنگری کے ویگ زی سومبور کے ساتھ رہا، قیصر خان نے اس مقابلے میں بھی عمدہ کارکردگی دکھائی تاہم صرف آدھے پوائنٹ کے فرق سے انہیں ٹائٹل کی دوڑ سے باہر ہونا پڑا۔ ادھر پاکستان جوڈو فیڈریشن کے سیکریٹری منصور احمد نے کہا کہ قیصرخان کی عمدہ کارکردگی سے نہ صرف ان کی عالمی رینکنگ میں بہتری آئے گی بلکہ ان کے یوتھ اولمپکس2018 میں کوالیفائی کرنے کے امکانات بھی بڑھ جائیں گے، قیصر پیر کو مکائو جائیںگے جہاں وہ 16 سے 19 جولائی تک ٹریننگ حاصل کریں گے، بعد ازاں ان کی اگلی منزل ایشین کپ کیڈٹ ایونٹ ہوگا جو 19 سے 22 جولائی تک شیڈول ہے۔ پاکستان جوڈو فیڈریشن کے صدرکرنل جنید اسلم نے بھی قیصر خان کی کارکردگی پر اطمینان کا اظہار کیا اور امید ظاہر کی کہ وہ مکائو میں شیڈول ایونٹ میں بھی عمدہ کارکردگی دکھا کر یوتھ اولمپکس 2018 میں جگہ یقینی بنانے میں کامیاب ہو جائیںگے۔
image

ورلڈ ویٹ لفٹنگ چیمپئن شپ میں پاکستان کے نوح دستگیر بٹ نے سونے کا تمغہ جیت لیا، انہوں نے ملک کے لئے یہ کارنامہ 105کلوگرام ویٹ کیٹیگری میں انجام دیا۔ ازبکستان کے شہر تاشقند میں منعقدہ ایونٹ میں نوح دستگیر بٹ نے ایک گولڈ اور 9 سلور میڈلز جیت کر نئی تاریخ رقم کی، نوح بٹ اس سے قبل کامن ویلتھ گیمز میں اپنی عمدہ کارکردگی سے ملک کا نام روشن کر چکے ہیں۔ ادھر پاکستان ویٹ لفٹنگ فیڈریشن کے چیف ایگزیکٹیو حافظ عمران بٹ اور کوچ عرفان بٹ نے نوح بٹ کے عمدہ کھیل پر انہیں مبارکباد دیتے ہوئے امید ظاہر کی ہے کہ وہ عمدہ کارکردگی کا سلسلہ مستقبل کے ایونٹس میں بھی جاری رکھیں گے۔ سی ای او فیڈریشن کے مطابق پاکستان ٹیم18 جولائی کو لاہور واپس آئے گی، وطن واپسی پر کھلاڑیوں کا پرتپاک استقبال کیا جائے گا۔
image

 باکسر محمد وسیم ملائیشیا میں ورلڈ فلائی ویٹ ٹائٹل کا مقابلہ بہت قریبی فرق سے ہار گئے، جنوبی افریقہ کے موروتی متھالین کو فاتح قرار دے دیا گیا۔ کوالا لمپور میں ہونے والے ورلڈ فلائی ویٹ باکسنگ ٹائٹل کے مقابلے کے ابتدائی رائونڈز میں موروتی متھالین اپنے حریف پاکستانی باکسر محمد وسیم پر حاوی رہے۔  چھٹے رائونڈ میں وسیم کے پنچز کے سامنے جنوبی افریقہ کے باکسر کو مشکلات کا سامنا رہا لیکن موروتی متھالین نے اگلے رائونڈ میں وسیم کا ڈٹ کر مقابلہ کیا اور فائٹ متفقہ فیصلے کے تحت جیت لی۔  تینوں ججوں نے 114، 113، 114 ، 113 اور 116 کے مقابلے میں 110 کے سکور سے موروتی متھالین کو فاتح قرار دیا، یہ محمد وسیم کی مسلسل 8 فتوحات کے بعد پہلی شکست ہے۔
image

 دنیائے فٹبال کے نئے بادشاہ کا فیصلہ آج ہوگا، ٹائٹل کی جنگ میں فرانس اور کروشیا کی ٹیمیں مدمقابل ہوں گی۔  روس میں جاری میگا ایونٹ میں اب تک کھیلے گئے 63 میچز کافی ہنگامہ خیز اور کئی قسم کے ڈراموں سے بھرپور رہے، اس میں شائقین کو شاندار گول بھی دیکھنے کو ملے اور انہوں نے اپ سیٹ ہوتے ہوئے بھی دیکھے، آخر میں2 ٹاپ ٹیمیں فرانس اور کروشیا کی صورت میں ابھر کر سامنے آئیں، ان کے درمیان اب گولڈن ٹرافی کیلئے دودو ہاتھ ہوں گے۔  ایونٹ کے حتمی مقابلے کیلئے دونوں ٹیموں کی جانب سے بھرپور تیاری مکمل کر لی گئی اور کھلاڑیوں کی جانب سے کامیابی حاصل کرنے کے دعوے کئے جا رہے ہیں۔ اس سے قبل ورلڈ کپ فٹبال کے تیسری اور چوتھی پوزیشن کے سلسلے میں کھیلے جانے والے میچ میں بیلجئم نے انگلینڈ کو شکست دے کر تیسری پوزیشن اپنے نام کر لی۔
image

فیفا فٹبال ورلڈ کپ کے فائنل کے تمام ٹکٹ فروخت ہو چکے ہیں، ماسکو شہر میں بنائے گئے فیفا ٹکٹ سیلنگ سینٹر پر اب مکمل سناٹا ہے۔ بلیک میں ٹکٹ بیچنے والے سیمی فائنل سے پہلے تک تو اپنے ٹکٹ بلیک کرکے اپنا ہدف حاصل کرنے میں کامیاب رہے لیکن اس کے بعد فیفا کی کارروائی کی بدولت وہ بھی محتاط ہوگئے اور چھپ چھپا کے جیسے تیسے اپنے ٹکٹ فروخت کئے۔ فرانس اور کروشیا کے درمیان ورلڈ کپ فٹ بال کا فائنل اتوار کو ماسکو کے لوزنیکی سٹیڈیم میں کھیلا جانا ہے۔ فائنل دیکھنے کیلئے کروشیا اور سپین کے تماشائیوں کی بڑی تعداد ماسکو پہنچ چکی ہے۔
image

کیون اینڈرسن ستانوے سال بعد ومبلڈن کا فائنل کھیلنے والے پہلے جنوبی افریقی کھلاڑی بن گئے ہیں۔ بتیس سالہ اینڈرسن نے لندن میں جاری سال کے تیسرے اور سب سے بڑے گرینڈ سلیم اوپن کے پہلی سیمی فائنل میں کانٹے دار مقابلے کے بعد جان سنر کو شکست دے کر فائنل کے لئے کوالیفائی کر لیا ۔ سیمی فائنل کے پہلے سیٹ میں کیون اینڈرسن نے ٹائی بریک پر سخت مقابلے کے بعد 6-7 سے کامیابی سمیٹی۔ دوسرے سیٹ میں جان سنر نے شاندار انداز میں کم بیک کیا اور سنسنی خیز مقابلے کے بعد ٹائی بریک پر 7-6 سے جیت کر مقابلہ 1-1 سیٹ سے برابر کر دیا۔ تیسرے سیٹ میں کیون اینڈرسن نے ایک اور ٹائی بریک پر 7-6 سے کامیابی حاصل کر کے میچ میں پہلی مرتبہ برتری حاصل کر لی۔ چوتھے سیٹ میں کیون اینڈرسن 6-4 سے سیٹ جیت کر مقابلہ 2-2 سیٹ سے برابر کر دیا۔ میچ کے آخری سیٹ میں دونوں کھلاڑیوں نے فتح کے لئے اپنا بہترین کھیل پیش کیا اور کوئی بھی کھلاڑی ہار ماننے کو تیار نہ ہوا اور یوں یہ سیٹ تقریبا تین گھنٹے تک محیط ہو گیا۔ میچ کا آخری سیٹ شروع ہوا تو پہلے ہی ساڑھے تین گھنٹے سے زائد کا کھیل ہو چکا تھا اور شاندار مقابلے سے بھرپور اس میچ میں کیون اینڈرسن نے 24-26 سے فتح حاصل کی تو یہ ومبلڈن کی تاریخ کا دوسرا طویل ترین میچ بن گیا تھا۔ ایونٹ کا یہ پہلا سیمی فائنل مجموعی طور پر چھ گھنٹے 36 منٹ تک جاری رہا اور اس کے ساتھ ہی ومبلڈن کا دوسرا طویل ترین میچ بن گیا۔
image

آئندہ ماہ انڈونیشیا میں شیڈول ایشین گیمز میں پاکستانی دستے کی شرکت کیلئے 12کروڑ گرانٹ کی منظوری کے حوالے سے تاحال کوئی فیصلہ نہ کیا جاسکا۔ ایشین گیمز 18 اگست سے 2 ستمبر تک انڈونیشیا کے دارالحکومت جکارتہ میں شیڈول ہیں ، جس  میں تمام ایشیائی ممالک سمیت  پاکستان کے بھی300 سے زائد دستے  ایکشن میں دکھائی دیں گے۔ پاکستانی دستے کی گیمز میں شرکت کیلئے پی ایس بی نے حکومت سے 12کروڑ کی گرانٹ کی منظوری مانگی تھی جس پر تاحال کوئی جواب نہیں دیا گیا جبکہ پاکستانی دستے کے رہائشی چارجز اور ڈمیج چارجز کے حوالے سے ایشین گیمز کی آرگنائزنگ کمیٹی کی جانب سے پاکستان اولمپک ایسوسی ایشن کو دی جانیوالی ڈیڈ لائن ختم ہونے کے حوالے سے بھی چند روز باقی رہ گئے ہیں۔ پی او اے نے ایشین گیمز کی آرگنائزنگ کمیٹی کو 2لاکھ 70ہزار ڈالرز رہائش اور 30 ہزار امریکی ڈالرز ڈمیج چارجز کی مد میں ادا کرنے ہیں، اس حوالے سے پاکستان سپورٹس بورڈ کے ترجمان اعظم ڈار نے کہا کہ ایشین گیمز میں شرکت کرنے والے قومی دستے کے اخراجات کی منظوری کی سمری  بھجوا دی گئی ، اس سمری کی منظوری کے ساتھ ہی ادائیگی  پاکستان اولمپک ایسوسی ایشن کو کردی جائے گی۔
image

قومی ہاکی ٹیم کے سابق کپتان اور اپنے دور کے عظیم کھلاڑی اولمپئن سمیع اللہ خان نے کہا ہے کہ ایشین گیمز میں قومی ہاکی ٹیم کو بہتر نتائج پیش کرنے کے لئے سخت محنت کی ضرورت ہے ہوگی۔دنیائے ہاکی میں فلائنگ ہارس کے نام  سے پکارے جانے والے اولمپئن سمیع اللہ خان نے کہا کہ ایشین گیمز میں قومی ہاکی ٹیم پہلی پوزیشن حاصل کرکے براہ راست اولمپکس کیلئے کوالیفائی  کا حق حاصل کر سکتی ہے لیکن یہ ایک مشکل مرحلہ ہوگا ،جس کے لئے  بھرپور محنت کرنا ہوگی۔ انہوں نے کہا کہ یہ امر قابل فخر ہے کہ پاکستان کو ایشین گیمز  میں7بار گولڈ میڈل حاصل کرنے کا اعزاز حاصل ہے، پہلی بار گرین شرٹس نے 1958کے ٹوکیو گیمز میں طلائی تمغہ حاصل کیا تھا ، بعد ازاں جکارتہ، بنکاک، نیو دہلی، بیجنگ، تہران، گوانگزو گیمز میں بھی پاکستان نے ہاکی میں گولڈ میڈل حاصل کیا، اس کے علاوہ قومی ہاکی ٹیم کو 3 بار چاندی کا تمغہ حاصل کرنے کا بھی اعزاز حاصل ہے چین کے وفد کے سربراہ مسٹر جیانشن مائو نے اس موقع پر اپنے خیالات کا اظہار کرتے ہوئے  کہا کہ پاکستان میں سپورٹس کا بہترین ٹیلنٹ موجود ہے، کھلاڑیوں کو اگر سہولتیں فراہم کی جائیں تو وہ اپنے ملک کیلئے بہترین خدمات پیش کر سکتے ہیں۔ سائٹا پاکستان کے سی ای او پیرزادہ اجمل فاروقی نے کہا کہ ایشین گیمز میں قومی ہاکی ٹیم سے کامیابی کیلئے پوری قوم کو امیدیں وابستہ ہیں اور وہ دعا گو ہیں کہ قومی ہاکی ٹیم ایشین گیمز میں پہلی پوزیشن حاصل کر نے میں کامیاب ہو جائے۔ اس موقع پر مسٹر جیانشی و دیگر بھی موجود تھے۔
image

اوپنر امام الحق کی سنچری کی بدولت پاکستان نے زمبابوے کو  پانچ ایک روزہ میچز کی سیریز کے پہلے میچ میں 201 رنز سے شکست دے دی۔بلاوایو کے کوئنز اسپورٹس کلب میں کھیلے جانے والے میچ میں میزبان ٹیم کے کپتان ہیملٹن مساکدزا نے ٹاس جیت کر پہلے فیلڈنگ کا فیصلہ کیا تو گرین شرٹس نے مقررہ 50 اوورز میں 7 وکٹوں کے نقصان پر 308 رنز بنائے۔ اوپننگ بلے باز فخر زمان اور امام الحق نے اننگز کا آغاز کیا تو دونوں بلے بازوں نے محتاط انداز اپناتے ہوئے شاندار بیٹنگ کی اور 113 رنز کی شراکت قائم کی۔ پاکستان کی جانب سے فخر زمان 60، آصف علی 46، بابر اعظم 30 اور شعیب ملک 22 رنز بناکر آؤٹ ہوئے جب کہ امام الحق 128 رنز کے ساتھ نمایاں رہے، انہوں نے اپنی اننگز میں 11 چوکے بھی لگائے۔زمبابوے کی جانب سے چھتارا اور تری پانو نے دو دو وکٹیں حاصل کیں۔جواب میں زمبابوے کی بیٹنگ نے مایوس کن کارکردگی کا مظاہرہ کیا اور پوری ٹیم صرف 107 رنز ہی بناسکی۔زمبابوے کی جانب سے رائن مرے 32، تریسائی مساکنڈا 21 اور چمو چھیپابا 20 رنز بناکر نمایاں رہے۔پاکستان کی جانب سے شاداب خان نے شاندار بولنگ کرتے ہوئے چار بلے بازوں کو پویلین کی راہ دکھائی جبکہ عثمان خان اور فہیم اشرف دو دو جبکہ محمد عامر اور حسن علی نے ایک ایک وکٹ حاصل کی۔سیریز کا دوسرا میچ پیر کو بلاوایو میں ہی کھیلا جائے گا۔
image

 پانچ ایک روزہ میچز کی سیریز کے پہلے میچ میں پاکستان نے زمبابوے کو جیت کے لئے 309 رنز کا ہدف دیا ہے۔ زمبابوے کے شہر بلاوایو میں کھیلی جارہی پانچ ایک روزہ میچز کی سیریز کے پہلے میچ میں زمبابوے نے پاکستان کے خلاف ٹاس جیت کر پہلے فیلڈنگ کا فیصلہ کیا تو پاکستان کی جانب سے اننگز کا آغاز فخرزمان اور امام الحق نے کیا، دونوں اوپنرز نے پر اعتماد اننگز کا آغاز کیا اور 133 رنز کی شراکت قائم کی،  جس کے بعد فخر زمان 60 رنز بناکر آئوٹ ہوگئے، امام الحق نے 129 رنز کی شاندار اننگز کھیلی۔ ون ڈائون آنے والے بابر اعظم نے 30 جبکہ شعیب ملک نے 22 رنز کی اننگز کھیلی، آصف علی نے بھی 25 گیندوں پر 46 رنز کی جارحانہ اننگز کھیلی، جس کی بدولت پاکستان نے مقررہ اوورز میں 7 وکٹوں کے نقصان پر 308 رنز بنائے۔ واضح رہے کہ اس سے قبل قومی ٹیم نے ہرارے میں کھیلی گئی سہ ملکی سیریز میں فتح حاصل کی تھی، قومی ٹیم نے فائنل میں آسٹریلیا کو 6 وکٹوں سے شکست دی تھی۔
image

پاکستان ڈس ایبلڈ کرکٹ ٹیم نے انگلینڈ میں ہونے والی ڈس ایبلڈ ٹی ٹوئنٹی کرکٹ سیریز جیت لی،ایونٹ میں میزبان انگلینڈ کے علاوہ پاکستان اور بنگلہ دیش کی ڈس ایبلڈ ٹیموں نے شرکت کی ۔فائنل میچ میں پاکستان نے انگلش کرکٹ ٹیم کو 45 رنز سے ہراکر ٹرافی اپنے نام کر لی ۔فائنل میں پاکستان کی ٹیم نے پہلے بیٹنگ کرتے ہو ئے ہوئے مقررہ 20 اوور میں 7 وکٹوں پر189 رنز ا سکور کئے اور حریف ٹیم کومیچ جیتنے کیلئے 190رنز کا ہدف دیا ،جواب میں انگلش ٹیم پاکستان کی بہترین بولنگ کے سامنے نہ ٹھر سکی اور18اعشاریہ 2 اوور میں144رنز بنا کرآئوٹ ہو گئی ،یوںپاکستان ڈس ایبلڈ کرکٹ ٹیم انگلینڈ میں ہونے والی ٹی ٹوئنٹی کرکٹ سیریز کی فاتح قرار پائی ،اس سے پہلے پاکستان ڈس ایبلڈ کرکٹ ٹیم بنگلہ دیش کوہراکر فائنل میں پہنچی تھی اور فائنل میں انگلینڈ سے مقابلہ کرنے کی راہ ہموار کرلی تھی
image

ہیڈ کوچ مکی آرتھر نے پاکستانی کرکٹ ٹیم کی فٹنس پر اطمینان کا اظہار کر دیا۔ ا نہوں نے کہا کہ کھلاڑیوں کی بہترین فٹنس میں یو یو ٹیسٹ کا بڑا کردار ہے۔ انہوں نے کہا کہ جب گرین شرٹس کو جوائن کیا تھا۔ اس وقت کھلاڑیوں کی فٹنس میں بہتری کی بہت زیادہ گنجائش تھی۔اس لئے اس کمزوری کو دور کرنے کیلئے مربوط حکمت عملی ترتیب دی۔مکی آرتھر کے مطابق انہوں نے شروع میں ہی یہ محسوس کر لیا تھا کہ ٹیم کو فزیکل فٹنس کی سب سے زیادہ ضرورت ہے۔ انہوں نے کہا کہ دیگر ٹیمیں اسکن فولڈ ٹیسٹ یادو کلو میٹرز پر مشتمل رننگ ٹیسٹ کرتی ہیں تاکہ اپنے کھلاڑیوں کی فٹنس کا جائزہ لے سکیں لیکن ہم نے یو یو ٹیسٹ کا سادہ طریقہ اپنایا جس سے کارڈیو ، اسٹیمنا اور فٹنس کا اندازہ ہو گیا۔انہوں نے کہ فٹنس میں مزید بہتری لائی جا سکتی ہے کیونکہ اسٹرینتھ اور کنڈیشننگ کوچ گرانٹ لیوڈن نے اس معاملے پر گہری نظر رکھی ہوئی ہے جو کھلاڑیوں کیلئے بھی بہتر ہے۔انہوں نے کہا کہ یو یو ٹیسٹ سے کھلاڑیوں کا فوکس بھی بہتر ہوتا ہے اور وہ فیلڈ پر زیادہ دیر تک اچھی پرفارمنس کا مظاہرہ کر سکتے ہیں۔ مکی آرتھر کا کہنا تھا کہ کھلاڑی کو یویو ٹیسٹ سے کافی مدد ملتی ہے اور وہ اچھی فٹنس کی بدولت اپنی اننگز کو ستر ،اسی یا سو رنز میں بدل سکتے ہیں۔ انہوں نے کہا کہ اچھی فٹنس سے بالرز کو بھی طویل سپیل کرانے میں مدد ملتی ہے۔انہوں نے بتایا کہ ابتدائی طور پر یو یو ٹیسٹ میں 17.1سکوربینچ مارک رکھا گیا تھا جسے اب 17.4 کر دیا گیا ہے۔ انہوں نے کہا کہ فٹنس کے معیار پر کوئی سمجھوتہ نہیں ہو گا۔ اس لئے جو کھلاڑی سٹینڈرڈ پر پورا نہیں اترے گا، وہ پاکستان کی نمائندگی نہیں کر سکتا۔ مکی آرتھر کے مطابق پاکستانی کرکٹرز کو بھی معلوم ہے کہ فٹنس لیول کم از کم کتنا ہونا چاہئے اور کوئی بھی کھلاڑی ہو ،اگر مطلوبہ فٹنس نہیں ہو گی تو ا سے منتخب نہیں کر سکتے اور یہ دھمکی نہیں بلکہ ہم چاہتے ہیں کہ سو فیصد فٹ کھلاڑیوں کو فیلڈ پر اتارا جائے تاکہ جدید کرکٹ میں مقابلہ کر سکیں۔
image

کروشیا نے روس میں جاری فیفا فٹبال ورلڈ کپ کے فائنل کےلئے کوالیفائی کرلیا۔ دوسرے سیمی فائنل میں دلچسپ مقابلے کے بعد کروشیا نے اضافی وقت میں انگلینڈ کو دو ایک سے شکست دی اور پہلی بار فائنل میں پہنچا۔ ماسکو میں کھیلے گئے سیمی فائنل کا آغاز تیز رفتاری سے ہوا اور انگلینڈ نے پانچویں منٹ میں ہی برتری حاصل کرلی، یہ گول ٹری پیئر نے کارنر کک پر ہیڈ کے ذریعے کیا۔ اس کے بعد کروشین ٹیم نے بھی حملے کئے مگر ان کے کھلاڑیوں کی کوششیں کامیاب نہیں ہوسکیں اور پہلے ہاف میں انگلینڈ کو برتری حاصل رہی۔ دوسرے ہاف میں کروشیا کی ٹیم گول برابر کرنے میں کامیاب ہوئی، یہ گول پریچچ نے کیا اور مقررہ وقت میں مقابلہ ایک، ایک گول سے برابر رہا۔ میچ کو فیصلہ کن بنانے کے لئے اضافی وقت دیا گیا، جس کے دوسرے ہاف میں کروشیا کے تجربہ کار اور سٹار کھلاڑی مینزوکچ نے گیند حریف ٹیم کے جال میں پہنچا کر ٹیم کو برتری دلا دی جو آخر وقت تک قائم رہی۔ یوں کروشیا نے میگا ایونٹ کے فائنل کے لئے کوالیفائی کرلیا، جہاں اتوار 15 جولائی کو اس کا مقابلہ فرانس سے ہوگا۔ دوسری جانب انگلینڈ کی ٹیم ہفتہ 14 جولائی کو پہلے سیمی فائنل میں فرانس سے شکست کھانے والی بیلجئم سے تیسری پوزیشن کا میچ کھیلے گی۔
image

عوامی سروے

سوال: الیکشن 2018 کیلئے کونسی جماعت آپکی فیورٹ؟