فن اور فنکار
فلمسٹار میرا نے کہا ہے کہ خوابوں کا شہزادہ ابھی میری زندگی میں نہیں آیا جو مجھے تحفظ دینے کے ساتھ گھر ، عزت اور محبت دے اور میرے وہ تمام مالی اخراجات برداشت کرے جو میرا حق ہے۔ انہوں نے  این این آئی سے خصوصی گفتگو کرتے ہوئے کہا کہ بہت سے لوگوں نے مجھے شادی کی پیشکش کی مگر مجھے ان میں اس طرح کا خلوص نظر نہیں آیا جو ہر  عورت چاہتی ہے ۔ ہر لڑکی کی طرح میرا بھی خواب ہے کہ میرا اپنا گھر ہو جہاں محبت کرنے والا شوہر میرے ناز نخرے اٹھائے ۔ ہو سکتا ہے 2018 میری شادی کا سال ہو ۔ انہوںنے کہا کہ اپنے گھریلو اخراجات پورے کرنے کے لئے فلموں میں کام کرتی ہوں لیکن اگر شادی کے بعد شوہر میری وہ تمام ضروریات پوری کرے تو مجھے شوبز میں مزید کام کرنے کی ضرورت نہیں ہو گی ۔ البتہ شوق کی خاطر کبھی کبھار فلموں میں اپنی مرضی سے ہی کام کروں گی۔

شہرہ آفاق جریدے نیشنل جیوگرافک کے سرورق سے دنیا بھر میں شہرت حاصل کرنے والی افغانستان کی مونا لیزا کو آخر کار گھر مل ہی گیا۔ غیرملکی خبر رساں ادارے کے مطابق 1985 میں رسالے کے سرورق پر ایک 12 سال کی افغان پناہ گزین لڑکی کی تصویر شائع ہوئی،  لڑکی کی غیر معمولی شربتی آنکھوں  نے اسے دنیا بھر میں مشہور کر دیا۔ افغانستان پر سوویت حملے کے دوران چھ سال کی عمر میں باپ سے محروم ہونے والی افغان لڑکی  اپنی دادی کے ساتھ خوراک اور پناہ کی تلاش میں پاکستان آئی جہاں ناصر باغ کے افغان مہاجر کیمپ میں فوٹو گرافر اسٹیو میک کری کی نظر اس پر پڑی اور یوں افغان لڑکی  دنیا بھر میں افغان مونا لیزا کے نام سے مشہور ہوگئی۔ امریکی نشریاتی ادارے نے نیشنل جیوگرافک نے بتایا کہ شربت گلا کو افغان حکومت کی جانب سے کابل میں 3000 گز کا گھر دیا گیا ہے، جس کی تزئین و  آرائش بھی شربت گلا کی مرضی اور پسند کے مطابق کی گئی ہے۔ افغان وزارت اطلاعات کے ترجمان نجیب ننگیال کا کہنا تھا کہ یہ گھر افغان حکومت کا 45 سالہ شربت گلا کو تحفہ ہے، انہیں 700 ڈالر ماہانہ وظیفہ بھی دیا جائے گا جو ان کے علاج معالجے اور روز مرہ اخراجات میں کام آئے گا۔
image

بالی وڈ اداکارہ تبو ویسے تو پہلے بھی ایکشن ہیرو اجے دیوگن کے ساتھ اپنے تعلقات سے متعلق کھل کا بات کر چکی ہیں، وہ مان چکی ہیں کہ وہ ان کے ساتھ مساوی بنیادوں پر کام کرتی ہیں۔ تبو نے پہلے انکشاف کیا تھا کہ وہ اور اجے دیوگن بچپن کے دوست ہیں اور ان کے درمیان کسی حد تک محبت بھی رہی ہے۔ تبو یہ انکشاف بھی کر چکی ہیں کہ اگر آج تک وہ غیر شادی شدہ ہیں تو اس کی وجہ بھی اجے دیوگن ہی ہیں۔  ہندوستان ٹائمز کے مطابق تبو کا کہنا تھا کہ اجے دیوگن اور وہ ایک دوسرے کو 13 سے 14 سال کی عمر سے جانتے ہیں اور دونوں ممبئی کے نواحی دیہی علاقے  جوہو میں ایک ساتھ  بڑے ہوئے۔ تبو نے ماضی کو یاد کرتے ہوئے شرارتی انداز میں بتایا کہ اجے دیوگن ہمیشہ لڑکوں کے ایک گروپ کے ساتھ ہوتا تھا جو ان کی لڑکیوں کے گروپ کو پھنسانے کے چکر میں ہوتا تھا۔ تبو کا کہنا تھا کہ اجے دیوگن ان کے بھائی کا بچپن کا دوست ہے، اور یہ دونوں بھی ایک دوسرے کو بچپن کے زمانے سے جانتے ہیں۔تبو کے مطابق انہوں نے اجے دیوگن کے ساتھ 2015 میں فلم  درشیام  میں 18 سال کے وقفے کے بعد فلموں میں کام کیا، یہ اتفاق کی بات ہے کہ وہ دونوں بچپن کے دوست ہونے اور ایک ہی انڈسٹری میں کام کرنے کے باوجود اتنے عرصے تک انہوں نے ایک دوسرے کے ساتھ کام نہیں کیا۔انہوں نے اجے دیوگن کے ساتھ کی گئی فلموں کے کام کو خاندان کا حصہ قرار دیا۔
image

 دنیا کے سب سے بڑے سرچ انجن گوگل نے ان  شخصیات کی فہرست جاری کی ہے جنہیں پاکستانیوں نے رواں سال سب سے زیادہ سرچ کیا ہے۔ فہرست کے  مطابق  نجی چینل سے شہرت حاصل کرنے والی فبیہا شیرازی کو پاکستانیوں نے  سب سے زیادہ سرچ کیا ہے  ۔ فبیہا شیرازی کی مختصر ویڈیوز بھی سوشل میڈیا پر وائرل ہوئی تھیں جنہیں لوگوں کی بڑی تعداد نے دیکھا۔نوحہ خواں ندیم سرور کو رواں سال پاکستانیوں نے فبیہا شیرازی کے بعد سب سے زیادہ سرچ کیا۔ قومی کرکٹر  فخر زمان اس فہرست میں تیسرے نمبر پر رہے گوگل پر پاکستانی عوام فخرزمان کے بارے میں بھی معلومات تلاش کرتی رہی۔ پاکستانیوں نے بھارتی اداکار رشی کپور کو چوتھے نمبرپر سب سے زیادہ سرچ کیا   آئی سی سی چیمپئنز ٹرافی کے موقع پر رشی کپور کی ٹوئٹ کے بعد پاکستانیوں نے رشی کپور کو زیادہ سرچ کیا۔ اپنے  لیک ہونے والے  نازیبا کلپ سے شہرت پانی والی  ڈرامہ اداکار ہ ردا اصفہانی کو  ویڈیوز کی وجہ سے ر واں سال گوگل پر  خوب سرچ کیا گیا۔ پاکستانی نږاد برطانوی باکسر عامر خان کی اہلیہ شوہر سے جھگڑوں اورعلیحدگی کے باعث انٹرنیٹ پر چھائی رہیں۔ معروف الیکٹرانک کمپنی کے سی ای او اور پشاور زلمی کے بانی جاوید آفریدی اس لسٹ میں ساتویں نمبر پر ہیں۔ پاکستان شوبزانڈسٹری کے ماضی کے نامور اداکار آصف رضامیر کے صاحبزادے احد رضامیر کو صرف ایک ڈرامے یقین کا سفرنے راتوں رات پاکستان کی مقبول ترین شخصیات کی فہرست میں لاکھڑا کیا۔ گلوکارہ مومنہ مستحسن نے رواں سال کوئی خاص اور قابل ذکر کام تو نہیں کیا تاہم پھر بھی لوگ انہیں گوگل پر سرچ کرتے رہے۔
image

پاکستانی اداکارہ سارہ لورین نے دعویٰ کیا کہ مجھے ایک نئی بھارتی فلم میں کاسٹ کرلیا گیا ہے۔ سارہ لورین نے کہا کہ میں نے کبھی یہ نہیں کہاکہ میں بالی وڈ کی فلموں میں کام نہیں کرونگی ۔ پاکستان میں بھی دو فلموں کے پراجیکٹس پر کام کر رہی ہوں جو وقت آنے پر سب کے سامنے آ جائینگے ۔ اداکارہ کا کہنا تھا کہ بہت جلد بھارت جاؤنگی جہاں شوٹنگ کا شیڈول طے کیا جائیگا ۔
image

بالی وڈاداکار رشی کپور ایک بار پھر صحافیوں پر برس پڑے اور انہیں مفت کی شراب پینے والے افراد کا طعنہ دیدیا ۔ بھارتی میڈیا کے مطابق راج کپور کی 93 ویں سالگرہ کے موقع پر ایک تقریب منعقد کی گئی جس میں راج کپور کی سوانح حیات پر مبنی کتاب کی رونمائی  کی گئی۔ تقریب میں رشی کپور کو بطور مہمان خصوصی مدعو کیا گیا تاہم والد کی تقریب میں بھی رشی کپور کو صحافیوں کی موجودگی ایک آنکھ نہ بھائی اور صحافیوں کو تقریب چھوڑ جانے کا کہہ دیا اور جاتے جاتے بھی طنزیہ انداز میں صحافیوں کو مفت کی شراب پینے والے کہہ کر وہاں سے چلے گئے ۔ 
image

بھارت میں ہندو انتہا پسندوں نے دھمکی دی ہے کہ اگر سنی لیون نے نیو ایئر نائٹ میں پرفارم کیا تو وہ اجتماعی خودکشی کر لیں گے۔ بھارتی میڈیا کے مطابق سنی لیون نئے سال کے موقع پر بنگلور میں  سنی نائٹ ان بنگلورو2018 کے نام سے منعقد کئے جانے والے شو میں پرفارم کرنے والی ہیں لیکن ہندو انتہا پسند تنظیم کرناٹکا رکشنا ویدیکا یووا سینا کے کارکنوں نے ابھی سے ہی مانیتا ٹیک پارک کے باہر بازوئوں پر سیاہ رنگ کی پٹیاں باندھ کر احتجاج کرنا شروع کر دیا ہے ، اس تنظیم کا کہنا ہے کہ سنی لیون شو میں نامناسب لباس پہن کر پرفارم کریں گی جو ناقابل برداشت ہے کیونکہ یہ مقامی ثقافت سے میل نہیں کھاتا اور اس سے  ہماری تہذیب و تمدن کو نقصان پہنچ سکتا ہے ، اگر سنی لیون ساڑھی پہن کر شو میں حصہ لیں تو ہمیں کوئی اعتراض نہیں بلکہ ہم بھی ان کا شو دیکھنے جائیں گے لیکن اگر سنی لیو ن نے 31 دسمبر کو شو میں چھوٹے کپڑے پہن کر پرفارم کیا تو ہم سب خودکشی کرنے سے بھی نہیں ہچکچائیں گے۔ دوسری جانب شو انتظامیہ نے سنی لیون کے قابل اعتراض اور مختصر لباس میں شو میں حصہ لینے کی خبروں کی تردید کرتے ہوئے کہا ہے کہ پروگرام بنگلور اور کناڈا کی ثقافت کو مدنظر رکھتے ہوئے ترتیب دیا گیا ہے۔ 
image

ایف بی آر نے فلم سٹار ندا چوہدری کا خفیہ بنک اکائونٹ پکڑ لیا جبکہ ٹیکس بچانے کے لئے بنایا جانےوالا اکائونٹ منجمد کئے جانے کا امکان ہے ۔تفصیلا ت کے مطابق ایف بی آر نے لاہور کے علاقہ جوہر ٹائون میں ندا چوہدری کا ایک ہسپتا ل میں قائم بنک پرانچ سے اکائونٹ پکڑ لیا جس میں 3کروڑ سے زائد کی رقم بھی موجود ہے اور ایف بی آر نے پہلے مر حلے میں اس حوالے سے ندا چوہدری کو نوٹس جاری کر کے ان سے جواب طلب کر لیا ہے ۔
image

بالی وڈ کی خوبرو اداکارہ ملکا شراوت اور ان کے فرانسیسی  دوست سرل اوگجن فین کے بارے میں ایک حیران کن خبر سامنے آگئی۔  خبر کے مطابق ان کے پاس مکان کا کرایہ دینے کے بھی پیسے نہیں ہیں۔ تفصیلات کے مطابق با لی وڈ اداکارہ ملکا شراوت ان دنوں اپنے دوست کے ساتھ پیرس کے ایک اپارٹمنٹ میں کافی عرصہ سے رہ رہی ہیں تاہم  مکان کا کرایہ نہ ہونے کی وجہ سے مکان مالک نے دونوں کو گھر سے باہر نکال دیا ہے۔ رپورٹ میں بتایا گیا ہے کہ ان پر 80 ہزار یورو یعنی 64 لاکھ بھارتی روپے کرایہ چڑھ گیا تھا جسے وہ ادا نہ کرسکے اور مالک کی جانب سے گھر بدر کردیئے گئے۔بالی وڈ میں کام نہ ملنے کی وجہ سے ملکا شراوت کافی عرصے سے پیرس کے سکسٹین ارائونڈنٹ ایریا میں رہائش پذیر ہیں جسے بے حد پوش ایریا مانا جاتا ہے۔
image

شوبز فنکاروں نے سپر یم کورٹ سے چیئر مین تحر یک انصاف عمران خان کے حق میں فیصلہ آنے پر جشن منایا ،مٹھائی بھی تقسیم کی گئی جبکہ جہانگیر  ترین کی نااہلی کو پارٹی کارکنوں کےلئے بہتر قرار دےدیا۔ تفصیلات کے مطابق عمران خان کے حق میں سپر یم کورٹ کے فیصلے پر فلم سٹار مہک نور  نداملک ،نشائ بھٹی ،سارہ خان، اداکارہ غزل راجہ اور ہما علی نے جشن مناےا اور مٹھائی بھی تقسےم کی گئی اور وزےر اعظم عمران خان کے نعرے بھی لگاتی رہیں جبکہ فلم سٹار میرا نے کہا کہ عمران خان کے حق میں فیصلہ اصل میں پاکستان میں کر پشن کے خاتمے کی جنگ کی کامیابی کا فیصلہ ہے اور اب قوم کو لٹیروں سے نجات ملے گی اور عمران خان وزیر اعظم بنیں گے ،فلم سٹار ماہرہ خان اور عروہ حسین نے کہا کہ اس فیصلے سے ملک میں آئین اور قانون کی حکمرانی کی نئی مثال قائم ہوئی ہے ملک میں کر پشن ہی تمام مسائل کی جڑ ہے جس کو مکمل ختم کر نا ہوگا۔  فلم سٹار مہک نور نے کہا کہ شوبز فنکار بھی کر پشن کے خلاف جنگ لڑ نے والوں کے ساتھ ہیں اور وہ ضرور کامیاب ہوں گے ۔
image

مسٹر پرفیکشنسٹ عامر خان نے کہا ہے کہ کسی کو بھی جنسی طور پر ہراساں کیا جانا کسی بھی حوالے سے درست نہیں ، چاہے متاثرہ شخص کی کوئی بھی جنس ہو۔ میڈیا کے مطابق انہوں نے کہا کہ تخلیقی صلاحیتوں کے حامل افراد معاشرے میں صنفی تفریق کے خاتمے میں اہم کردار ادا کر سکتے ہیں ، یہ معاملہ صرف فلم انڈسٹری تک محدود نہیں اور نہ ہی اسے صرف ہندوستان تک محدود سمجھا جاسکتا ہے ، یہ سلسلہ دنیا بھر میں جاری ہے اور چونکہ مرد حضرات شروع سے ہی طاقتور سمجھے جاتے رہے ہیں، اس لئے یہ مسئلہ بھی پرانا ہے، کسی بھی انسان پر پیار کرنے کی پابندی  لگائی جاسکتی اور نہ ہی اسے اظہار محبت سے روکا جاسکتا ہے تاہم کسی طرح بھی جسمانی و جنسی تشدد محبت کے زمرے میں نہیں آتے۔ 
image

برطانوی گلوکارہ تانیہ ویلز مشرقی موسیقی کو بےحد پسند کرتی ہیں، جن کی قوالی پڑھتے ہوئے ایک نئی ویڈیو سوشل میڈیا پر وائرل ہوگئی۔ تانیہ دبئی میں ایک روڈ پر دما دم مست قلندر قوالی پڑھتے ہوئے نظر آئیں، اس موقع پر ان کے ساتھ ان کی جڑواں بہن  بھی موجود تھیں۔ تانیہ نے فیس بک پر بتایا کہ ہم دبئی میں موجود تھے جہاں لوگوں کو محظوظ کرنے کے لیے میں نے یہ قوالی پڑھی، لیکن ایک ہفتے بعد ہی مجھے یہ ویڈیو دکھائی گئی جسے بہت سے لوگ شیئر کرچکے تھے۔ ایک انٹرویو میں تانیہ ویلز کا کہنا تھا کہ وہ نصرت فتح علی خان کی بہت بڑی مداح ہیں۔جب اپنے پسندیدہ پاکستانی گلوکار کے حوالے سے تانیہ سے سوال کیا گیا تو انہوں نے کہا کہ وہ یقیناً نصرت فتح علی خان ہیں کیوں کہ وہ قوالی کے بادشاہ ہیں، اس کے علاوہ پاکستان میں کئی بہترین گلوکار موجود ہیں جس میں مہدی حسن، عابدہ پروین اور فریدہ خانم شامل ہیں۔
image

 بالی وڈ اداکارہ جیکولین فرنینڈس نے کولمبو میں اپنا پہلا ریسٹورنٹ کھول لیا۔  انہوں نے انسٹاگرام پر تازہ تصویر شیئر کرتے ہوئے لکھا  کہ وہ اپنے ملک میں اپنا پہلا ریسٹورنٹ کھولنے پر بہت پرجوش ہیں جہاں سری لنکا کے مزیدار اور روایتی کھانے پیش کئے جائیں گے۔ جیکولین فرنینڈس فلم ریس 3  میں اداکار سلمان خان جبکہ ڈرائیو میں سوشانت سنگھ راجپوت کے ساتھ مرکزی کردار ادا کر رہی ہیں۔  
image

 بالی وڈ اداکار عامر خان نے کہا ہے کہ ہر کسی کو احتجاج کا حق حاصل ہے تاہم تشدد کسی مسئلے کا حل نہیں ہے ۔ بھارتی ذرائع ابلاغ کے مطابق عامر خان نے  فلم پدماوتی  پر ہدایتکار سنجے لیلا بھنسالی اور اداکارہ دپیکا پڈوکون کو دی گئی دھمکیوں کو افسوس ناک قراردیتے ہوئے کہاکہ وہ فلم پر براہ راست تبصرہ نہیں کریں گے لیکن تشدد مسئلے کا حل کبھی نہیں ہوتا۔ انہوں نے کہا کہ  ہم قانون کی حکمرانی پر یقین رکھتے ہیں،کسی کو بھی قانون کو ہاتھ میں نہیں لینا چاہئے اور میرا خیال ہے کہ کسی کو بھی تشدد کی دھمکیاں نہیں دینا چاہئیں یہ افسوس ناک ہے۔  
image

بھارت کے مشہور شاعر، مصنف اور فلم نگار جاوید اختر اپنے لکھے گئے گانوں اور فلموں کی وجہ شہرت رکھتے ہیں ،  ایک انٹرویو میں جاوید اختر نے 1998 میں بننے والی بالی وڈ کے بادشاہ شاہ رخ خان کی مشہور فلم کچھ کچھ ہوتا ہے کا سکرپٹ نہ لکھنے کی وجہ بتاتے ہوئے کہا کہ  میں سمجھتا ہوں کہ اس فلم کے نام کے ذو معنی یعنی ایک سے زائد مطلب نکل رہے تھے اور اسی وجہ سے میں نے اس کا سکرپٹ نہیں لکھا۔جاوید اختر نے انکشاف کیا کہ میں کل ہو نہ ہوکے لیے شاہ رخ خان کا شکر گزار ہوں اور مجھے خوشی ہے کہ میں اس سفر کا حصہ رہا کیوں کہ میں نے اس کے ایک گیت میں وہ الفاظ شامل کئے جو مزید بہتر کرنے کی غرض سے مسترد کرچکا تھا لیکن سننے والوں نے اسے پذیرائی بخشی جو کچھ تو ہوا ہے، کچھ ہوگیا ہے کے نام سے مشہور ہیں۔
image

 پریانکا چوپڑا کو ان کی سماجی خدمات کے اعتراف میں مدرٹریسا میموریل ایوارڈ  سے نواز دیا گیا۔ نامور بالی وڈ اداکارہ اقوام متحدہ کے ذیلی ادارے یونیسیف کی اعزازی سفیر بھی ہیں۔ پریانکا چوپڑا چند ماہ قبل اردن میں مسلمان شامی پناہ گزین بچوں کے ساتھ وقت گزارنے کے باعث بھی توجہ کا مرکز رہی تھیں۔ پریانکا کو دیگر سماجی خدمات اور شامی پناہ گزین بچوں کی مدد کرنے کے اعتراف میں مدرٹریسا میموریل ایوارڈ سے نوازا گیا ہے تاہم ان کی جگہ ان کی والدہ مدھو چوپڑا نے یہ ایوارڈ وصول کیا۔ ایوارڈ وصول کرتے وقت مدھو چوپڑا کا کہنا تھا بحیثیت ماں انہیں اپنی بیٹی پر فخر ہے، پریانکا بہت رحم دل ہے اور بچپن میں وہ مدرٹریسا سے بہت زیادہ متاثر تھی۔ مجھے یقین ہے پریانکا یہ ایوارڈ حاصل کر کے بہت شکر گزار ہو گی۔
image

لکس گولڈن روز ایوارڈز 2017 کی شاندار تقریب ممبئی میں ہوئی، جس میں کرینہ کپور خان، دپیکا پڈوکون، کترینہ کیف، عالیہ بھٹ، جیکولین فرنینڈز، مادھوری ڈکشٹ، شاہ رخ خان اور سشانتھ سنگھ راجپوت سمیت دیگرسٹارز جلوہ گر ہوئے۔اس ستاروں میں سے کئی لکس برانڈ  کے سفیر بھی رہ چکے ہیں۔ پرومو میں دپیکا پڈوکون، سری دیوی، مادھوری ڈکشٹ، شرمیلا ٹیگور اور شاہ رخ خان کو حصہ بنایا گیا تھا۔2016 کے ایوارڈ شو کی میزبانی شاہ رخ خان اور کرن جوہر نے کی تھی جبکہ اس سال کی میزبانی بھی شاہ رخ خان نے ہی کی۔ اداکارائیں کی بات کی جائے تو سب ہی اس سال کے شو پر اپنے اپنے بہترین انداز میں جلوہ گر ہوئیں۔کرینہ کپور خان نے نہایت خوبصورت گائون پہنا جس نے سب کو خوب متاثر کیا۔دپیکا پڈوکون ایوارڈ شو کے نام کی طرح خود بھی کسی گولڈن گرل سے کم نظر نہیں آئیں۔دپیکا کو اس شو پر نہ رکنے والی خوبصورتی کا ایوارڈ بھی دیا گیا۔کترینہ کیف اس ایوارڈ شو پر گلابی رنگ کے گان میں جلوہ گر ہوئیں، اور ہمیشہ کی طرح وہ بولی وڈ کی باربی ڈول ہی لگ رہی تھیں۔عالیہ بھٹ نے سرخ رنگ کا گان پہن کر سب کی خوب داد وصول کی۔جبکہ دوسروں سے برعکس جیکولین فرنینڈز اس شو پر ساڑھی پہنے جلوہ گر ہوئیں۔مادھوری ڈکشٹ کو ٹائملس بیوٹی ایوارڈ دیا گیا۔
image

بالی وڈ اداکار انیل کپور نے کہا ہے کہ وہ فلم میں  امیتابھ بچن کے والد کا کردار ادا کرنے پر بھی کوئی مسئلہ محسوس نہیں کریں گے۔ بھارتی میڈیا کے مطابق اداکار انیل کپور نے فلم ریس 3  میں سلمان خان کے والد کا کردار ادا کرنے سے متعلق سوال کے جواب میں کہا ہے کہ بطور اداکار فلموں میں مختلف اور چیلنجنگ کرداروں کو ترجیح دیتا ہوں ، اس لئے مجھے اس سے کوئی مسئلہ نہیں ہے، میں فلم میں  امیتابھ بچن کے والد کا کردار ادا کرنے کے لئے بھی تیار ہوں۔ فلم ریس 3  کی کہانی بہت منفرد ہے ،میرا خیال ہے کہ فلم میں شائقین کی تفریح کے لئے گذشتہ سلسلوں کے تمام عناصر بھی ڈالے گئے ہیں۔
image

 بالی وڈ اداکارہ انوشکا شرما اور بھارتی  کرکٹر ویرات کوہلی نے دوستی کرانے والے سلمان خان کو ہی شادی میں مدعو نہیں کیا۔ انوشکا شرما اور ویرات کوہلی 12 دسمبر کو اٹلی کے شہر میلان میں شادی کر رہے ہیں جس میں کرکٹرز کے علاوہ بالی وڈ سے وابستہ افراد بھی شرکت کر رہے ہیں جب کہ دونوں  کی جانب سے شادی میں شاہ رخ خان اور عامر خان کو بھی مدعو کیا گیا ۔ لیکن سلمان خان کو اب تک کسی قسم کا دعوت نامہ نہیں دیا گیا۔ رپورٹس کے مطابق انوشکا اور کوہلی کی چار سالہ دوستی میں بہت لڑائیاں بھی ہوئیں جس میں سے ایک لڑائی انوشکا شرما کا سلمان خان کے ساتھ فلم سلطان میں کام کرنے کی وجہ سے بھی ہوئی اور دونوں کے درمیان لڑائی اتنی طویل ہوتی چلی گئی تھی کہ دونوں نے انسٹا گرام پر بھی ایک دوسرے کو ان فولو کردیا تھا۔ انوشکا اور ویرات کی  لڑائی ختم کرانے والے سلو میاں ہی تھے جنہوں نے دونوں کو اپنے گھر بلا کر دوبارہ سے دوستی کرانے میں اہم کردار ادا کیا اور اب ان  ہی کو شادی سے دور کر دیا گیا ہے۔
image

 نامور بالی وڈ اداکارہ زائرہ وسیم کے ساتھ جہاز میں دست درازی کرنے اور انہیں جنسی طور پر ہراساں کرنے والے شخص کو ممبئی سے گرفتار کرلیا گیا۔ فلم دنگل میں مسٹر پرفیکشنسٹ عامرخان کی بیٹی کا کردار ادا کرنے والی 17 سالہ نامور بالی وڈ اداکارہ زائرہ وسیم کی گزشتہ روز منظرعام پر آنے والی ویڈیو سوشل میڈیا پر بہت زیادہ وائرل ہوئی تھی ۔ یہ ویڈیو منظرعام پر آنے کے بعد ایئر لائن انتظامیہ اور پولیس فوری حرکت میں آگئی اور زائرہ کو پریشان کرنے والے شخص کو گرفتار کرلیا۔ بھارتی میڈیا کے مطابق جہاز میں اداکارہ کو پریشان کرنے والے 39 سالہ شخص کا نام ویکاش سچ دیو ہے اور وہ بزنس مین ہے۔ پولیس نے اسے ممبئی سے گرفتار کیا ہے۔ سینئر پولیس آفیسر لتا شیرسات کا کہنا ہے کہ تاجر کو جنسی آفنسزاور بچوں کے تحفظ کے ایکٹ کے تحت گرفتار کیا گیا ہے۔ دوسری جانب ایئر لائن وستارا نے اس واقعے پر معافی مانگتے ہوئے کہا ہے کہ اس واقعے کی تحقیقات کی جارہی ہیں جب کہ واقعے کی رپورٹ ایوی ایشن ریگولیٹر میں جمع کرادی گئی ہے۔
image

لاہور میں تین روزہ برائیڈل فیشن ویک کا رنگا رنگ آغاز ہو گیا، نئے انداز اور نت نئے رنگوں کی بہار میں شان اور عمائمہ ملک شو سٹاپر کے روپ میں جلوہ گر ہوئے۔ لاہور کے نجی ہوٹل میں سجا تین روزہ برائیڈل فیشن ویک میں 21 ڈایزائنرز تین روز میں اپنی مہارت کو منظر عام پر لائیں گے ، پہلے روز 8 ڈیزائینرز کے شاندار عروسی ملبوسات کی نمائش کی گئی۔
image

بھارتی  فلم انڈسٹری کے دبنگ خان سلو میاں  ممبئی کی سڑکوں پر برقی سائیکل چلاتے ہوئے مٹر گشت کرتے نظر آئے ، سلمان خان کے سائیکل چلاتے ہوئے اس  دلچسپ منظر کو  کیمرے کی آنکھ میں نہ صرف  محفوظ کرلیا بلکہ ویڈیو بھی سوشل میڈیا پر وائرل ہو گئی ۔ میڈیا پورٹ کے مطابق حال ہی میں ان کی ایک وڈیو سوشل میڈیا پر جاری کی گئی ہے جس میں دبنگ اداکار  سلمان خان ممبئی میں اپنے گھر کے ارد گرد برقی سائیکل چلاتے دکھائی دیئے، نیلے رنگ کی جینز اور شرٹ پہنے سلمان خان اپنی کمپنی  بینگ ہیومن ای سائیکل کی ایک برقی سائیکل پر سوار ہوکر اس کی ٹیسٹنگ کر رہے تھے جس کا منظر ان کے کئی مداحوں نے اپنے کیمرے کی آنکھ میں محفوظ کرلیا۔ 
image

بین الاقوامی شہرت یافتہ پاکستانی اداکارہ ماہرہ خان نے ایشیا کی پرکشش خواتین میں  اپنا نام شامل ہونے پر مداحوں کا منفرد انداز میں شکریہ ادا کر دیا ۔ تین روز قبل برطانوی جریدے ایسٹرن آئی نے ایشیا کی 50 پرکشش خواتین کی فہرست جاری کی تھی، جس میں پریانکا چوپڑا، دپیکا پڈوکون اور عالیہ بھٹ کے ساتھ پاکستان کی خوبرو اداکارہ ماہرہ خان کا نام بھی شامل تھا۔ ماہرہ خان نے فہرست میں بھارتی فلم انڈسٹری کی ایشوریا رائے، کترینہ کیف اور انوشکا شرما کو پیچھے چھوڑتے ہوئے پانچویں پوزیشن حاصل کی تھی۔ ماہرہ خان نے سماجی رابطے کی ویب سائٹ پر ووٹ دینے والے تمام افراد کا شکریہ ادا کرتے ہوئے کہا کہ  اس وقت مجھے بہت اچھا محسوس ہورہا ہے، میرا نام اس فہرست میں تیسری بار شامل ہوا ،  میرے لیے خوبصورت اور پرکشش ہونے کا مطلب یہ ہے کہ آپ قدرت کی جانب سے دیئے جانے والے رنگ پر اطمینان کا اظہار کریں۔ ماہرہ خان نے اپنی ایک خوبصورت تصویر اور وڈیو شیئر کی ہے جس میں وہ ایک فوٹو شوٹ کے دوران نہایت خوبصورت نظر آرہی ہیں، جب کہ انہوں نے لوگوں سے درخواست کی ہے کہ اس وڈیو کو آخر تک دیکھیں۔ 
image

 پاکستانی اداکارہ نادیہ خان نے کہا ہے کہ 17سال پہلے کے مقابلے میں اب زیادہ باشعور ہوں۔ایک انٹرویو میںانہوں  نے بتایا کہ میں سترہ سال کے طویل وقفے کے بعد ٹی وی پر واپسی کررہی ہوں ،اس عرصے کے دوران میں زیادہ باشعور ہوچکی ہوں۔انہوںنے کہا کہ اب آپ وہ پرانی مارننگ شو والی نادیہ کو نہیں دیکھ سکیں گے۔ ایک ڈرامے میں اپنے کردار کے بارے میں بات کرتے ہوئے انہوںنے کہا کہ ماہم کے کردارکو اپنے شوہر سے اتنی زیادہ محبت ہے کہ وہ یہ سمجھنے سے قاصر ہوتی ہے کہ اس کا کس طرح استحصال کیا جارہا ہے۔نادیہ خان کے مطابق اس ڈراما سیریل میں جسمانی تشدد کو نہیں دکھایا گیا بلکہ اس میں اس بات پر توجہ دی گئی ہے کہ کس طرح شوہر جذباتی طور پر خواتین کا استحصال کرتے ہیں اور انہیں عجیب و غریب کام کرنے پر مجبور کرتے ہیں۔انہوں نے کہا کہ فہیم برنی اس ڈرامے کی ہدایات خود دے رہے ہیں ورنہ عام طور پر ان کے پاس ڈائریکٹرز کی ٹیم اس کام کیلئے ہوتی ہے ،یہی وجہ ہے کہ میں اس میں کام کی پیشکش مسترد نہیں کرسکی۔وہ لوگوں کے ذہنوں میں موجود اپنی شخصیت کے تاثر کو بدلنا چاہتی ہیں اور وہ اس موقع کو بہت سنجیدگی سے لے رہی ہیں۔انہوں نے کہا جب آپ واپس آتے ہیں، تو یہ ضروری ہوتا ہے کہ کچھ ایسا کیا جائے جو پہلے نہ کیا ہو، اس سے آپ کے کام کی اہمیت میں اضافہ ہوتا ہے۔
image

بالی وڈ کی نامور اداکارہ کرینہ کپور نے بیٹے تیمور کو وقت دینے کے لئے  بالی وڈ سے طویل وقفہ لینے کا فیصلہ کرلیا۔ ایک انٹرویو میں بالی وڈ کو متعدد بلاک بسٹر فلمیں دینے والی بیبو کا کہنا تھا کہ وہ آج کل فلم ویر دی ویڈنگ کی شوٹنگ مکمل ہونے کے بعد اب تشہیر میں مصروف ہیں اور ساتھ ہی مسلسل مختلف اشتہارات میں بھی کام کر رہی ہیں جس وجہ سے وہ اپنے بیٹے تیمور علی خان کو بالکل بھی وقت نہیں دے پارہیں۔کرینہ نے کہا کہ ان کو اس بات کا بالکل بھی اندازہ نہیں تھا کہ تیمور کی پیدائش کے بعد اتنا مصروف رہنا پڑیگا جبکہ اب میرے چاہنے والوں کو طویل انتظار کرنا پڑے گا کیوں کہ وہ تیمور کی پیدائش کے بعد اتنی جلدی زیادہ اور مسلسل کام نہیں کر سکتیں اور وہ زیادہ وقت اپنے بیٹے کے ساتھ گزارنا چاہتی ہیں۔
image

عوامی سروے

سوال: فاٹا اصلاحات بل حکومت کو منظورکرلینا چاہیئے؟