سابق وفاقی وزیر داخلہ چودھری نثار  کا پارٹی کے قائم مقام صدر کے چنائو پر پارٹی پالیسی سے اختلاف سامنے آیا ہے کہ قائم مقام صدر کے چنائو پر باہمی مشاورت سے پہلے ہی میڈیا کو کو فیصلے سے آگاہ کیا گیا جو جمہوری قدروں کے خلاف اور ذاتی خواہشات کی غمازی کرتی ہے۔ ذرائع کے مطابق چودھری نثار نے  اعتراض اٹھایا ہے کہ یہ آخر کون سا طریقہ ہے کہ پارٹی کے قائم مقام صدر کے چنائو جیسے اہم فیصلے پر باہمی مشاورت سے پہلے ہی میڈیا کو آگاہ کیا جائے۔ دراصل یہ امر اس بات کو تقویت دیتی ہے کہ فیصلہ پہلے ہی کیا گیا تھا مجلس عاملہ کو صرف توثیق کیلئے بلایا گیا۔ ذرائع نے بتایا کہ صرف چودھری  نثار  اور دیگر کئی رہنما بھی اس بات پر ناراض ہیں کہ اس اہم نوعیت کے فیصلے پر ہم سے مشاورت ہی نہیں کی گئی اور سب کچھ میڈیا کے سامنے رکھ دیا گیا جو غیر مناسب اور ناپسندیدہ رویہ ہے ۔

امریکہ کی جانب سے کشمیری عسکری تنظیم حزب المجاہدین کو دہشتگردی میں ملوث دنیا کی تنظیمات میں شامل کرنے کیخلاف آر پار کشمیری عوام نے امریکہ کے اس اقدام کیخلاف شدید احتجاج کیا، دارالحکومت مظفرآباد کے برہان مظفر وانی چوک شہریوں نے شدید احتجاج کیا،مظاہرہ میں متحدہ جہاد کونسل کے سیکرٹری جنرل شیخ جمیل الرحمان، نائب امیر جماعت اسلامی آزادکشمیر شیخ عقیل الرحمان، پاسبان حریت جموں کشمیر کے چیئرمین عزیر احمد غزالی،حزب المجاہدین کے کمانڈر محمد اصغر رسول، انٹرنیشنل فورم فار جسٹس اینڈ ہیومن رائٹس جموں کشمیر کے وائس چیئرمین مشتاق الاسلام، غلام اللہ آزاد،سماجی رہنما بشارت نوری، حامد جمیل، حمزہ شاہین، مقصود کیانی سمیت سیاسی،سماجی، مذہبی شخصیات کے علاوہ سینکڑوں افراد نے شرکت کی ۔ مہاجرین و انصار کی کثیر تعداد نے بھارت اور امریکہ کے گٹھ جوڑ کی شدید الفاظ میں مذمت کی اس موقع پر خطاب کرتے ہوئے شیخ جمیل الرحمان نے کہا کہ متحدہ جہاد کونسل امریکہ کی جانب سے سید صلاح الدین احمد اور حزب المجاہدین پر لگائی جانیوالی پابندیوں کو مسترد کرتی ہے۔اس موقع پر خطاب کرتے ہوئے شیخ عقیل الرحمان نے کہا کہ بھارت سات لاکھ فوج کے ذریعے کشمیری عوام پر ظلم و جبر کے پہاڑ تو ڑ رہا ہے پورا یورپ اور امریکہ خاموش تماشائی بنا ہوا ہے۔ان کا کہنا تھا کہ بھارت خطہ کے اندر جنگی ماحول کو ہوا دے رہا ہے۔ چائنہ کیساتھ اگر بھارت کی جنگ ہوتی ہے تو پاکستان کو بھی بھارت پر حملہ کردینا چاہےاور کشمیر کی آزادی کیلئے راستہ ہموار کرنا چاہے۔ اس موقع پر عزیر احمد غزالی نے کہا کہ بھارت غاصب اور جارح ملک ہے ، جموں کشمیر میں کشمیری قوم بھارت سے آزادی کیلئے سیاسی سفارتی جدوجہد کررہے ہیں لیکن عالمی برادری اپنے دعووں کے باوجود کشمیریوں کو حق خودارادیت دلوانے میں ناکام ہوئی۔ حزب المجاہدین مقامی عسکری تنظیم ہے کشمیر میں بھارتی فوج کے خلاف جنگ لڑنے والے مجاہدین کا کوئی عالمی ایجنڈا نہیں نہ وہ کسی ملک ،مذہب، قوم کیخلاف نہ کوئی ان کا عالمی ایجنڈاہے۔اس موقع پر محمد اصغر رسول نے کہا کہ حزب المجاہدین ہزاروں شہدائ کی امین تنظیم ہے جسے پوری کشمیری قوم کی تائید و حمایت حاصل ہے۔ ہزاروں نوجوان حزب المجاہدین کے پرچم تلے بھارت کی قابض افواج کیخلاف لڑنے کیلئے بے تاب ہیں۔ ہماری جنگ بھارت ظلم و جبر کیخلاف اور بھارتی قبضہ کیخلاف ہے۔ امریکہ بہادر کی حزب المجاہدین پر پابندی حق و انصاف کا قتل جسے پوری کشمیری قوم اور مجاہدین مسترد کرتے ہیں۔ اس موقع پر مشتاق الاسلام نے کہا کہ کل جماعتی حریت کانفرنس کے قائدین و کارکنان کیخلاف بھارت نے ایک بڑا کریک ڈائون شروع کر کے اپنی نام نہاد جمہوریت کا پول کھول دیا ہے، امریکہ کو چاہےے تھا کہ وہ بھارتی افواج کی جانب سے انسانی حقوق کی پامالیوں کا نوٹس لیتا اور بھارتی فوج کو دہشتگرد قرار دلواتا لیکن اپنے حق کیلئے لڑنے والوں کیخلاف امریکی اقدام قابل افسوس ہے۔ مقررین کا کہنا تھا کہ امریکہ نے بھارت کا ساتھ دیا تو وہ یاد رکھے ہندوستان ٹکڑے ٹکڑے ضرور ہوگا مگر امریکہ بھی اپنی جگہ پر قائم نہیں رہ سکے گا۔ انہوںنے اس موقع پر مزید کہا کہ کشمیرکے عوام بھارت سے آزادی ہر قیمت پر حاصل کرینگے ہم سید صلاح الدین کے سپاہی ہیں اور حزب المجاہدین کے شانہ بشانہ بھارت کے مکروہ عزائم کو خاک میں ملانے کیلئے کسی بھی قربانی سے دریغ نہیں کرینگے۔ مظاہرین نے برہان مظفروانی شہید چوک سے گھڑی پن تک ریلی بھی نکالی جس میں انہوں نے بھارت اور امریکہ مخالف شدید نعرے بازی کی اور امریکہ کی جانب سے پابندی کو نامنظور نامنظور قرا ر دیا فلک شگاف نعروں سے فضا گونج اٹھی۔

ترجمان دفتر خارجہ نفیس زکریا نے کہا ہے کہ امریکہ کی جانب سے حزب المجاہدین کو دہشت گرد تنظیم قرار دینا مایوس کن ہے، آزادی کی تحریک کے لئے کام کرنے والی تنظیموں کو دہشت گرد قرار دینا درست نہیں ہے، کشمیریوں کی حق خود ارادیت کے لئے جائز جدوجہد گزشتہ سے70 برس سے جاری ہے، بھارت نہتے کشمیریوں پر بدترین مظالم کے ذریعے تحریک آ زادی کو کچل نہیں سکا ، بھارتی وزیراعظم کا کشمیر کے حوالے سے بیان پاکستان کے موقف کی تائید ہے کہ کشمیر کا حل کشمیریوں پر تشدد اور مظالم سے نہیں ہوگا بلکہ یہ پرامن طور پر اقوام متحدہ کی قراردادوں کے تحت شفاف استصواب رائے سے ممکن ہے، وزیر خارجہ خواجہ آصف جلد امریکہ کا دورہ کریں گے ، بھارت پاکستان میں دہشت گردی اور تخریب کاری میں ملوث ہے، کل بھوشن یادیں نے اپنے اعترافی بیان میں بھارت کے بلوچستان لبریشن آرمی سے روابط کا اعتراف کیا ہے، بھارت کھل کر سی پیک کی مخالفت کر رہا ہے، پاک فوج اور دیگر قانون نافذ کرنے والے اداروں کی دہشت گردی خلاف جنگ میں قربانیوں پر خراج تحسین پیش کرتے ہیں۔ ترجمان دفتر خارجہ نفیس زکریا کا ہفتہ وار بریفنگ دیتے ہوئے  کہا کہ ہم کوئٹہ دھماکے کی سخت مذمت کرتے ہیں، پاک فوج اور دیگر قانون نافذ کرنے والے اداروں کی دہشت گردی خلاف جنگ میں قربانیوں پر خراج تحسین پیش کرتے ہیں ، گزشتہ 5 دنوں میں بھارت نے مقبوضہ کشمیر میں چھ معصوم کشمیریوں کو شہید کیا ۔50 سے زائد کشمیری نوجوانوں کو زخمی کیا گیا، حریت قیادت کو پابند سلاسل رکھا گیا ہے اور ان کی جانوں کو شدید خطرہ ہے ، مقبوضہ کشمیر میں جشن آ زادی کے دوران پاکستان کا جھنڈا لہرانے پر تشدد کیا گیا، سیکر ٹری خارجہ تہمینہ جنجوعہ  کے دورہ افغانستان کے دوران  بارڈر مینجمنٹ ، سیاسی، عوام رابطوں، افغان مہاجرین کی واپسی،  تجارت اور دیگر پاک افغان امور پر تبادلہ خیال کیا گیا، افغانستان اور پاکستان نے مل کر دہشت گردی کے  چیلنج سے نمٹنے پر اتفاق کیا ۔  انہوں نے کہا کہ امریکی سیکرٹری آف سٹیٹ کے بیان اور اقلیتوں کو مذہبی آزادی حاصل نہ ہونے کی رپورٹ میں بھارت کا بھرپور ذکر ہے، امریکہ نے انسداد دہشت گردی کی کوششوں میں ہمیشہ پاکستان کی قربانیوں کو سراہا ہے ، امریکہ کے ساتھ چھ مختلف ورکنگ گروپ موجود ہیں جو مختلف شعبوں میں تعاون کے فروغ کے لئے کام کر رہے ہیں۔ ابھی تک اقلیتوں کے حوالے سے امریکی رپورٹ ایک میڈیا رپورٹ ہی ہے۔ یہ رپورٹ مختلف ممالک میں مذہبی آزادی کی عکاسی کر رہی ہے۔ وزیر خارجہ خواجہ آصف جلد امریکہ کا دورہ کریں گے ، ہمیں فخر ہے کہ ہم نے واہگہ میں بلند تر پرچم لہرایا، حقیقت یہی ہے کہ ہم بھارت کے ہمسائے ہیں، خطے کی سلامتی کو یقینی بنانے کے لیے ہمیں اپنے مسائل کو ختم کرنا ہو گا ، بھارت کی پاکستان میں را کے ذریعے تخریبی کارروائیوں ، دہشت گردوں کی مالی امداد اور افغان سرزمین کو پاکستان کے خلاف استعمال کرنے کو ہر فورم پر اٹھایا ہے، ہندو دہشتگرد تنظیمیں بھارت میں مقیم اقلیتوں کے ساتھ دہشتگردانہ کارروائیوں میں ملوث ہیں ، بھارت پاکستان کے خلاف افغانستان کی سرزمین بھی استعمال کرتا ہے ، اتحادی سپورٹ فنڈ امریکی امداد نہیں بلکہ امریکہ کی جانب سے انسداد دہشت گردی کی جنگ کے اخراجات کی ادائیگیاں ہیں، کرنل ریٹائرڈ حبیب ظاہر کے معاملے پر بھارت کی جانب سے مثبت جواب موصول نہیں ہوا، کرنل ریٹائرڈ حیبب ظاہر کے معاملے پر پاکستانی حکومت ہر ممکن کوشش کر رہی ہے ۔ 

وزیراعظم شاہد خاقان عباسی کی طرف سے مشیروں اور معاونین خصوصی کو قلمدان سونپ دیئے گئے، انجینئر امیر مقام سیاسی امور پر،عرفان صدیقی قومی تاریخ اور ادبی ورثہ پر، جام معشوق علی ارسا سے متعلق امور پر جبکہ سردار مہتاب احمد خان ہوا بازی کے بارے میں وزیراعظم کے مشیر ہوں گے، تمام مشیروں کے عہدے وفاقی وزیر کے برابر ہوں گے۔ تفصیلات کے مطابق وزیراعظم شاہد خاقان عباسی کی طرف سے مشیروں کو قلمدان سونپ دیئے گئے، انجینئر امیر مقام سیاسی امور پر وزیراعظم کے مشیر ہوں گے، ان کا عہدہ وفاقی وزیر کے برابر ہو گا، عرفان صدیقی قومی تاریخ اور ادبی ورثہ کے بارے میں مشیر ہوں گے، عرفان صدیقی کا عہدہ بھی وفاقی وزیر کے برابر ہو گا، جام معشوق علی ارسا سے متعلق امور پر وزیراعظم کے مشیر ہوں گے، سردار مہتاب احمدخان ہوا بازی کے بارے میں وزیراعظم کے مشیر ہوں گے، جام معشوق علی اور سردار مہتاب احمد کا عہدہ بھی وفاقی وزیر کے برابر ہو گا۔ وزیراعظم کی جانب سے معاونین خصوصی کو بھی قلمدان سونپ دیئے گئے۔ ڈاکٹر آصف کرمانی سیاسی امور پر، مفتاح اسماعیل اقتصادی امور پر، مصدق ملک میڈیا سے متعلق امور پر ،بیرسٹر ظفر اللہ خان قانون کے بارے میں، خواجہ ظہیر احمد ادارہ جاتی اصلاحات پر وزیراعظم کے معاون خصوصی ہوں گے۔ تمام معاونین خصوصی کا عہدہ وزیر مملکت کے برابر ہو گا۔

    جسٹس نعمت اللہ پھلپھوٹوکی سربراہی میں سندھ ہائی کورٹ کے بنچ نے فوجی عدالتوں سے سزائے پانے والے دہشت گردوں کی اپیلوں کی سماعت سے معذرت کرلی، تفصیلات کے مطابق جسٹس نعمت اللہ پھلپھوٹوکی سربراہی میں سندھ ہائی کورٹ کے بنچ نے سانحہ صفورا اوردیگرالزامات میں فوجی عدالتوں کی سزائے موت پانے والے دہشت گردوں کی اپیلوں کی سماعت ہوئی، سماعت کے دوران درخواست گزارنے موقف اختیارکیا کہ درخواست گزاروں کوفوجی عدالت نے مختلف الزامات میں موت کی سزا سنائی ہے، مجرمان کے اہلِ خانہ کومقدمات کی تفصیلات نہیں بتائی جارہی، اہلِ خانہ کی ملاقات کرائی جائے اورسزا پرعمل درآمد روکا جائے جبکہ سپریم کورٹ کے فیصلوں کی روشنی میں مجرمان کی اپیل دائر کرنے کا موقع دیا جائے،جسٹس نعمت اللہ پھلپھوٹوکی سربراہی میں بنچ نے دہشت گردوں کی سزا کے خلاف اپیلوں کی سماعت سے معذرت کرتے ہوئے نئے بینچ کی تشکیل کے لیے کیس دوبارہ چیف جسٹس کو بھجوادیا۔

 وزیراعظم شاہد خاقان عباسی نے کہا ہے کہ پاکستان امریکہ کو اہم شراکت دار سمجھتا ہےٴ امریکہ کے ساتھ موجودہ تعلقات کو مزید مستحکم کرنے کے خواہاں ہیں۔ امریکی سفیر ڈیوڈ  ہیل سے ملاقات کے دوران گفتگو کررہے تھے۔  ملاقات میں پاکستان امریکہ تعلقات پر تبادلہ خیال کیا گیا۔ وزیراعظم نے کہا کہ پاکستان امریکہ کو اہم شراکت دار سمجھتا ہے۔ امریکہ  کے ساتھ موجودہ تعلقات کو مزید مستحکم کرنے کے خواہاں ہیں۔ امریکی سفیر نے وزیراعظم کی ذمہ داریاں سنبھالنے پر شاہد خاقان عباسی کو مبارکباد دی۔  امریکی سفیر نے دو طرفہ تعاون  کو مزید فروغ دینے کی خواہش کا اظہار کیا۔ علاوہ ازیں وزیراعظم نے جنوبی ارکان اسمبلی کے ایک وفد سے ملاقات کی اور کہا کہ ارکان قومی اسمبلی عوامی مسائل کے حل کے لئے کسی بھی وقت رابطہ کرسکتے ہیں، حکومت جنوبی پنجاب کی ترقی کے لئے پرعزم ہےٴ جنوبی پنجاب میں بجلی ٴ گیس اور دیگر منصوبوں کے لےئ فنڈز جاری کرنے کی ہدایت کی ہے۔ وزیراعظم شاہد خاقان عباسی سے وفاقی وزرائ اور جنوبی  پنجاب سے تعلق  رکھنے والے  ارکان قومی اسمبلی   کے ایک  وفد نے ملاقات کی۔ ارکان اسمبلی نے وزیراعظم کو اپنے علاقوں میں ترقیاتی منصوبوں پر بریف کیا۔ اس موقع پر وزیراعظم نے کہا کہ ارکان اسمبلی عوامی مسائل حل کرنے کے لئے تندہی سے کام کریں۔ حکومت جنوبی پنجاب کی ترقی کے لئے پرعزم ہے۔  جنوبی پنجاب میں بجلی ٴ گیس اور دیگر منصوبوں کے لئے فنڈز جاری کرنے کی ہدایت کی ہے۔ انہوں نے کہا کہ ترقیاتی منصوبوں کی نگرانی ذاتی طور پر کروں گا۔  ارکان قومی اسمبلی عوامی مسائل   کے حل کے لئے کسی بھی وقت رابطہ کرسکتے ہیں۔ ملاقات کرنے والوں میں ریاض پیرزادہٴ ارشد خان لغاریٴ مخدوم سید علی گیلانیٴ محمد اصغرٴ طاہر بشیر چیمہٴ فیاض الدینٴ مخدوم خسرو بختیارٴ میاں امتیازٴ مائزہ حمیدٴ صبیحہ نذیرشامل ہیں جبکہ  پارلیمانی امور کے  وزیر شیخ آفتاب  نے بھی وزیراعظم سے ملاقات  کی ۔علاوہ ازیں  وزیراعظم شاہد خاقان  نے وزیر اعلی بلوچستان  سردار ثنائ اللہ زہری سے ملاقات کی اورکہا  کہ بلوچستان کو رقبے کے لحاظ سے پاکستان کا سب سے بڑا صوبہ ہونے کی بنا پر ہماری حکومت نے اولین ترجیح دے رکھی ہے  جس کا واضح اظہار گوادر بندر گاہ، سڑکوں کے جال اور سماجی و اقتصادی سکیموں سمیت بلوچستان کے لئے سی پیک منصوبہ جات سے ہوتا ہے۔ وزیرا عظم نے کہاکہ حکومت نے صوبے میں امن و امان کی بہتری پر توجہ دی ہے جس کے ثمرات تیز تر ترقی کی شکل میں ملے ہیں ۔ انہوں نے کہاکہ بلوچستان کے عوام کی ترقی ان کے دل کے بہت قریب ہے  اور بلوچستان کو دیگر وفاقی اکائیوں کے برابر لانے کے لئے تمام تر وسائل بروئے کار لائے جائیں گے۔ وہ ترقیاتی منصوبوں اور امن وامان کی صورتحال کے جائزہ کے لئے آئندہ چند روز میں بلوچستان کا دورہ کریں گے۔ وزیراعلیٰ بلوچستان نے وزیراعظم کو منصب سنبھالنے پر مبارکباد دیتے ہوئے حکومت کے ترقیاتی ایجنڈے کو آگے بڑھانے کے لئے بھرپور حمایت کی یقین دہانی کرائی۔

مسلم لیگ ن کی مرکزی مجلس عاملہ کا اجلاس پنجاب ہا ئوس اسلام آباد میں ہوا جس کے دوران پارٹی کے قائم مقام صدر کا انتخاب عمل میں لایا گیا،ذرائع کے مطابق مسلم لیگ ن کے چیرمین راجا ظفرالحق نے قائم مقام صدر کے لئے سردار یعقوب ناصر کا نام پیش کیا جس کی متفقہ طور پر منظوری دے دی گئی،ذرائع کا کہنا ہے کہ مسلم لیگ ن کی مرکزی مجلس عاملہ کے اجلاس میں سابق صدرن لیگ نواز شریف اور پنجاب کے صدر شہباز شریف موجود نہیں تھے، اس سے قبل سابق وزیراعظم اور پارٹی کے سابق صدر نواز شریف نے سردار یعقوب ناصر کو قائم مقام صدر بنانے کے لئے گرین سگنل دیا تھا ، سردار یعقوب ناصر نے 2013 کے انتخابات میں مسلم لیگ کے ٹکٹ پر بلوچستان سے انتخاب لڑا لیکن انہیں شکست کا سامنا کرنا پڑا جس کے بعد 2015 میں انہیں مسلم لیگ ن کی جانب سے سینیٹر بنایا گیا

 کراچی میں ناردرن بائی پاس پر فائرنگ سے ایک پولیس رضا کار جاں بحق اور دوسرا زخمی ہوگیا،ایس ایس پی ملیر رائوانوار کے مطابق دونوں پولیس رضا کار اپنی ڈیوٹی ختم کرکے واپس جارہے تھے کہ انہیں سپر ہائی وے پر ناردرن بائی پاس کے قریب فائرنگ کا نشانہ بنایا گیا،رائو انوار نے بتایا کہ نامعلوم مسلح ملزمان کی فائرنگ سے دونوں رضا کار شدید زخمی ہوئے جنہیں گلشن اقبال کے ہسپتال منتقل کیا گیا جہاں ایک رضا کار زخموں کی تاب نہ لاتے ہوئے دم توڑ گیا۔

انسداد منشیات فورس کی جانب سے حنیف عباسی کیخلاف منشیات کیس کی مزید انکوائری کیلیے نوٹس جاری کیا گیا ہے، جس میںمسلم لیگ ن کے رہنما  حنیف عباسی اور ان کے اہل خانہ کو اپنے تمام بینک اکا¶نٹس اور اثاثوں کی تفصیلات فراہم کرنے کی ہدایت کی گئی ہے، نوٹس میں کہا گیا ہے کہ حنیف عباسی، اپنی اہلیہ دو بیٹیوں، بیٹے اور بھائی کے نام اثاثوں کی تفیصلات جمع کرائیں، مذکورہ تمام افراد بغیراجازت کسی اور شخص کو رقم کی منتقلی نہ کریں، اے این ایف نے حنیف عباسی اور ان کے اہل خانہ سے بینک ٹرانزیکشنز، قرضوں، سرمایہ کاری، انشورنش کمپنیوں کو ادائیگیوں یا پریمیم سے متعلق بھی معلومات طلب کی ہیں، نوٹس کے مطابق ایک لاکھ سے زائد بینک ٹرانزیکشنز، چیکس، بینک ڈرافٹ، ٹرانسفر لیٹر، ڈپازٹ سلپ، بینک چیک بک سیریل نمبر سے متعلق بھی آگاہ کیا جائے، حنیف عباسی اور اس کے اہلخانہ سے فاران ریمیٹنس کی معلومات بھی مانگی گئی ہیں۔

سابق وزیراعظم میاں نواز شریف کی اہلیہ اور این اے 120کے ضمنی الیکشن میں ن لیگ کی امیدوار بیگم کلثوم نواز اچانک لندن چلی گئیں بتایاگیا ہے کہ بیگم کلثوم پی آئی اے کی پرواز 757 کے ذریعے علامہ اقبال انٹرنیشنل ائیرپورٹ سے لندن کیلئے روانہ ہو ئیں اس حوالے سے شریف فیملی کے ذرائع کا کہنا ہے کہ سابق وزیراعظم کی اہلیہ بیگم کلثوم نواز اپنے طے شدہ شیڈول کے مطابق لندن میں اپنے طبی معائنے کیلئے گئی ہیں اور ان کی لندن روانگی کا شیڈول پہلے سے طے شدہ تھا جبکہ بتایاگیا ہے کہ بیگم کلثوم نواز لندن میں 38 روز تک قیام کریں گی اور ان کی واپسی 23 ستمبر کو ہوگی واضح رہے کہ بیگم کلثوم نواز این اے 120 کے ضمنی الیکشن میں ن لیگ کی امیدوار ہیں جبکہ الیکشن کمیشن نے حلقے میں الیکشن کا شیڈول 17 ستمبر کو جاری کررکھا ہے دوسری جانب این اے 120 میں کاغذات نامزدگی کی جانچ پڑتال کیلئے الیکشن کمیشن نے بیگم کلثوم نواز کو  طلب کر رکھا تھا لیکن بیگم کلثوم نواز لندن روانگی کے باعث الیکشن کمیشن میں حاضر نہ ہو سکیں اور ان کی جانب سے ن لیگی رہنما آصف کرمانی سمیت دیگر رہنما ریٹرنگ آفیسر کے سامنے پیش ہوئے واضح رہے کہ الیکشن کمیشن کے رولز کے تحت الیکشن میں حصہ لینے والے کسی بھی امیدوار کیلئے کاغذات نامزدگی کی جانچ پڑتال کیلئے پیش ہونا ضروری نہیں امیدوار اپنی طرف سے کسی کو بھی اتھارٹی لیٹر دیکر کاغذات نامزدگی کے عمل کو پورا کروا سکتا ہے ۔

نیب نے محکمہ تعلیم میں غیر قانونی بھرتیوں سے متعلق کیس میں سابق وزیر تعلیم پیر مظہر الحق کو کلین چٹ دے دی، نجی ٹی وی کے  مطابق سندھ ہائی کورٹ میں محکمہ تعلیم میں غیر قانونی بھرتیوں سے متعلق ملزمان کی ضمانت اور نیب انکوائری کے خلاف درخواستوں کی سماعت ہوئی جس  میں سابق وزیر تعلیم سندھ پیر مظہرالحق اور دیگر عدالت میں پیش ہوئے۔قومی احتساب بیورو نیب نے محکمہ تعلیم میں 30 ہزار سے زائد جعلی بھرتیوں کی انکوائری سے عدالت کو آگاہ کرتے ہوئے بتایا کہ کیس کی تحقیقات مکمل ہوچکی ہیں اور مزید تحقیقات کی ضرورت نہیں۔نیب حکام نے عدالت کو آگاہ کیا کہ جعلی بھرتیوں کے کیس میں پیر مظہر الحق سمیت دیگر ملزمان کے خلاف شواہد نہیں ملے جس بنا پر اس کیس کو ختم کردیا گیا ہے،واضح رہے کہ پیر مظہر الحق پیپلزپارٹی کے سابقہ دور حکومت میں وزیر تعلیم رہ چکے ہیں اور ان پر محکمہ تعلیم میں ہزاروں جعلی بھرتیوں کا الزام تھا۔

 پاناما کیس ،نیب راولپنڈی کی جانب سے سابق وزیر اعظم نواز شریف، ان کے بیٹے حسن اور حسین کو طلبی کا نوٹس جاری کیا گیا ہے، نجی ٹی وی کے مطابق نیب کی جانب سے نوٹس میں نواز شریف اور بچوں کو 18اگست کو نیب لاہور میں پیش ہونے کا حکم دیا گیا ہے، نیب راولپنڈی کی ٹیم تحقیقات کیلیے لاہور جائے گی، نواز شریف اور بچوں کو عزیزیہ اسٹیل مل کیس میں طلب کیا گیا ہے، نیب کی ٹیم عزیزیہ اسٹل مل کیس میں بیان ریکارڈ کرے گی، نیب راولپنڈی کی ٹیم نواز شریف سے پوچھ گچھ کرے گی، ذرائع کے مطابق نیب اسحاق ڈار کا معاملہ23اگست کو دیکھے گی۔ ۔

نجی ٹی وی کے پروگرا م  میں گفتگو کرتے ہوئے خواجہ آصف کا کہنا ہے کہ سیاست ممکنات کا کھیل ہے ، سیاست نا ممکنات کا نام نہیں ، ممکنات کا نام ہے، جس میں دروازے کبھی بند نہیں ہوتے، آصف زرداری نے بھی ممکنات کی سیات کی۔ ان کا یہ بھی کہنا تھا کہ وہ دونوں جماعتوں کے قائدین میں رابطے کرا سکتے ہیں، نواز شریف نے کہا تو وہ ضرور کردار ادا کر یں گے، انہوں نے کہا کہ بھارت کے ساتھ تعلقات میں بریک تھرو کا کوئی امکان نہیں ، جب گھر میں استحکام نہ ہو تو فائدہ گھر کے دشمنوں کو ہی ہوتا ہے،  ان کا کہنا تھا کہ امریکہ کے ساتھ دوستی اختلافات کی تاریخ ہے، رواں ماہ واشنگٹن کا دورہ کروں گا، اگلے ہفتے امریکہ کے سرکاری دورے پر جائونگا ،  اینکر کی جانب سے سوال کیا گیا کہ کیا آپ کا ابھی بھی آصف زرداری سے رابطہ ہے، جس پر خواجہ آصف ہنس کر ٹال گئے۔   کشمیریوں کی جدوجہد آزادی کو پس پشت ڈال کر بھارت کے ساتھ تعلقات استوار نہیں کئے جا سکتے، نئی دہلی مقبوضہ کشمیر میں مسلمانوں کے خون سے ہولی کھیل رہا ہے اور توقع کر رہا ہے کہ پاکستان کے ساتھ تعلقات بہتر ہو جائیں گے مگر موجودہ حالات میں پاک بھارت تعلقات میں برف نہیں پگھل سکتی ۔   ۔

 وفاقی وزیرداخلہ امن وامان  سے متعلق صورت حال پر اجلاس منعقد ہوا، اجلاس میں ڈی جی رینجرز اور وزارت داخلہ کے اعلیٰ حکام نے شرکت کی، اجلاس سے خطاب کرتے ہوئے احسن اقبال نے کہا کہ کراچی ملکی معاشی ترقی کیلئے ریڑھ کی ہڈی کی حیثیت رکھتا ہے ، کسی کو بھی کراچی کا امن خراب کرنے کی اجازت نہیں دیں گےان کا کہنا تھا کہ ملک دشمن عناصر سے کسی قسم کی نرمی نہیں برتی جائے گی، وزیرداخلہ نے کراچی میں قیام امن کے لئے رینجرز کی خدمات کو سراہا انہوں نے کہا کہ  رینجرز کی کاوشوں سے شہر میں جرائم کی شرح میں کمی آئی ہے۔  

 امیر جماعت اسلامی پاکستان سینیٹر سراج الحق نے کہا ہے کہ نوازشریف نے نااہلی کے بعد بھی درست راستہ اختیار نہیں کیا ،وہ غرور اور تکبر کے گھوڑے  پر سوار ہو گئے ہیں، اگر باسٹھ ،تریسٹھ کو آئین سے نکالنا ہے تو پھر جیلوں کے دروازے کھول دیں اور چوروں لٹیروں کو رہا کر دیں تاکہ سارے چور لفنگے حکومت کر سکیں ، پارلیمنٹ میں کرپشن کو تحفظ دینے کے لیے نہیں ، کرپشن اور کرپٹ سسٹم ختم کرنے کے لیے ڈائیلاگ ہونے چاہئیں، آئین کو فرد واحد کے مفادات کے لیے تبدیل نہیں کیا جاسکتا ،  آئین کو اپنا تابع بنانے کی بجائے آئین کے تابع ہونے کی ضرورت ہے ،  آئین سے کھلواڑ کیا گیا تو قوم کا شیرازہ بکھر سکتا ہے اور صوبوں کو وفاق کے تحت رکھنا مشکل ہوجائے گا ، آئین توڑنے کی باتیں کرنے والے قومی وحدت کو پارہ پارہ کر نے پر تلے ہوئے ہیں اس سے انتشار پھیلنے کے علاوہ کچھ ہاتھ نہیں آئے گا  ۔ منصورہ میں مختلف وفود سے ملاقات کے موقع پر گفتگو کرتے ہوئے سینیٹر سراج الحق نے کہا کہ نوازشریف نے اپنی نااہلی کے بعد توبہ کا راستہ اختیار کرنے اور اللہ سے معافی مانگنے کی بجائے آئین توڑنے کی باتیں شروع کردی ہیں حالانکہ انہیں قوم سے معافی مانگنی چاہیے تھی،انہوں نے کہا کہ صرف مالی نہیں معاشی ، اخلاقی اور نظریاتی کرپشن بڑی بیماریاں ہیں اور جب حکمران ان بیماریوں کا شکار ہوتے ہیں تو وہ قومی عزت و وقار کا سودا کرنے سے بھی باز نہیں آتے ، آج ملک کو اس کی نظریاتی شناخت سے محروم کرنے کی کوشش کی جارہی ہے لیکن جس قوم نے لاکھوں جانوں کا نذرانہ پیش کر کے کلمہ کی بنیاد پر یہ ملک حاصل کیا تھا ، وہ ایسی کسی سازش کو کامیاب نہیں ہونے دے گی ۔

سابق وزیراعظم یوسف رضا گیلانی نے ملتان میں میڈیا سے گفتگو کرتے ہوئے کہا ہے کہ ہم پاکستان پیپلز پارٹی کی مزید مضبوط بنارہے ہیں ،الیکشن سے قبل پارٹی کا منشور سامنے لے آئیں گے۔ان کا کہنا تھا کہ مانتے ہیں کہ پیپلز پارٹی کا میڈیا سیل اتنا موثر نہیں لیکن ہم اس کو بہتر کرنے کی کوشش کر رہے ہیں۔سابق وزیراعظم کا کہنا تھا کہ ملک کا دفاع مضبوط ہاتھوں میں ہے ،دہشت گردی کےخلاف جنگ میں فوجی جوانوں اور شہریوں نے بے پناہ قربانیاں دی ہیں جس کا اعتراف عالمی طاقتوں کو بھی کرنا چاہیے۔اپنی پارٹی کے دفاع میں سید یوسف رضا گیلانی کا کہنا تھا کہ شہید بےنظیرکے دور میں اہم کارنامہ میزائل ٹیکنالوجی ہے،ہم نے 73کے آئین کو مکمل طورپر بحال کیا، جبکہ غریب طبقے کےلیے بےنظیر انکم سپورٹ پروگرام کا آغاز کیا۔ان کا مزید کہنا تھا کہ اعلی عدلیہ کی بحالی کے لیے پاکستان پیپلز پارٹی کا بہت بڑا حصہ ہے، جبکہ سرکاری ملازمین کی تنخواہوں میں اضافہ بھی کیا گیا۔

 وزیراعظم شاہد خاقان عباسی نے قومی اقتصادی کونسل کی تشکیل نوکر دی، کابینہ ڈویژن نے قومی اقتصادی کونسل کی تشکیل نو کا نوٹی فکیشن جاری کر دیا،قومی اقتصادی کونسل میں چاروں صوبوں کے وزرائ اعلٰی شامل ہیں،بلوچستان سے ڈاکٹر حامد خان اچکزئی اور خیبر پختونخوا سے مظفر سید کو رکن بنا دیا گیا، پنجاب سے ڈاکٹر عائشہ غوث پاشا کو این ای سی میں شامل کر دیا گیا ،وزیر داخلہ احسن اقبال کو بھی این ای سی کا رکن بنا دیا گیا ہے،نوٹیفکیشن کے مطابق قومی اقتصادی کونسل کے چیئرمین وزیر اعظم ہوں گے۔    

  پاکستان عوامی تحریک کے سربراہ ڈاکٹر طاہر القادری نے سانحہ ماڈل ٹائون پر جسٹس باقر نجفی کمیشن رپورٹ منظر عام کرنے کا مطالبہ کرتے ہوئے کہا کہ اس کیس میں آخری حد تک جائیں گے اور شریف برادران کو پھانسی ہو گی۔لاہور میں دھرنے کے شرکا سے خطاب کرتے ہوئے طاہر القادری کا کہنا تھا کہ آج مال روڈ پر بیٹھ کر ثابت کر دیا کہ 17 جون کے شہدا تنہا نہیں،ان لے لواحقین کو نا تو خریدا جا سکتا ہے اور نہ ہی دنیا کی کوئی طاقت انہیں ڈرا سکتی ہے۔انہوں نے کہا کہ پاناما کیس میں چور تو پکڑا گیا مگر 14 بے گناہ انسانوں کے خون سے ہولی کھیلنے والا قاتل ابھی باقی ہے جس کا نام شہباز شریف ہے اور نوازشریف کے پیچھے اصل قوت شہباز شریف کا پنجاب میں اقتدار ہے۔ طاہر القادری کا کہنا تھا کہ نوازشریف کہتے ہیں 70 سال سے تماشا لگا ہوا ہے مگر میں کہتا ہوں کہ نوازشریف صاحب 35 سال سے تو آپ نے تماشا لگا رکھا ہے، 30 سال سے اقتدار کر کے اپنے صرف خاندان کو خوشحالی دی، آپ کہتے ہیں میں ووٹ کا تقدس بحال کرانا چاہتا ہوں مگر پہلے یہ بتائیں پامال کس نے کیا، آپ نے ہی چھانگا مانگا سیاست پاکستان میں متعارف کروائی۔ انہوں نے کہا کہ نوازشریف نے 80 کی دہائی میں ایم پی ایز اور ایم این ایز کی بولیاں لگائیں، صدر سے مل کر بے نظیرکی حکومت ختم کروائی، ابھی نواز شریف پوچھ رہے ہیں کہ مجھے کیوں نکالا اور بعد میں شہباز شریف پوچھیں گے کہ مجھے کیوں نکالا، دنیا کی کوئی طاقت انہیں پھانسی کے پھندے سے نہیں بچا سکتی۔ پاکستان عوامی تحریک کے سربراہ نے کہا کہ انقلاب کا نعرہ لگانے پر نوازشریف کو شرم آنی چاہیے،17جون کو لاشیں گرانے والے کس منہ سے انقلاب کی بات کرتے ہیں،آپ وزیراعظم بن کر اسلام آباد چلے گئے اور کرپشن کے لیے بھائی کو وزیراعلیٰ پنجاب بنا گئے اور اب آئین سے امانت دیانت کی ساری شقیں ختم کرنا چاہتے ہیں جب کہ آپ کا انقلاب نواز شہباز بچاؤ انقلاب ہے مگر نواز شریف ابھی تو انصاف کی پہلی کھڑکی کھلی ہے، دروازہ اور راستہ ابھی کھلنا باقی ہے۔ انہوں نے کہا کہ شہباز شریف کہتے ہیں کہ اشرافیہ نے ملک کو لوٹ لیا ہے، مگر میں کہتا ہوں کہ شہبازشریف صاحب، اشرافیہ تو آپ کا خاندان ہے جس نے ملک کو لوٹا ہے۔ طاہر القادری نے سانحہ ماڈل ٹاؤن پر جسٹس باقر نجفی کمیشن رپورٹ منظر عام پر لانے کا مطالبہ کرتے ہوئے کہا کہ شہباز شریف نے خود کہا تھا کہ باقرنجفی کمیشن رپورٹ میں وزیراعلیٰ  پنجاب کو ذمہ دار قرار دیا گیا تو میں حکومت چھوڑ دوں گا، اگر وہ ذمہ دار نہیں تو رپورٹ کو منظر عام پر کیوں نہیں لاتے۔ انہوں نے کہا کہ عید کے بعد فیصل آباد میں احتجاجی دھرنے ہوں گے جس کے بعد ملتان اور راولپنڈی میں بھی ریلیاں نکالیں گے۔

 ایف آئی اے نے کارروائی کرتے ہوئے حوالہ ہنڈی کے کاروبار میں ملوث2ملزمان کو گرفتار کر لیا ہے،بتایا گیا ہے کہ گرفتار کیے گئے دونوں ملزمان رب نواز اور محمد فاروق پر ہنڈی کا کاروبار کرنے کا الزام ہے ایف آئی اے نے ملزمان کے قبضے سے ریکارڈ سمیت لاکھوں روپے مالیت کی ملکی و غیر ملکی کرنسی قبضہ میں لے کر ملزمان کے خلاف مقدمات درج کر لئے۔  

 پنجاب فوڈ اتھارٹی کا ایک اور احسن قدم، اخبار اور دیگر پرنٹنگ پیپرز پر اشیا فروخت نہیں ہوں گی، فوڈ اتھارٹی نے پرنٹنگ پیپرزپر اشیا کی فروخت پرپابندی لگادی۔ذرائع کے مطابق پنجاب فوڈ اتھارٹی کا ایک اور احسن اقدام ،اخبار اور دیگر پرنٹنگ پیپرز پر اشیا فروخت نہیں ہوں گی فوڈ اتھارٹی نے پرنٹنگ پیپرز پر اشیا کی فروخت پرپابندی لگادی پنجاب فوڈ اتھارٹی کی جانب سے جاری کردہ وارننگ نوٹس میں متعقلہ افراد کو آگاہ کیا گیا ہے کہ شہری صرف فوڈ گریڈ پیکنگ میٹریل استعمال کریں ، پرنٹنگ پیپرز پر تلی ہوئی اشیا کے استعمال سے پرہیز کریںفوڈ ٹیکنالوجسٹ کا کہنا تھا کہ سیاہی سے لکھے پیپرزپرتلی ہوئی اشیا کے استعمال سے کینسر جیسے امراض پھیلنے کا خدشہ ہے شہریوں کو بیماریوں سے محفوظ رکھنے کے لئے مضر صحت اور کیمکل شدہ پرینڑنگ پیپرز میں اشیائے خوردونوش کی فروخت پر پابندی عائد کرنا دو اتھارٹی کو احسن اقدام ھے دیکھنا یہ ہے کہ یہ پابندی کا حد تک اور مند ثابت ہوتی ہے پنجاب فوڈ اتھارٹی نے ممنوعہ مشروبات فروخت کرنے پر لاہور کے 41 سکولوں کو وارننگ نوٹسز جاری کردیئے پنجاب فوڈ اتھارٹی نے مجموعی طور پر شہر کے 131 سکولوں میں جاکرممنوعہ مشروبات کی دستیابی چیک کی، 41 ایسے سکولوں کو نوٹس جاری کیے گئے جہاں ممنوعہ مشروبات کی فروخت کی جارہی تھی۔ڈی جی نورالامین مینگل نے کہا کہ زیادہ تر تعلیمی اداروں میں حکم پر عملدرآمد کیا جا رہا ہے تاہم پہلے مرحلے میں وارننگ نوٹسز جاری کیے گئے ہیں۔عمل نہ کرنے اورکولڈ ڈرنکس فروخت کرنے والوں کو سیل کر دیا جائے گا ان کے پاس پرانا سٹاک تھا جسے جلد ہی اٹھا دیا جائے گا۔    

حلقہ این اے120سے ملی مسلم لیگ کے حمایت یافتہ امیدوار محمد یعقوب شیخ کے کاغذات نامزدگی منظور کر لئے گئے ہیں۔   الیکشن کمیشن آف پاکستان کی جانب سے امیدواروں کی سکروٹنی کے بعد کاغذات منظور کئے گئے۔ اس موقع پر ملی مسلم لیگ کے صدر سیف اللہ خالد، حافظ خالد ولید اور دیگر رہنما بھی الیکشن کمیشن آفس میں موجود تھے۔ کاغذات نامزدگی منظور ہونے کے بعد محمد یعقوب شیخ نے میڈیا سے گفتگو کرتے ہوئے کہا ہے کہ ہم خدمت کی سیاست کا جذبہ لے کر میدان میں اترے ہیں۔این اے120میں ڈورٹو ڈور انتخابی مہم چلائیں گے۔17ستمبر کا سورج ملی مسلم لیگ کی فتح کی نوید لے کر طلوع ہو گا۔ سیاسی و مذہبی جماعتیں ملی مسلم لیگ کی حمایت کر رہی ہیں۔ ہم گھر گھر جائیں گے اور بھرپور انتخابی مہم چلائی جائے گی۔ انہوںنے کہاکہ کہ این اے120میں ہرگلی محلہ میں اپنا دفتر کھولیں گے اور زبردست رابطہ مہم چلائی جائے گی۔ ہم انتشار اور پارٹی بازی کی نہیں بلکہ خدمت کی سیاست کریں گے۔ ملک میں صوبائیت و لسانیت کے جھگڑے ختم  اور اخوت و رواداری کی فضا پیدا کرنا چاہتے ہیں ۔ نظریہ پاکستان رائج کرنا ملی مسلم لیگ کا سب سے بڑا ہدف ہے ۔ ہم73کے آئین کے تحت ملک میں قانون کی عملداری چاہتے ہیں۔ ہم نے پاکستان کا پرچم اٹھایا ہے،اس کا تحفظ کریں گے۔ ملی مسلم لیگ کے حمایت یافتہ امیدوار قاری یعقوب شیخ دفاع پاکستان کونسل کے چیف کوآرڈینیٹر ہیں اور تحریک حرمت رسولۖ، تحریک حرمت قرآن اور نظریہ پاکستان رابطہ کونسل کے پلیٹ فارم سے بھی متحرک کردار ادا کر رہے ہیں اس لئے دینی و سیاسی جماعتوں سے اچھے روابط ہونے کے سبب انہیں مضبوط امیدوار کے طور پر دیکھا جارہا ہے۔  

پنجاب حکومت کی جانب سے اجازت ملنے کے بعد پاکستان عوامی تحریک کا لاہور مال روڈ پر دھرنا جاری ہے۔لاہورہائی کورٹ نے فریقین کے درمیان مال روڈ پر دھرنے کا معاملہ حل کرنے کے لیے 5 رکنی کمیٹی بنائی تھی جس میں ڈی سی لاہور،سی سی پی او ،ایڈووکیٹ جنرل ، تاجروں کے وکیل اور پی اے ٹی کے وکیل شامل تھے۔ کافی دیر تک جاری رہنے والے مذاکرات کامیاب ہوگئے اور پاکستان عوامی تحریک کو رات 10 بجے تک دھرنے کی اجازت مل گئی ہے۔عوامی تحریک نے یقین دہانی کرائی ہے کہ سربراہ طاہر القادری کی تقریر کے بعد دھرنا ختم کردیا جائے گا۔

پیپلزپارٹی نے انتخابات کیلئے نئی سیاسی حکمت عملی تشکیل دیدی جس کے تحت فریال تالپور اور آصفہ بھٹو سندھ کو سنبھالیں گے جبکہ بلاول بھٹو زرداری پنجاب میں جلسوں سے خطاب کریں گے۔ پنجاب کی اہم شخصیات نے آصف علی زرداری سے رابطہ کیا ہے جس پر سابق صدر نے پرانے سیاسی ساتھیوں سے مل کر آگے بڑھنے کا سگنل دیا ہے۔ پیپلز پارٹی کے ذرائع کے مطابق پیپلزپارٹی کی نئی سیاسی حکمت عملی کے تحت سندھ میںپارٹی معاملات فریال تالپور اور آصفہ بھٹو سنبھالیں گی اور صوبائی اسمبلی کی نشست سے الیکشن لڑیں گی جبکہ اپوزیشن لیڈر خورشیدشاہ بھی صوبائی اسمبلی کا الیکشن لڑیں گے جبکہ بلاول بھٹوزرداری پنجاب کو کور کرینگے اور جلسوں سے خطاب کریں گے جس کیلئے پنجاب بھر میں جلسوں کیلئے رابطہ مہم تیز کر دی گئی اور انتخابی مہم کے دوران سینٹرل پنجاب میں ڈور ٹو ڈور انتخابی مہم شروع کی جائے گی۔

  سندھ ہائی کورٹ لاڑکانہ بنچ نے ولی بابر شہید قتل کیس میں سزائے موت پانے والے ملزم فیصل عرف موٹا کی سزا کالعدم قرار دے دی۔ تفصیلات کے مطابق عدالت نے سزا کالعدم قرار دینے کے بعد کیس کو ماتحت عدالت کو بھیجنے کا حکم جاری کر دیا، کیس کی سماعت کندھ کوٹ کی انسداد دہشت گردی عدالت کرے گی۔ فیصل عرف موٹا کو انسداد دہشت گردی عدالت نے مفرور ہونے پر سزائے موت سنائی تھی جبکہ انہیں نائن زیرو پر چھاپے کے دوران گرفتار کیا گیا تھا۔ عدالت نے فیصل موٹا کے خلاف کیس کی ازسرنو سماعت کا حکم بھی جاری کیا۔ فیصل موٹا نے ولی بابر قتل کیس میں دی گئی سزا کو چیلنج کیا تھا۔ واضح رہے کہ نجی ٹی وی کے رپورٹر ولی خان بابر کو 13 جنوری 2011 کی رات دفتر سے گھر جاتے ہوئے کراچی کے علاقے لیاقت آباد میں فائرنگ کرکے شہید کیا گیا تھا۔

 وزیراعظم شاہد خاقان عباسی کی زیر صدارت قومی سلامتی کمیٹی کا اجلاس ہوا،جس میں داخلی اور خارجی سلامتی کی صورتحال اور خارجہ پالیسی کے مختلف پہلوئوں پر غور کیا گیا، قومی سلامتی کمیٹی نے بھارتی فوج کی کنٹرول لائن پر فائرنگ کے واقعات پر اظہار تشویش کیا اور مقبوضہ کشمیر میں بھارتی فوج کے ہاتھوں انسانی حقوق کیخلاف ورزیوں کی شدید مذمت کی،شرکاء نے دہشت گردی کے خلاف کارروائیوں میں حاصل کامیابیوں پر اظہار اطمینان کیا۔اجلاس میں افغانستان میں امن اور استحکام کےلئے تعاون جاری رکھنے کے عزم کا اعادہ کیا گیا۔ اجلاس میں دہشت گردی کے نیٹ ورک ، سرحد پار فائرنگ کے خاتمے کےلئے افغانستان سے مل کر کام کرنے کا عزم کیا گیا،اجلاس میں کہا گیا کہ علاقائی امن اور خوشحالی کا براہ راست تعلق مسئلہ کشمیر کے حل سے ہے، شرکا نے دہشت گردی کے خلاف کاروائیوں میں حاصل کامیابیوں پر اظہار اطمینان کیا۔ شرکا نے  اس عزم کا اظہار کیا کہ آخری دہشت گرد کے خاتمے تک آپریشن جاری رکھیں گے، شرکا نے کہا کہ یوم آزادی پر قوم کا جذبہ اور اتحاد قابل تحسین تھا۔اجلاس میں وزیر دفاع انجینئر خرم دستگیر،وزیر خارجہ خواجہ محمد آصف،وزیر خزانہ اسحاق ڈار،وزیر داخلہ احسن اقبال،چیئرمین جوائنٹ  چیفس آف سٹاف کمیٹی جنرل زبیر محمود حیات، چیف آف آرمی سٹاف جنرل قمر جاوید باجوہ، نیول چیف ایڈمرل ذکائ اللہ،پاک فضائیہ کے سربراہ ایئر چیف مارشل سہیل امان،مشیر قومی سلامتی لیفٹیننٹ جنرل ر ناصر جنجوعہ، ڈائریکٹر جنرل آئی ایس آئی لیفٹیننٹ جنرل نوید مختار اور اعلیٰ سول و عسکری افسران موجود تھے۔