19 جون 2018
تازہ ترین
فن وفنکار
آج عیدالفطر کا تیسرا دن ہے اور ہر کوئی اپنے اپنے انداز سے چھوٹی عید کے مزے اڑانے میں مصروف ہے، پاکستانی سٹارز بھی اس معاملے میں پیچھے نہیں ہیں اور نہ صرف بھرپور انداز میں عید کی خوشیاں منا رہے ہیں بلکہ اپنی سیلفیز اور دیگر مصروفیات سے مداحوں کو بھی باخبر رکھے ہوئے ہیں۔ فلم پنجاب نہیں جائوں گی کی مقبول جوڑی مہوش حیات اور ہمایوں سعید ملک سے باہر چین میں عید منا رہے ہیں۔ دونوں نے چین میں شنگھائی آرگنائزیشن کوآپریشن فلم فیسٹول میں شرکت کی، جہاں فلم پنجاب نہیں جائوں گی  نے سپیشل جیوری ایوارڈ اپنے نام کیا۔ مہوش نے چین سے عید کی مبارک باد پیش کرتے ہوئے انسٹاگرام پر تصاویر پوسٹ کیں ۔  ہم سب کی پسندیدہ اداکارہ ماہرہ خان نے عید پر ریلیز ہونے والی اپنی فلم سات دن محبت ان کی تشہیر کرتے ہوئے عید منائی، اس کے ساتھ وہ فٹ بال ورلڈ کپ کی بھی دیوانی بنی ہوئی ہیں۔ خوبصورت اداکار جوڑی عائزہ خان اور دانش تیمور نے اپنے اہلخانہ کے ساتھ عید کی خوشیاں منائیں، دونوں نے عید کے پہلے اور دوسرے دن  کی شاندار تصاویر سوشل میڈیا پر مداحوں سے شیئر کیں اور عید کی مبارکباد پیش کی۔ خوبرو اداکارہ مایا علی نے عید کی خوشیاں اپنے کزنز اور اہلخانہ کے ساتھ منائیں اور عید پر لی گئی تصاویر اپنے مداحوں سے شیئر کیں۔ اداکار عثمان خالد بٹ نے بھی پاکستان سے باہر کینیڈا کے شہر مسسی ساگا میں عید منائی، جہاں انہوں نے حلال فوڈ فیسٹول میں بھی شرکت کی۔ عثمان خالد بٹ نے کینیڈا میں عید مناتے ہوئے روایتی انداز کو ہی پسند کیا اور کرتا شلوار کے ساتھ ویسٹ کوٹ پہنی۔ اداکارہ سجل علی نے اپنی بہن و اداکارہ سبور علی کے ساتھ روایتی انداز میں عید منائی اور انسٹاگرام پر تصاویر بھی شیئر کیں معروف گلوکار شہزاد رائے عید کے پہلے روز کینیڈا کے شہر ٹورنٹو میں تھے، جہاں وہ ایک کانسرٹ کے سلسلے میں موجود تھے۔

 سلمان خان کی عید پر ریلیز ہونے والی فلم ریس 3 فیس بک اور سوشل میڈیا کے دیگر اکائونٹس پر لیک ہوگئی۔ بھارتی میڈیا کے مطابق بالی وڈ کے دبنگ ہیرو سلمان خان کی سپر فلم ریس تھری نے ریلیز ہونے سے پہلے ہی اپنی ہیوی کاسٹ یعنی سدا بہار سپر سٹار انیل کپور، ایکشن سٹار بوبی دیول اور خوبصورت ہیروئن جیکولین فرننڈس کی وجہ سے شائقین کو اپنی جانب متوجہ کرنے میں کامیاب ہو گئی تھی، یہی وجہ ہے کہ ریلیز ہونے کے پہلے ہی روز یہ فلم 29.17 کروڑ کا بزنس کرنے میں کامیاب ہوگئی۔ پہلے ہی روز کامیابی جھنڈے گاڑنے والی فلم کے ساتھ اس وقت ہاتھ ہو گیا، جب فلم ریس 3 کو سینما میں براہ راست ریکارڈ کرکے فیس بک اور سوشل میڈیا کے دیگر اکائونٹس پر وائرل کر دیا گیا تاکہ جنہیں ٹکٹس نہ مل سکے وہ اپنے پسندیدہ اداکاروں کو ایکشن میں دیکھ سکیں۔ البتہ یہ بھی ممکن ہے  کہ یہ حرکت فلم کے بڑھتے ہوئے بزنس کو کم کرنے کی سازش ہو تاہم وجہ کوئی بھی ہو اس طرح پوری فلم کو وائرل کرنا غیر قانونی عمل ہے۔ دوسری جانب فلم کے پروڈیوسر رمیش تورانی، ہدایت کار ریموڈی سوزا یا سلمان خان کی جانب سے تاحال فلم کے وائرل ہونے پر کسی قسم کا تبصرہ سامنے نہیں آیا ، جس سے گمان ہوتا ہے کہ محض دو دن میں 67 کروڑ کا بزنس کرنے والی فلم ریس تھری کے سوشل میڈیا پر وائرل ہونے سے بزنس پر کوئی فرق نہیں پڑا ۔
image

 چین میں منعقدہ شنگھائی آرگنائزیشن کوآپریشن  فلم فیسٹیول میں پاکستان کی مشہور فلم پنجاب نہیں جائوں گی  نے خصوصی ایوارڈ اپنے نام کرلیا۔ فلم کی مرکزی جوڑی مہوش حیات اور ہمایوں سعید ملک نے یہ ایوارڈ وصول کیا۔ فلم فیسٹیول کی سپیشل جیوری کیٹیگری میں 12 ممالک کی فلمیں شامل تھیں، جن میں سے یہ اعزاز پاکستانی فلم کو حاصل ہوا۔ مہوش اور ہمایوں سعید نے انسٹاگرام پر ایوارڈ وصول کرنے کی تصاویر شیئر کیں اور ساتھ میں مداحوں کو عید کی مبارک باد بھی دی۔ مہوش حیات نے لکھا کہ وہ بہت شکرگزار ہیں کہ انہوں نے پہلے شنگھائی آرگنائزیشن کوآپریشن فلم فیسٹول میں شرکت کی جس میں ان کی دو فلموں کی نمائش ہوئی۔
image

فلم سنجو میں سنجے دت کا کردار نبھانے والے رنبیر کپور نے خود پر کی گئی سلمان خان کی تنقید پر سنجو بابا اسٹائل میں کراکرا جواب دیا ہے۔ بھارتی میڈیا کے مطابق معروف اداکار سنجے دت کی زندگی پر بننے والی فلم سنجو کا مرکزی کردار ادا کرنے والے رنبیر کپور نے سلمان خان کی تنقید کو بے جا قرار دیتے ہوئے کہا کہ کسی بھی لیجنڈ کی زندگی پر بنی فلم میں وہ اپنا کردار خود ادا نہیں کرتا بلکہ اس کردار کو کوئی دوسرا اداکار نبھا کر پوری انڈسٹری کی جانب سے انہیں خراج تحسین پیش کرتا ہے اور ایسا پوری دنیا میں ہوتا ہے۔ رنبیر کپور نے بھارتی میگزین کو دیئے گئے انٹرویو میں مزید کہا کہ مجھے معلوم ہے کہ فلم سنجو میں میرے کردار کو تنقیدی نگاہ سے دیکھا جائے گا کیوں کہ شائقین میری اداکاری کا موازنہ سنجے دت کی شخصیت سے کریں گے اس لیے میں نے اس کردار کی ادائیگی کے لیے سخت محنت اور ریہرسل کی ہے تاکہ مداحوں کی توقعات پر پورا اتر سکوں۔واضح رہے سنجے دت کے 40 سالہ فلمی کیریر کے اتار چڑھاؤ اور سنجو بابا کی زندگی پر بننے والی فلم ’سنجو‘ کا ٹریلر ریلیز ہونے پر دبنگ خان نے رنبیر کپور پر تنقید کرتے ہوئے کہا تھا کہ اس فلم کے لیے سب سے موزوں اداکار خود سنجے دت ہو سکتے تھے۔ کوئی دوسرا اداکار سنجے دت کے کردار کو نبھانے کی اہلیت نہیں رکھتا۔  
image

عید الفطر کے اس پر مسرت موقع پر بھارت کے نامور اداکاروں نے مسلمانوں کو عید پر مبارکباد کے ساتھ نیک تمناؤں کا بھی اظہار کیا ۔ دنیا بھر میں مسلمان عیدالفطر کا تہوار مذہبی جوش وخروش سے منارہے ہیں اور ساتھ ساتھ دوست احباب کو بھی عید کی خوشیوں کے پیغامات دینے کا سلسلہ جاری ہے۔ بالی وڈسٹارز بھی عید کی خوشیوں میں پیش پیش ہیں اور انہوں نے تمام مسلمانوں کے لیے عیدالفطر کی مبارکباد  کے ساتھ نیک تمناؤں کا اظہار کیا ۔بالی وڈ اداکار شاہ رخ خان نے عید کی مبارکباد سماجی رابطے کی سائٹ ٹوئٹر پر دی جس میں انہوں نے اپنے بیٹے ابرام کے ساتھ ایک تصویر شیئر جس میں شاہ رخ کا کہنا تھا کہ پیار صرف آنکھوں میں ہی نظر آتا ہے اور ہمارا سارا پیار صرف آپ لوگوں کے لیے ہے، آپ تمام لوگوں کو عید مبارک، آپ سب لوگ خوش و آباد رہیں۔حال ہی میں رشتہ ازدواج میں منسلک ہونے والی اداکارہ سونم کپور نے انسٹاگرام پر اپنے چاہنے والوں کو منفرد انداز میں عید کی مبارکباد پیش کی، سونم نے ویڈیو شیئر کی جس میں ان کا کہنا تھا کہ آپ تمام لوگوں کو عید مبارک، اس عید کے چاند کا نور آپ کی زندگی کو ہمیشہ روشن کرتا رہے۔ایک اور بھارتی اداکارہ جیکیولین فرنینڈس نے عید کی مبارک باد انوکھے انداز میں دی، انسٹاگرام پر جیکیولین نے تصویر شیئر کی جس میں وہ مسجد کے باہر برقع پہن کر کھڑی ہیں۔نامور بھارتی اداکارہ سوناکشی سنہا نے بھی سماجی رابطے کی سائٹ انسٹاگرام پر ایک تصویر شیئر میں جس میں انہوں نے مداحوں کو عید کی مبارکباد دی۔  
image

رنبیر کپور کا کہنا ہے کہ وہ رنویر سنگھ کے بہت بڑے مداح ہیں اور ان کے ساتھ کام کرنے کے خواہشمند ہیں۔اپنے ایک انٹریو میں رنویر سنگھ نے کہا ہے کہ انہوں نے اب تک اپنے کیریئر کے دوران کئی سپر اسٹارز کے ساتھ کام کیا ہے لیکن انہیں رنویر سنگھ کے ساتھ کام کرنے کا موقع نہیں ملا۔ وہ رنویر سنگھ کے بہت بڑے مداح ہیں کیونکہ وہ کسی فلم میں جو بھی کردار ادا کرتے ہیں اس میں مکمل طور پر ڈوب جاتے ہیں، اس کی ایک مثال پدما وت ہے جس میں انہوں نے لاجواب اداکاری کی ہے۔ اسی لیے میں ان کے ساتھ کام کرنے کا شدید خواہش مند ہوں لیکن جہاں تک وہ سمجھتے ہیں کہ فلم پروڈیوسر کے لیے ہم دونوں کو ایک ساتھ فلم میں لینا بہت مشکل ہوگا کیونکہ اداکار کی حیثیت سے دونوں کا ایک ساتھ کسی فلم کی کہانی اور اپنے اپنے کرداروں کو قبول کرنا بڑا مشکل ہوگا۔رنبیر کپور کا کہنا تھا کہ وہ رنویر سنگھ کے ساتھ کرن ارجن، انداز اپنا اپنا اور دیوار جیسی فلم میں کام کرنا چاہتے ہیں، جس میں دونوں کا کردار متوازن ہو اور ہم دونوں کو اپنی اپنی صلاحیتوں کے جوہر دکھانے کے برابر مواقع مل سکیں۔واضح رہے کہ پے در پے کئی ناکام فلموں کے بعد رنبیر کپور کو سنجے دت کی زندگی پر بنائی گئی فلم سنجو سے بڑی امیدیں ہیں، فلم کے ٹریلر اور ٹیزر کو دیکھ کر ناقدین کی جانب سے ان کے کام کی کافی تعریفیں بھی کی جارہی ہیں۔۔
image

برطانوی شہزادہ ہیری کی اہلیہ میگھن مارکل کا کہنا ہے کہ ہیری دنیا کے سب سے بہترین شوہر ہیں۔ڈچز آف سوسسیکس کا خطاب پانے والی میگھن مارکل نے گزشتہ روز ملکہ برطانیہ الزبتھ دوم کے ساتھ چیسٹر میں اپنی پہلی سرکاری تقریب میں شرکت کی۔اس موقع پر اگرچہ شہزادہ ہیری ان کے ہمراہ نہیں تھے، لیکن میگھن انہیں یاد کر رہی تھیں۔یہی وجہ ہے کہ جب وہاں موجود خواتین نے میگھن سے پرنس ہیری اور ان کے تعلق کے بارے میں سوالات کیے تو ڈچز آپ سوسیکس نے کہا کہ ہیری دنیا کے سب سے بہترین شوہر ہیں ،جب ایک خاتون نے ان کی شادی شدہ زندگی سے متعلق سوال کیا تو 36 سالہ میگھن مارکل نے جواب دیا، شاندار، میری زندگی بہت مزے میں گزر رہی ہے۔واضح رہے کہ گزشتہ برس نومبر میں منگنی کے بعد اپنے ایک انٹرویو میں شہزادہ ہیری نےکہا تھا کہ  انہیں میگھن سے پہلی ہی نظر میں محبت ہوگئی تھی۔شہزادہ ہیری اور میگھن مارکل گزشتہ ماہ 19 مئی کو رشتہ ازدواج میں منسلک ہوئے تھے۔۔
image

معروف پاکستانی گلوکار و اداکار علی ظفر کی ایکشن سے بھرپور فلم طیفا ان ٹربل کا ٹریلر جاری کردیا گیا۔معروف پاکستانی گلوکار و اداکار علی ظفر کی پروڈکشن کمپنی لائٹنگ گیل پروڈکشنز اور بالی ووڈ کی یش راج فلمز کے تعاون سے بننے والی ایکشن اور تھرل سے بھرپور پاکستانی اداکار علی ظفر کی فلم ’’ طیفا ان ٹربل‘‘ کا ٹریلر جاری کردیا گیا ہے جس میں علی ظفر ’طیفا‘ کے نام سے نظر آئیں گے جب کہ  1 منٹ 19 سیکنڈ کے ٹریلر میں محبت،کامیڈی اور ایکشن سے تڑکا دکھایا گیا ہے۔ ایک انٹرویو میں گلوکار و اداکار علی ظفر کا کہنا تھا کہ آج مجھے بہت زیادہ خوشی ہے کہ میرا بہت بڑا خواب مکمل ہوا ہے۔ اپنی سنیما انڈسٹری کو دنیا بھر میں لے کر جانا ایک بہترین عمل ہے جب کہ میرا ہمیشہ سے یہ یقین اور ایمان ہے کہ درست نیت ،خلوص اور سخت محنت سے آپ اپنے تمام خواب حاصل کر سکتے ہیں
image

 فلموں اور ٹی وی کی مقبول اداکارہ صبا قمر 2018 کے آخر میں شادی کر کے اپنا گھر بسا لیں گی۔ ذرائع کے مطابق اس سے قبل بھی صبا قمر کی شادی کرنے کی افواہیں گردش کرتی رہی ہی۔مگر اب انہوں نے شادی کرنے کا حتمی فیصلہ کیا ہے جس کیلئے انہوں نے شوبز سے وابستہ اپنے جیون ساتھی کا انتخاب بھی کر لیا ہے اور اب وہ رواں سال کے آخر میں شادی کر کے اپنا گھر بسا لیں گی ۔ ذرائع کے مطابق ان کے ہونے والے شوہر کو صبا قمر کے شوبز میں کام کرنے پر کوئی اعتراض نہیں ہے۔ 
image

 بالی وڈ کنگ شاہ رخ خان اور دبنگ اداکار سلمان خان نے مداحوں کو عید سے قبل عیدکی مبارک دی ہے۔ بالی وڈ کے بادشاہ شاہ رخ خان اور سلمان خان نے عید کے موقع پر اپنے چاہنے والوں کو فلم زیرو کے ٹیزر کے ذریعے عید کا تحفہ دیا ہے۔ تقریباً ایک منٹ کے ٹیزر میں شاہ رخ خان اور سلمان خان ایک دوسرے کے ساتھ ڈانس کرتے نظر آرہے ہیں۔ جب کہ ان کے ارد گرد موجود سیکڑوں لوگوں کا ہجوم دونوں کو ڈانس کرتے دیکھ کر چیخ چیخ کر ان کی حوصلہ افزائی کرتا ہے۔ ٹیزرمیں شاہ رخ خان کترینہ کیف کی تصویر والی ٹی شرٹ پہنے نظر آرہے ہیں جب کہ سلمان خان شاہ رخ خان کو کہہ رہے ہیں جس کے پیچھے لگ جاتے ہو اس کی زندگی بنادیتے ہو۔ شاہ رخ خان نے ٹوئٹر پرفلم کا ٹیزر شیئر کرتے ہوئے تمام لوگوں کو عید کی مارکباد دیتے ہوئے لکھا یہ لو یہ لو۔۔ آنند لال رائے کی طرف سے اس بار عید کا میٹھا بہت تیز ہے، لہٰذا میری اور فلم زیرو کی پوری ٹیم کی طرف سے تمام لوگوں کو عید کی مبارکباد، میں آپ سب سے بے حد محبت کرتا ہوں اورامید کرتاہوں آپ کو فلم پسند آئے گی۔
image

 سلمان خان کو ملنے والی قتل کی دھمکیوں پر ان کے والد  نے بھی خاموشی توڑ دی۔ہریانہ پولیس نے چند روز قبل انکشاف کیا تھا کہ انہوں نے بالی ووڈ کے دبنگ اداکار سلمان خان کے قتل کی منصوبہ بندی کرنے والے ملزم سمیت نہرا کو گرفتار کیا ہے جس کا تعلق راجستھان کے بشنوئی قبیلے کے بااثر اور جرائم پیشہ شخص لارینس بشنوئی کے گینگ سے ہے جب کہ ملزم نے منصوبہ بندی کے تحت ریکی کرکے اداکار کے گھر کی کچھ تصاویر اور ان کے گھر آنے اور جانے والے تمام راستوں کی فوٹیج بھی اپنے موبائل سے بنائی تھیں تاہم پولیس نے ملزم کو گرفتار کرلیا۔بھارتی میڈیا رپورٹس کے مطابق سلمان خان کے قتل کی منصوبہ بندی کے حوالے سے ان کے والد سلیم خان کا کہنا تھا کہ ملزم سمپت نہرا کی گرفتاری کے بعد سلمان کی سیکیورٹی میں مزید اضافہ کردیا گیا ہے جب کہ کسی بھی نہ خوش گوار واقعے سے نمٹنے کے لئے پہلے ہی اعلی ٹیم پر مشتمل سیکیورٹی اہلکار تعینات ہیں۔ خطرہ پوری فیملی کے لئے نہیں بلکہ سلمان کے لئے ہے جس کی ہمیں بہت فکر ہے اور اسی وجہ سے ہماری تمام تر توجہ سلمان خان پر ہے لیکن ہمیں پولیس پر پورا اعتماد ہے جو اس ضمن میں ہمارے ساتھ بہت تعاون کررہے ہیں۔
image

بالی وڈ اداکارہ دیپیکا پڈوکون کے گھر میں آگ لگ گئی اور گھر میں موجود نہ ہونے کے باعث اس حادثے میں بچ گئیں۔ بھارتی ذرائع ابلاغ کے مطابق اداکارہ دیپیکا پڈوکون نے  اپنے گھر میں لگی آگ میں سوشل میڈیا پر اپنے مداحوں کی فکر کا جواب دیتے ہوئے کہا کہ وہ بالکل   ٹھیک ہیں اور اپنے مداحوں کی ان کے لئے فکر مندی پر ان کی شکرگزار ہیں اور فائر فائٹرز کے لئے دعا گو ہیں جنہوں نے اپنی زندگیوں کو خطرے میں ڈالا۔  
image

 اداکارہ نورکی عمرے کی ادائیگی کے دوران پاکستان تحریک انصاف کے سربراہ عمران خان اوران کی اہلیہ بشریٰ بی بی کے ساتھ ملاقات کے بعد الیکٹرک کارمیں گھومنے کی ویڈیو وائرل ہوگئی۔اداکارہ نور اپنی صاحبزادی فاطمہ کے ہمراہ ان دنوں عمرہ کی سعادت کیلیے سعودی عرب میں ہیں ، جہاں ان کی ملاقات اپنی مرشد بشریٰ بی بی، عمران خان اورسابقہ شوہرعون چودھری سے ہوئی۔ان کی عون چودھری سے پانچویں شادی کی افواہیں پہلے گردش میں تھیں ، مگراب سوشل میڈیا پرمنظرعام پرآنے والی ویڈیو، جس میں اداکارہ نور، عمران خان اوربشریٰ بی بی کے ساتھ الیکٹرک کار میں بیٹھی دکھائی دے رہی ہیں، نے کچھ نئے سوالات کوکھڑا کردیا ہے۔ بہت سے لوگوں نے یہ سوال اٹھایا ہے کہ ولی حامد علی خان سے طلاق لینے کے بعد نور ابھی عدت میں تھیں اوراس دوران نہ وہ نکاح کرسکتی ہیں اورنہ ہی گھرسے باہرنکل سکتی ہیں، ایسے میں عمرہ کرنا اورپھر سابق شوہرسے ملنا کیسے ممکن ہوا ؟ یہی نہیں کچھ لوگوں کاکہنا ہے کہ فلم سٹارنورنے شوبز کی دنیا کوخیرباد کہہ کراپنی تمام ترتوجہ مذہب کی جانب مرکوز کرلی تھی اوروہ سوشل میڈیا کے ذریعے لوگوں کو شرعی معاملات کے بارے آگاہ بھی کرتی دکھائی دیتی تھیں لیکن طلاق کے بعد عدت پوری نہ کرنے کے عمل نے ہمیں خاصا مایوس کیا۔ فلم سٹار نور نے کہا ہے کہ پانچویں شادی جب ہوگی تو سب کو پتہ چلے گا۔ میں نے جب بھی شادی کی اس کو چھپایا نہیں۔ سابقہ خاوند عون چوہدری اپنے لیڈر عمران خان کے ساتھ گزشتہ روز عمرہ کیلیے سعودی عرب پہنچے ہیں جبکہ میں گزشتہ ایک ہفتہ سے یہاں ہوں۔ میری ملاقات اپنی مرشد بشری بی بی سے ہوئی۔ میڈیا پر آنیوالی سب خبریں غلط اور بے بنیاد ہیں۔ ان میں کوئی صداقت نہیں ہے۔ میری نئی شادی کی جتنی خبریں لگ چکی ہیں اس کے بعد تو میرے لیے اب کوئی نیا رشتہ بھی نہیں آئے گا۔  
image

 اداکارہ زارا شیخ نے گلوکاری اور ڈائریکشن کے میدان میں قسمت آزمائی کا فیصلہ کیا ، انہوں نے حال ہی میں بطور نعت خواں جہاں نعت ریکارڈ کرانے کے بعد اس کی ویڈیو ڈائریکٹ کی ۔ اس حوالے سے زارا شیخ نے کہا کہ میرا فنی سفر فلمی دنیا سے شروع ہوا اور کیرئیر کی پہلی فلم نے ہی ایسی کامیابی حاصل کی کہ آج تک پرستار مجھے یاد رکھے ہوئے ہیں۔ فنی سفر کے دوران بہت سے اچھے کردار میرے حصے میں آئے اور مستقبل میں بھی اچھوتے کردار کرتی دکھائی دوں گی، لیکن اس کے ساتھ میوزک کے شعبے سے بھی میری محبت بہت پرانی ہے۔ مجھے ہمیشہ سے ہی اچھے میوزک نے متاثر کیا اور کبھی کبھار گنگناتی بھی تھی۔ میرے اس ٹیلنٹ کے بارے میں جب میوزک سے وابستہ اہم شخصیات کو پتہ چلا تو انہوں نے مجھے اپنی صلاحیتوں کے جوہر دکھانے پر زور دیا۔ میں نے ایک گیت ریکارڈ بھی کیا تھا، جس کو بہت سراہا گیا لیکن پھر میں اپنی نجی مصروفیات کی وجہ سے میوزک سے دور ہو گئی، لیکن اب دو سال کے وقفے کے بعد میں نے دوبارہ سے شوبز میں اپنا کام شروع کر دیا۔ انہوں نے کہا کہ ماہ رمضان کی مناسبت سے دو نعتیں ریکارڈ کی تھیں، جن کی ویڈیو کی ڈائریکشن خود دیں،  جبکہ بطور ڈائریکٹر بہت جلد کسی بڑے پروجیکٹ پر کام کرتی دکھائی دونگی۔ انہوں نے کہا کہ میں ایک فنکارہ ہوں اور خود کو کسی ایک شعبے تک محدود نہیں رکھ سکتی۔ جہاں تک بات اداکاری کی ہے تو وہ بھی ان دونوں شعبوں کے ساتھ جاری رہے گی۔ فلمی صنعت کے حوالے سے بات کرتے ہوئے زارا شیخ نے کہا کہ پاکستان میں اچھی اور معیاری فلمیں بننے کا رجحان تو شروع ہوچکا ہے لیکن ابھی تک فلموں سے ڈرامائی انداز ختم نہیں کیا جاسکا، جس پ رکام ہونا چاہئے، کیونکہ فلم او رٹی وی ڈرامہ میں ایک واضح فرق ہوتا ہے، جس کو سمجھنے کی ضرورت ہے۔
image

 بالی وڈ اداکار سلمان خان گزشتہ سال عید فلم ٹیوب لائٹ کی ناکامی اب تک نہیں بھول پائے اور انہوں نے ایک سال بعد فلم کے ڈسٹری بیوٹرز پر غصے کا اظہار کیا ۔ فلم ٹیوب لائٹ کی ناکامی پر ڈسٹری بیوٹرز کو بھی کافی نقصان اٹھانا پڑا تھا جس کے بعد سلو میاں نے انہیں 35 کروڑ سے زائد کی رقم واپس کی ۔اب فلم ریس 3 سے سلمان خان فلم ڈسٹری بیوشن میں بھی قدم رکھ رہے ہیں اور فلم کی تشہیری مہم میں انہوں نے ٹیوب لائٹ کی ناکامی کے بعد ڈسٹری بیوٹرز کے حوالے سے کھل کر بات کی ۔ فلم ٹیوب لائٹ کی ناکامی کے بعد ڈسٹری بیوٹرز کے رویے سے متعلق انہوں نے کہا کہ یہ بڑی عجیب بات ہے کہ ڈسٹری بیوٹرز کاروبار میں رسک بھی نہیں لیتے، آپ نے 15 فلموں میں کما لیا اور ایک فلم میں گنوا دیا تو آپ سیدھا گھر پہنچ گئے۔ سلمان خان نے کہا کہ اس بار کسی کو پیسے نہیں دیں گے ، وہ پیسے اب ہمارے پاس ہی رہیں گے اور اگلی بار جس نے بھی پیسے مانگے ان کے ساتھ کام نہیں کروں گا۔
image

 نامور بالی وڈ اداکار سنجے دت کی زندگی پر مبنی فلم سنجو ریلیز سے قبل ہی مشکلات کا شکار ہوگئی، فلم کیخلاف بھارتی سینٹرل بورڈ آف فلم سرٹیفیکیشن میں شکایت درج کرائی گئی ۔ ہدایت کار راجکمار ہیرانی کی فلم سنجو کے چرچے پورے بالی وڈ میں جاری ہیں ، فلم کے ٹریلر ریلیز کے بعد سے ہی فلم پوری انڈسٹری میں موضوع بحث بنی ہوئی ہے، تاہم ریلیز سے قبل فلم سنجو کے لئے مشکلات کھڑی ہوگئیں۔ بھارتی سماجی رہنما پریتھوی مہاسکے نے فلم کے ٹریلرمیں دکھائے گئے ایک سین پر اعتراض اٹھاتے ہوئے فلم کے خلاف سینٹرل بورڈ آف فلم سرٹیفیکیشن میں شکایت درج کرائی ہے۔ ٹریلر میں دکھائے گئے ایک سین میں رنبیر کپور کو جیل کی کال کوٹھری میں بند دکھایا گیا ہے جہاں اچانک ٹوائلٹ میں پانی بھر جاتا ہے اور رنبیر کپور چیخ چیخ کر جیل حکام کو آوازیں دیتے ہیں لیکن کوئی بھی ان کی پکار نہیں سنتا۔ پریتھوی مہاسکے نے چیف سینٹرل بورڈ پرسون جوشی کو لکھے گئے خط میں موقف اختیار کیا  کہ اس سین کی وجہ سے بھارتی جیلوں اور جیل حکام کے بارے میں غلط تاثر جائے گا۔ انہوں نے مزید لکھا کہ انہیں ملنے والی معلومات کے مطابق حکومت اور جیل حکام جیل میں بند قیدیوں کی دیکھ بھال میں کوئی کسر نہیں اٹھاتے ہم نے کبھی ایسا کوئی واقعہ نہیں سنا ، یہاں تک کہ اس سے قبل ریلیز ہونےوالی فلموں میں بھی ایسا کوئی سین نہیں دکھایا گیا۔ مہاسکے نے مزید لکھا اگر آپ اس سین کے خلاف کوئی ایکشن نہیں لیں گے تو ہمیں مجبوراً عدالت سے فلم کی ریلیز کے خلاف حکم امتناعی لینا پڑے گا، جس کا مطلب ہے فلم مقررہ وقت پر ریلیز نہیں ہوسکے گی۔
image

بالی وڈ اداکار سلمان خان کی فلم ٴریس 3ٴ نے ریلیز سے پہلے ہی کمائی کا نیا ریکارڈ بنالیا اور فلم کے سیٹیلائٹ رائٹس کی مد میں 150 کروڑ بھارتی روپے کی ڈیل کرلی ہے۔سلمان خان کی فلم ٴریس 3ٴ پاکستان کے علاوہ دنیا بھر میں عید الفطر پر 15 جون کو ریلیز ہوگی  جس میں انیل کپور ،بوبی دیول سمیت کئی اداکار ایکشن میں نظر ا?ئیں گے۔  ایکشن تھرل فلم اپنی ریلیز سے پہلے ہی سرخیوں میں ہے اور فلم نے نمائش سے پہلے ہی باکس آفس پر خطرے کی گھنٹی بجادی ہے۔دبنگ خان کی فلم ٴریس 3ٴ کے ڈسٹری بیوشن رائٹس کے لیے ٴایروز انٹرنیشنلٴ نے 190 کروڑ بھارتی روپے کی پیش کش کی تھی لیکن سلمان خان فلمز اور ٹپس فلمز نے ہی فلم کو ڈسٹری بیوٹ کرنے کا فیصلہ کیا۔بھارتی میڈیا رپورٹس کے مطابق فلم ٴریس 3ٴ کے ڈسٹری بیوشن رائٹس 150 کروڑ بھارتی روپے میں فروخت کیے گئے ہیں جب کہ فلم کا بجٹ بھی 150 کروڑ کے لگ بھگ ہے۔سلو میاں کی اس بڑی ڈیل نے ریلیز سے پہلے ہی فلم کی لاگت پوری کرلی ہے اور ساتھ ہی دنیا میں سب سے زیادہ کمائی کرنے والی عامر خان کی فلم ٴدنگلٴ کو بھی سیٹیلائٹ رائٹس کی فروخت میں پیچھے چھوڑ دیا ہے۔دنگل کے سیٹیلائٹ رائٹس 75 کروڑ بھارتی روپے میں فروخت کیے گئے تھے۔یاد رہے کہ سلمان خان کی فلم ٴٹائیگر زندہ ہےٴ کے سیٹیلائٹ رائٹس 70 کروڑ بھارتی روپے، فلم ٴباہو بلی2ٴ کے 60 کروڑ بھارتی روپے اور عامر خان کی فلم ٴسلطانٴ کے سیٹیلائٹ رائٹس کی ڈیل 55 کروڑ بھارتی روپے میں ہوئی تھی
image

بالی وڈ اداکارہ دپیکا پڈوکون فلم ٴپدماوتٴ کی کامیابی کے بعد کام کے معاوضے میں اضافہ کرکے کئی فلموں سے ہاتھ دھو بیٹھی ہیں۔دپیکا پڈوکون کا شمار بالی وڈ کی سب سے مہنگی اداکاراؤں میں ہوتا ہے۔دپیکا نے فلمی کیریئر میں اب تک کئی مختلف کردار کیے ہیں جس کے باعث وہ فلمی دنیا میں ہدایت کاروں کی پہلی پسند ہیں یہی وجہ ہے کہ ہدایت کار سنجے لیلا بھنسالی نے فلم ٴپدماوتٴ میں اداکارہ کو رنویر سنگھ اور شاہد کپور سے زیادہ معاوضہ دیا تھا۔فلم ٴپدماوتٴ کی کامیابی کے بعد دپیکا پڈوکون نے بھی معاوضے میں اضافہ کردیا تھا جس کے بعد سے اب ان کے پاس ایک ہی فلم ہے۔بھارتی میڈیا رپورٹس کے مطابق دپیکا پڈوکون کو کئی بڑے پروڈکشن ہاؤسز نے فلموں میں کام کرنے کی پیش کش کی ہے لیکن اداکارہ کی جانب سے معاوضے میں اضافے کے باعث سب نے ہاتھ پیچھے اٹھا لیے ہیں۔ہدایت کار کرن جوہر کے دھرما پروڈکشن نے بھی اداکارہ کو بھاری معاوضے دینے سے انکار کردیا ہے جب کہ فلم نگری کے کئی فلمساز دپیکا کے معاوضہ بڑھانے پر ناخوش ہیں اور اس کی ذمہ داری سنجے لیلا بھنسالی پر ڈال دی ہے۔دپیکا پڈوکون اس وقت صرف عرفان خان کے مدمقابل فلم ٴسپنا دیدیٴ سائن کی ہے لیکن اس کی شوٹنگ بھی عرفان کی بیماری کے باعث ملتوی کردی گئی ہے۔
image

پاکستان میں فلموں کی نمائش کے لیے عید سے بڑھ کر اور کوئی موقع نہیں ہوتالہٰذا ہر فلم ساز چاہتا ہے کہ اس کی فلم عید کے موقع پر ریلیز ہویہی وجہ ہے کہ اس عید الفطر مقامی سنیماؤں میں 4 پاکستانی فلمیں ریلیز ہوں گی۔ہر سال عید الفطر اور عید الاضحیٰ کے موقع پرسینماؤں میں پاکستانی فلموں کا مقابلہ بالی ووڈ فلموں سے ہوتا ہے اور بھارتی فلمیں پاکستانی فلموں سے بازی لے جاتی ہیں تاہم پاکستانی شائقین کے لیے خوشخبری ہے کہ اس عیدالفطر پر مقامی سینماؤں میں عید کے ایک ہفتے تک صرف پاکستانی فلمیں نمائش کے لیے پیش کی جائیں گی۔ عید الفطر کے موقع پر چار پاکستانی فلمیں سات دن محبت انٴ،آزادیٴ، وجودٴ اور نہ بینڈ نہ باراتی ریلیز کی جارہی ہیں۔اس عید الفطر پر جس فلم کے سب سے زیادہ چرچے ہورہے ہیں وہ ماہرہ خان اور شہریار منور کی رومینٹک کامیڈی فلم ٴسات دن محبت ان ہے۔ ہدایت کار مینو گور اورفرجاد نبی کی فلم کی کہانی نامور مصنف فصیح باری خان نے تحریرکی ہے۔ فلم کی کہانی ٹیپو شہریار منورکے گرد گھومتی ہے جو سچی محبت کی تلاش میں مشکلات کا شکار ہوجاتاہے، جب کہ اداکارہ ماہرہ خان نیلی کے کردار میں شہریار منور کے مقابل مرکزی کردار اداکرتی نظر آئیں گی۔فلمٴسات دن محبت انٴکے ذریعے اداکارہ میرا سیٹھی فلم انڈسٹری میں ڈیبیو کرنےجارہی ہیں جب کہ دیگر کاسٹ میں آمنہ الیاس، حنا دلپزیرخان، جاوید شیخ، عامر قریشی، عدنان شاہ شامل ہیں۔ فلم میں اداکار جاوید شیخ بھوت کا کردار نبھا رہے ہیں جو ٹیپو کو اپنے مشوروں سے بیوقوف یا پھرزیروسے ہیرو بناتے نظرآئیں گے۔ ماہرہ خان اور شہریار منور کی یہ دوسری فلم ہےاس سے قبل دونوں 2016 میں فلمٴہومن جہاںٴمیں ایک ساتھ نظرا?ئے تھے۔عید الفطر کے موقع پر جو دوسری بڑی فلم نمائش کے لیے پیش کی جارہی ہے وہ اداکار معمر رانا اور سونیا حسین کی فلم آزادی ہے۔ یہ فلم دیگر فلموں کی طرح مصالحہ فلم نہیں بلکہ اپنے موضوع کے اعتبار سے منفرد کہانی ہے جو کشمیر کی جدوجہد آزادی کے گرد گھومتی ہے۔اس  فلم کے ذریعے اداکار معمر رانا طویل عرصے بعد ایک بار پھر فلم انڈسٹری میں واپسی کررہے ہیں۔فلم میں معمر رانا کشمیری مجاہد آزاد کامرکزی کردار اداکررہے ہیں  جب کہ اداکارہ سونیا حسین صحافی زارا کے کردار میں نظر آئیں گی۔ عمران ملک اس فلم کے ذریعے ہدایت کاری کے میدان میں قدم رکھ رہے ہیں جب کہ فلم کی کہانی بھی انہوں نے تحریر کی ہے۔ عمران ملک کے بھائی عرفان ملک فلم کو پروڈیوس کررہے ہیں۔ اداکار معمر رانا اور سونیا حسین کے علاوہ فلم کی دیگر کاسٹ میں اداکار ندیم بیگ شامل ہیں۔اس عیدالفطر جاوید شیخ اوردانش تیمور بھی شائقین کو اپنی فلم ٴوجودٴ کے ذریعے محظوظ کریں گے۔ خاص بات یہ ہے کہ جاوید شیخ اس فلم کی ہدایت کاری بھی دے رہے ہیں۔ رومینٹک تھرل فلمٴ وجودٴ کی زیادہ تر شوٹنگ ترکی میں ہوئی ہے۔ فلم میں دانش تیمور کے علاوہ اداکارہ سائدہ امتیاز اوربھارتی اداکارہ آدیتی سنگھ مرکزی کردار میں نظرآئیں گی۔ جب کہ جاوید شیخ منفی کردار میں نظر ا?ئیں گے۔ فلم کی دیگر کاسٹ میں اداکار ندیم بیگ، فریحہ الطاف اور علی سلمان شامل ہیں۔اس عید الفطرپر مقامی سینماؤں میں چوتھی پاکستانی فلم ٴنابینڈ ناباراتیٴ شائقین کے دلوں پر راج کرنے آرہی ہے۔ عید الفطر سے قبل اس فلم کو 6 جولائی کو سینم امیں نمائش کے لیے پیش ہونگی۔
image

 بالی وڈ اداکارہ  پوجا بھٹ  اپنی بہن عالیہ کے سوال پر   میڈیا پر برس پڑیں ، ایک ایونٹ کے دوران  جب پوجا بھٹ  سے  عالیہ اور رنبیر کے بارے سوال پوچھا گیا تو  پوجا نے کہا کہ مجھ سے میری زندگی بارے سوال کریں،  میری بہن بارے نہیں،  میں اپنے  کئے کی ذمہ دار ہوں  مجھ سے میری ذمہ داری  پر سوال  کر سکتے ہیں۔ انہوں نے کہا کہ جیسے میں اپنے متعلق سامنے والی افواہوں کو ہینڈل کرتی ہوں، یہ مجھے پریشان نہیں کرتی، ہمیں چاہئے ہم عالیہ کو اس کی زندگی انجوائے کرنے دیں، کیو نکہ وہ بھارت کو محظوظ کرنے میں اپنی ذمہ داری ادا کر رہی ہے۔ خیال رہے کہ عالیہ بھٹ اور رنبیر کپور اس وقت فلم براہمسترا کی شوٹنگ میں مصروف ہیں۔ اطلاعات تھیں کہ فلم براہمسترا کی شوٹنگ کے دوران ہی عالیہ بھٹ اور رنبیر کپور کے درمیان تعلقات استوار ہوئے، تاہم دونوں اداکاروں نے ایسی خبروں پر خاموشی اختیار کئے رکھی تھی۔ البتہ رنبیر کپور نے طویل عرصے بعد خاموشی توڑتے ہوئے عالیہ بھٹ کے ساتھ اپنے تعلقات کی وضاحت کرتے ہوئے انہیں نئی محبت قرار دیا تھا۔
image

 نامور بالی وڈ اداکار اور سنجے دت کے ساتھی اداکار ارشد وارثی نے کہا ہے کہ رنبیر کپور کبھی سنجے دت نہیں بن سکتے۔ سنجے دت کی زندگی پر مبنی فلم سنجو ابھی ریلیز بھی نہیں ہوئی اور ہر طرف اسی فلم کے چرچے جاری ہیں، کوئی فلم میں رنبیر کپور کی اداکاری کی تعریف کر رہاہے تو کسی کو رنبیر کو سنجے دت کا کردار ادا کرنے پر اعتراض ہے۔ حال ہی میں فلم منا بھائی ایم بی بی ایس میں سنجے دت کے ساتھی اداکار ارشد وارثی(سرکٹ)نے کہا ہے کہ فلم سنجو میں اداکار رنبیر کپور اچھے لگ رہے ہیں لیکن کسی اور کی طرح بولنا، کسی اور کی طرح بننا ایک الگ بات ہے۔ سنجے ست تو سنجے دت ہیں، آپ چاہیں کچھ بھی کر لیں ان کی طرح نہیں بن سکتے۔ فلم انڈسٹری میں صرف ایک ہی سنجے دت ہے اور مجھے لگتا ہے کوئی دوسرا ان کے جیسا ہوبھی نہیں سکتا۔ ارشد وارثی سے قبل اداکار سلمان خان بھی رنبیر کپور کے سنجے دت بننے پر اعتراض کر چکے ہیں۔ 
image

 بالی وڈ سلطان سلمان خان نے کہا ہے کہ انڈسٹری میں ایک دو فیملی ایسی بھی ہیں جہاں سے مجھے کبھی بھی عزت اور پیار نہیں ملا  اور اسی وجہ سے میری فیملی کی جانب سے بھی انہیں گھر پر خیرمقدم نہیں کیا جاتا۔ بالی وڈ کے دبنگ اداکار سلمان خان نے رشی کپور کے حوالے سے کہا کہ میرے کوئی دشمن نہیں ، لیکن میں کچھ لوگوں کو پسند نہیں کرتا اور میں اس معاملے میں بالکل واضح ہوں، جبکہ رشی کپور مجھ سے عمر میں بڑے ہیں اس کا ہر گز یہ مطلب نہیں کہ میں ان کی عزت کروں، اگر وہ شخص میری اور میری فیملی کی عزت نہ کرے تو میں بھی ان کی عزت کرنے سے معذرت ہی کروں گا۔ سلمان خان نے کہا کہ انڈسٹری میں ایک دو فیملی ایسی بھی ہیں جہاں سے مجھے کبھی بھی عزت اور پیار نہیں ملا  اور اسی وجہ سے میری فیملی کی جانب سے بھی انہیں گھر پر خیرمقدم نہیں کیا جاتا اور میں اس بات پر یقین رکھتا ہوں کہ اگر چاہے کوئی جونیئر ہو یا سینئر تو اسے کسی کی بے عزتی نہیں کرنی چاہئے اور خصوصاً اس وقت تو بالکل بھی نہیں جب آپ ان کے ساتھ کام کر رہے ہوں اور پھر بھی وہ شخص آپ کو  بے عزت کرتا ہے تو یہ اچھی بات نہیں۔
image

 بالی وڈ کی خوبرو اداکارہ جیکولن فرننڈس کی آنکھ مستقل خراب ہوگئی۔ انڈسٹری میں کم وقت میں اپنی جگہ بنانے والی سری لنکن نژاد بالی وڈ کی خوبرواداکارہ جیکولن فرننڈس آج کل اپنی نئی آنے والی فلم ریس 3 کی پروموشن میں مصروف ہیں۔ اداکارہ فلم میں مختلف سٹنٹس کرتی ہوئی نظر آئیں گی۔ اسی متعلق اداکارہ نے انکشاف کیا کہ مارچ کے ماہ میں وہ فلم کی شوٹنگ کررہی تھیں کہ ان کی آنکھ پر  چوٹ لگ گئی تھی،  اب اداکارہ نے انسٹاگرام پر اپنی آنکھ کی تصویرشئیر کرائی جس میں ان کی آنکھ کی پتلی صاف طور ٹیڑھی دیکھی جاسکتی ہے۔ اداکارہ نے کہا کہ ان کی آنکھ کی پتلی مستقل طور پر ٹیڑھی ہوچکی ہے جواب کبھی صحیح نہیں ہوگی، پر وہ شکر کر رہی ہیں کہ وہ اس انجری کے بعد دیکھ سکتی ہیں۔
image

 بالی وڈ سلطان سلمان خان کے قتل کا منصوبہ بنانے والے ملزم کو پولیس نے گرفتار کرلیا۔ بھارتی میڈیا رپورٹس کے مطابق ہریانہ پولیس نے ملزم کی گرفتاری کی تصدیق کرتے ہوئے کہا کہ 28 سالہ سمپت نہرا کا تعلق راجستھان کے بشنوئی قبیلے کے بااثر اور جرائم پیشہ شخص لارینس بشنوئی کے گینگ سے ہے جو سلمان خان کے قتل کی منصوبہ بندی کے تحت ریکی کے لئے ممبئی گیا تھا اور اس نے اداکار کے گھر کی کچھ تصاویر اور ان کے گھر آنے اور جانے والے تمام راستوں کی اپنے موبائل سے فوٹیج بھی بنائی تھیں۔ ڈی آئی جی ہریانہ ستیش بالن نے مزید انکشاف کیا کہ نہرا نے ممبئی آکر نہ صرف ان کے گھر کا دورہ کیا بلکہ مداحوں سے ملنے کے لئے سلمان کے بالکونی میں آنے کا وقت بھی نوٹ کیا اور یہاں تک کہ اس نے سلمان کے گھر کے قریب ترین مقام تک پہنچنے اور وہاں سے بالکونی کا فاصلہ بھی نوٹ کیا تاکہ اس جگہ سے سلمان کو نشانہ بنایا جاسکے۔ پولیس نے مزید بتایا کہ رواں برس جنوری میں راجستھان کے بشنوئی قبیلے کے بااثر افراد نے نایاب کالے ہرن کا شکار کرنے کے معاملے پر سلمان خان کو قتل کرنے کی دھمکی دی تھی۔ واضح رہے کہ سلمان خان کو نایاب کالے ہرن شکار کے 19 سال پرانے کیس میں بھارتی ریاست راجستھان کے شہر جودھ پور کی مقامی عدالت نے چند ماہ قبل قصوروار ٹھہراتے ہوئے 5 سال قید اور 10 ہزار روپے جرمانے کی سزا سنائی تھی جس کے بعد انہیں ضمانت پر رہا کردیا گیا تھا۔
image

اداکار اور گلوکار علی ظفر اس چھوٹی عید پر اپنی پہلی پاکستانی فلم طیفہ ان ٹربل کا ٹریلر ریلیز کرکے شائقین کو بڑا تحفہدینے جارہے ہیں۔ علی ظفر نے اپنے ٹویٹر پیغام میں طیفہ ان ٹربل کا پوسٹر شیئر کرکے شائقین کو عید کی پیشگی مبارکباد دی۔ طیفہ ان ٹربل کے آفیشل ٹویٹر اکائونٹ کے مطابق فلم کا ٹریلر اس عید پر نہ صرف پاکستان بلکہ دنیا بھر میں 1200 بڑ ی سکرینز پر ریلیز کیا جائے گا۔ اس سے قبل رواں برس فروری میں فلم کا ٹیزر ریلیز کیا گیا تھا، جسے شائقین نے کافی پسند کیا تھا۔  راک سٹار علی ظفر کی یہ پہلی پاکستانی فلم ہے، جو پاکستان کی تاریخ کی سب سے بڑی اور سب سے مہنگی فلم قرار دی جارہی ہے۔
image

عوامی سروے

سوال: کیا نواز شریف کے ممبئی حملوں سے متعلق بیان کے بعد ان کے خلاف سخت کارروائی ہونی چاہئے؟