19 جون 2018
تازہ ترین
خوراک و صحت
 اپنے روزمرہ معمولات میں طرح طرح کی بیریاں اور انگور کھانے سے پھیپھڑے تندرست رہتے ہیں اور نظام تنفس کو قوت ملتی ہے۔ سائنسدانوں کے مطابق اینتھوسائننس نامی ایک فلیوینوئیڈ عمررسیدگی کے باوجود پھیپھڑوں کو بہترین حالت میں رکھتا ہے۔ یہ مرکب گہری رنگت کے پھلوں اور سبزیوں میں پایا جاتا ہے جن میں سرخ انگور، جامنی آلو، بلیو بیریز اور دیگر بیریاں شامل ہیں۔ یہ تحقیق جان ہاپکنز یونیورسٹی کی وینیسا گارشیا لارسن نے کی ہے۔ وہ کہتی ہیں کہ سبزیوں اور پھلوں سے بھرپور غذا پھیپھڑوں کو تندرست رکھتی ہے اور زندگی میں آگے چل کر ان سے وابستہ امراض سے بھی بچاتی ہے۔ ماہرین کہتے ہیں کہ 30 سال کے بعد پھیپھڑوں کی کارکردگی میں کمی ہونے لگتی ہے اور طرح طرح کے امراض پیدا ہوتے ہیں۔ اس ضمن میں پہلے سے غذائی تدابیر پھیھپڑوں کو توانا اور تندرست رکھتی ہیں۔ اسی بنا پر ماہرین نے شوخ اور گہرے رنگوں والی سبزیاں اور پھل کھانے پر زور دیا جن میں سرخ انگور اور بلیو بیری سرفہرست ہیں۔

فالسہ لذت کے ساتھ ساتھ بے پناہ فوائد کا حامل پھل ہے  ،یہ امراض قلب ،  جگر  اور ذیا بیطس سے بچائو میں مدد گار ثابت ہوتا ہے،   گرمی  اور پیاس کی شدت میں کمی لانے کی صلاحیت رکھتا ہے ، فالسے میں  81 فی صد پانی پر مشتمل ہوتا ہے  اس کے علاوہ اس میں  پروٹین ، چکنائی  ،  ریشے اور نشاستہ پایا جاتا ہے ،  جگر کی گرمی اور کمزوری دور کرنے کے لیے  فالسے کو جلا کر اسکا پائوڈر بنا لیں  یہ نمک کی طرح بن جائے گا ،روزانہ ایک چٹکی ایک چمچ شہد میں ملا کر  استعمال کریں، یہ معدے اور سینے کی جلن دور کرنے کے لیے بھی مفید ہے۔
image

بیلجیئم کے ماہرین صحت نے کہا ہے کہ آبی نرگس کے پھولوں میں پائے جانے والے الکلائیڈز پیچیدہ سرطانی رسولیوں کو پھیلنے سے روکتے ہیں۔ بیلجیئم کی یونیورسٹی لایبر ڈی بروکسیلیس (یوایل بی) کے ماہرین کی تحقیق کے مطابق آبی نرگس کے خوبصورت پھولوں میں ہیمانتھیمائننامی ایک الکلائیڈ پایا جاتا ہے جو کینسر کو پھیلنے سے روکتا ہے۔ ماہرین کے مطابق کیسر کے ہر خلیے میں رائبوسوم پائے جاتے ہیں جسے نینومشینز بھی کہا جاتا ہے ۔ سرطانی رسولیاں خود کو بڑھانے کے لئے رائبوسوم کو ہائی جیک کرکے اپنے لئے پروٹین بنانے پر مجبور کر دیتی ہیں۔ ہیمانتھیمائن کو جب کینسر کی رسولیوں پر آزمایا گیا تو اس نے رائبوسوم کو پروٹین بنانے سے باز رکھا اور دوسرے مرحلے میں رسولی کو بڑھنے سے روک دیا ۔ تحقیق اب اس مرحلے میں ہے کہ نرگس سے اخذ کردہ یہ الکلائیڈ کہیں صحت مند خلیات کو نقصان تو نہیں پہنچاتا، اگلے مرحلے میں ماہرین پھول کے مزید چار الکلائیڈز نکال کر ان کی آزمائش کریں گے۔
image

  اجزاء: چکن بریسٹ۔۔۔۔۔۔۔۔۔۔۔۔۔۔۔ 4عدد  دہی۔۔۔۔۔۔۔۔۔۔۔۔۔۔۔۔۔۔۔۔ ایک کپ  لیمن جوس۔۔۔۔۔۔۔۔۔۔۔۔۔۔ 2کھانے کے چمچے  نمک۔۔۔۔۔۔۔۔۔۔۔۔۔۔۔ ایک چائے کا چمچہ  کالی مرچ۔۔۔۔۔۔۔۔۔۔۔۔۔۔۔۔۔۔۔ ایک کھانے کا چمچہ  مکس ہرب یا کوئی بھی۔۔۔۔۔۔۔۔۔۔۔۔۔ ایک کھانے کا چمچہ  پیپریکا پاﺅڈر۔۔۔۔۔۔۔۔۔۔۔۔۔۔۔۔۔۔۔ ایک چائے کاچمچہ ترکیب: چکن پر تھوڑا دہی نمک،پیپریکا مکس، ہرب کالی مرچ ڈالیں ۔ پھر مسل کر دوسری طرف لگائیں اور پین میں ہلکا سا آئل ڈال کر فرائی کریں۔ جب براﺅن ہوجائے تو باقی کا دہی اور تمام مصالحہ ڈال کر پکائیں یہاں تک کہ دہی ڈرائی ہوجائے تو اتار لیں اور پیش کریں۔
image

  سیلا چاول آدھا کلو اُبلے ہوئے زردے کا رنگ آدھا چائے کا چمچ گھی ایک پاؤ الائچی چھ عدد چینی ایک پاؤ بادام اور پستے دو کھانے کے چمچ زعفران آدھا چائے کا چمچ اشرفیاں دو کھانے کے چمچ کھویا ایک پاؤ کیوڑا آدھا چائے کا چمچ کشمش دو کھانے کے چمچ کوکونٹ دو کھانے کے چمچ    ترکیب: دیگچی میں چاول اُبالیں اور زردے کا رنگ ڈال دیں اور جب ایک کنی رہ جائے تو چھان لیں۔اب دوسرے پتیلے میں گھی گرم کرکے الائچیاں ڈال دیں۔الائچیوں سے خوشبو آنے لگے تو چینی اور آدھا کپ پانی ڈال دیں۔شیرہ تیار ہو جائے تو بادام، پستے، زعفران، اشرفیاں، کشمش، کوکونٹ، کھویا اور کیوڑا چاول میں ڈال کر آدھے گھنٹے کے لیے دم پر رکھ دیں۔مزے دار سپیشل زردہ تیار ہے۔
image

  اجزا: مٹن بوٹی ۔۔۔۔1کلو۔۔۔۔۔ نمک۔۔۔۔۔ حسبِ ذائقہ۔۔۔۔۔ کالی مرچ پائوڈر۔۔۔۔ 1چائے کا چمچہ۔۔۔۔  ہلدی پائوڈر ۔۔۔۔ چٹکی بھر۔۔۔۔  لہسن پیسٹ ۔۔۔۔ 1چائے کا چمچہ بنانے کا طریقہ: گوشت میں دہی، نمک ، کالی مرچ، ہلدی، لہسن ڈال کر مکس کریں اور ایک گلاس پانی ڈال کر پکائیں۔ گو شت گل جائے تو پانی خشک کر لیں۔ اس کے بعد کڑاہی میں تیل گرم کریں اور 5سے 6 بوٹیوں کو اس میں ڈال کر سنہرا کریں۔ اسی طرح ساری بوٹیاں تل لیں۔ بہت مزیدار مٹن با ٹی تیار ہے چٹنی کے ساتھ سرو کریں۔
image

اجزا: میدہ۔۔۔۔۔ ایک کلو۔۔۔ گھی۔۔۔۔۔ایک کلو۔۔ چینی۔۔۔۔ آدھا کلو ترکیب: پہلے میدہ میں دو سو پچاس گرام گھی ملاکر پانی کے ساتھ گوندھ لیجئے ۔ ذرا سخت گوند ھنا چاہیے۔ اب اس کا موٹا سا روٹ بنا لیجئے اور چھری سے چھوٹے چھوٹے ٹکڑے کاٹ لیجئے ۔ اور انکو گھی میں تل لیجئے ۔ اب چاشنی تیار کیجئے ۔ ان پاروں کو اس میں ڈال دیں بعد میں نکال کر سکھا لیجئے چاندی کے ورق لگا دیجئے۔
image

اجزا بکرے کی چانپیں۔۔۔۔ 1/2کلو باریک کٹا ہرا دھنیا۔۔۔۔1/4گٹھی ہلدی۔۔۔۔1چائے کا چمچ  پسی لال مرچ۔۔۔۔1کھانے کا چمچ ادرک لہسن کا پیسٹ ۔۔۔۔2کھانے کے چمچ پپیتے کا پیسٹ ۔۔۔۔3کھانے کے چمچ تیل ۔۔۔۔2-3کھانے کے چمچ ایلمونیم ۔۔۔۔ حسب ضرورت نمک۔۔۔۔ حسب ذائقہ ترکیب پہلے ایک پیالے میں 1/2کلو بکرے کی چانپوں پر 3کھانے کے چمچ پپیتے کا پیسٹ اور حسب ذاتقہ نمک لگا کر 10سے 15منٹ چھوڑ دیں۔ پھر اس میں 1کھانے کا چمچ پسی لال مرچ ، 1چائے کا چمچ ہلدی ، 1/4گٹھی باریک کٹا ہرا دھنیا ، 2کھانے کے چمچ ادرک لہسن کا پیسٹ اور 2-3کھانے کے چمچ تیل شامل کر دیں ۔ حسب ضرورت ایلمونیم کے ٹکڑوں پر ایک چانپ رکھ کر ڈھک دیں ۔ انگیٹھی میں اچھی طرح سے کوئلے دہکا کر جالی رکھیں اور چانپوں کو اس پر پھیلا دیں ۔ تھوڑی دیر بعد سائیڈ تبدیل کرتے ہیں ۔ 10سے 15منٹ بعد ایک چانپ کو کھول کر چیک کریں ۔ گل جانے کی صورت میں تمام چانپیں اتار لیں ۔ اگر کسر لگے تو 5منٹ تک مزید سینک لیں ۔   مزےدار باربی کیو چانپ تیار ہے۔
image

اجزا دودھ۔۔۔۔ ایک لٹر کنڈیسنڈ ملک۔۔۔۔ 1/2کپ لال شربت۔۔۔۔ حسب ضرورت فروٹ کوکٹیل ۔۔۔۔ ایک کپ ونیلا آئس کریم۔۔۔۔ 1/2 لٹر سٹرابری جیلی۔۔۔۔ ایک پیکٹ فالودہ۔۔۔۔ حسب ضرورت ترکیب پہلے 1/2 کپ کنڈیسنڈ ملک کو ایک لٹر دودھ میں مکس کرکے گاڑھا کر لیں۔   میٹھا کرنے کے لئے حسب ضرورت لال شربت کو دودھ میں ڈالیں اور ٹھنڈا کرکے گلاس میں ڈالیں۔ پھرحسب ضرورت فالودہ ڈالیں اور اوپر کٹی برف کو 1/2 لٹر ونیلا آئس کریم، بنائے ہوئے دودھ کے ساتھ ڈال کر ایک کپ فروٹ کو کٹیل مکس کر لیں۔ ا وپر ایک پیکٹ سٹرابیری جیلی ڈال دیں۔ مزیدار فالودہ تیار ہے۔
image

 اجزا چکن پیس۔۔۔۔ 4 عدد لیوں کا رس۔۔۔۔ 2 کھانے کا چمچ کھانے کا تیل۔۔۔۔ حسب ضرورت ادرک پائوڈر۔۔۔۔ 1چائے کا چمچ لہسن پائوڈر ۔۔۔۔ 1چائے کا چمچ دارچینی پائوڈر۔۔۔۔ 2چائے کا چمچ پیپریکا پائوڈر۔۔۔۔ ڈیڑھ کھانے کا چمچ نمک۔۔۔۔ حسب ذائقہ گرم مصالحہ۔۔۔۔ آدھا چائے کا چمچ الائچی پائوڈر۔۔۔۔ ایک چٹکی چکن بروسٹ کے اجزا میرینیٹ چکن میدہ۔۔۔۔ 5 کپ کارن فلور ۔۔۔۔1 کپ انڈا ۔۔۔۔ 2عدد کورن فلیکس ۔۔۔۔ 1 کپ پیپریکا پائوڈر۔۔۔۔ 1کھانے کا چمچ نمک۔۔۔۔ حسب ذائقہ چکن میرینیشن کی ترکیب چکن کے ٹکڑوں کو کانٹے کی مدد سے نشان لگا لیں۔ اب اس میں لیموں کا رس، کھانے کا تیل، ادرک پائوڈر، لہسن پائوڈر، دارچینی پائوڈر، پیپریکا پائوڈر، نمک، گرم مصالحہ، الائچی پائوڈڑ ڈال کر اچھی طرح ملا لیں۔ اب اس کو چار سے چھ گھنٹے کے لئے فریج میں رکھ دیں۔ چکن بروسٹ بنانے کی ترکیب ایک برتن میں کارن فلو، میدہ ڈال کر ملا لیں۔ ایک اور برتن میں دو انڈے ڈال کر پھینٹ لیں۔ اب پہلے چکن کو  انڈوں میں ڈپ کریں پھر تیار کئے ہوئے میدے سے کور کر لیں۔  تیار کئے ہوئے میدہ میں کورن فلیکس ، پیپریکا ، نمک ڈال کر ملا لیں۔  اس میں تیار کیا ہوا چکن کو اس میدہ میں اچھی طرح لگا لیں اور پھر اس کو انڈا میں ڈپ کر لیں۔ اب ایک کڑاہی میں تیل گرم کر لیں اور اس میں دس سے پندرہ منٹ فرائی کر لیں۔ کیچپ یا رائتہ کے ساتھ سرو کریں۔
image

اجزا پانی۔۔۔۔ حسب ضرورت  مٹن پائے۔۔۔۔ آٹھ عدد ادرک لہسن پیسٹ ۔۔۔۔ چار کھانے کے چمچ نمک۔۔۔۔ حسب ذائقہ ثابت گرم مصالحہ ۔۔۔۔ دس گرام کھانے کا تیل۔۔۔ آدھا کپ پیا ز۔۔۔۔۔ ایک عدد ثابت زیرہ ۔۔۔۔ ایک چائے کا چمچ لال مرچ پسی ہوئی۔۔۔۔ ڈیڑھ کھانے کے چمچ ہلدی۔۔۔۔ ایک چائے کا چمچ گرم مصالحہ پائوڈر۔۔۔۔ ایک چائے کا چمچ دہی۔۔۔۔ ایک کپ سبز دھنیا۔۔۔۔ دس گرام سبز مرچ ۔۔۔۔ چار عدد ادرک ۔۔۔۔ دس گرام پایا یخنی۔۔۔۔ ایک کپ ترکیب ایک پین میں پانی لیں اور اس میں مٹن پائے ،ادرک لہسن پیسٹ(دو کھانے کے چمچ) ،نمک،ہلدی(آدھا چائے کا چمچ) ، ثابت گرم مصالحہ ڈال کر دو سے تین گھنٹے تک ہلکی آنچ پر ابال لیں ۔  ایک پین میں کھانے کا تیل لیں اور اس میں پیاز ، ثابت زیرہ ،ادرک لہسن پیسٹ (دو کھانے کے چمچ)،ابلے ہوئے پائے، لال مرچ پسی ہوئی ،ہلدی (آدھا چائے کا چمچ) ،پسا ہوا گرم مصالحہ ، دہی ڈال کر آٹھ سے دس منٹ تک بھونائی کر لیں ۔ اب اس میں پائے کی یخنی ڈال کر ہلکی آنچ پر پکا لیں ۔ سبز دھنیا ،سبز مرچ اور ادرک ڈال کر گارنش کر لیں ۔ مزیدار مٹن پائے تیار ہیں ۔
image

 اجزا   بیف قیمہ ۔۔۔۔400گرام  گردے کی چربی۔۔۔۔ 100گرام  ہرا دھنیا۔۔۔۔ 5گرام  پودینہ ۔۔۔۔ 5گرام بادام کٹے ہوئے۔۔۔۔ 50گرام  نمک ۔۔۔۔ حسب ذائقہ  ہری مرچ۔۔۔۔ دو عد د  پیاز چوپ کی ہوئی۔۔۔۔ آدھی  لال مر چ کٹی ہوئی۔۔۔۔ ڈیڑھ کھانے کا چمچ  ادرک چوپ کیا ہوا ۔۔۔۔ ایک کھانے کا چمچ  گرم مصالحہ ۔۔۔۔ آدھا چائے کا چمچ ہلدی۔۔۔۔ ایک چائے کا چمچ  دھنیا کٹا ہوا ۔۔۔۔ ایک چائے کا چمچ  زیرہ پائوڈر۔۔۔۔ ایک چائے کا چمچ کھانے کا تیل ۔۔۔۔ حسب ضرورت  ترکیب  ایک برتن میں بیف قیمہ لیں اور اس میں نمک، لال مرچ کٹی ہوئی، ادرک، ہری مرچ، پیاز، چربی، گرم مصالحہ، ہرادھنیا، ہلدی، پودینہ، زیرہ دھنیا کٹا ہوا اور بادام ڈال کر اچھی طرح ملا لیں۔ اب اس کو تیس منٹ تک فریج میں رکھ دیں۔  سیخ پر ہلکا سا تیل لگا لیں اور اس پر کباب تیار کر لیں۔  اس کو بار بی کیو کر لیں یا  230سینٹی گریڈ پر 15-20 منٹ اون بیک کر لیں۔  مزیدار بادامی سیخ کباب تیار ہیں۔
image

 اجزا دو دھ۔۔۔۔ ایک لیٹر کاجو ۔۔۔۔ پچیس گرام کشمش۔۔۔۔ پچیس گرام بادام ۔۔۔۔ پچیس گرام پستہ۔۔۔۔ پچیس گرام خربوزے کے بیج۔۔۔۔ پچیس گرام دیسی گھی۔۔۔۔ آدھا کپ چھوٹی الائچی۔۔۔۔ چھ عدد لونگ۔۔۔۔ چار عدد مخانے ۔۔۔۔ ایک سو گرام ناریل۔۔۔۔ پچیس گرام پھیونیاں ۔۔۔۔ ایک سو گرام سویاں۔۔۔۔ ایک سو گرام چینی۔۔۔۔ ایک کپ اخروٹ۔۔۔۔ پچیس گرام کھویا۔۔۔۔ پچاس گرام کیوڑا واٹر۔۔۔۔ آدھا چائے کا چمچ ٹوٹی فروٹی۔۔۔۔ ایک سو پچاس گرام ترکیب ایک پین میں دودھ ابال لیں ۔ ا یک پین میں دیسی گھی لیں اور اس میں چھوٹی الائچی ، لونگ ، میوہ جات ، مخانے ، ناریل ، پکا ہوا دودھ ،پھیونیاں ، سویاں ، چینی ، اخروٹ اور کھویا ڈا ل کر آٹھ سے دس منٹ تک پکا ئیں ۔ اس میں کیوڑا واٹر ڈال کر گارنش کر لیں۔ مزیدار شیر خورما تیار ہے ۔
image

اجزا زیتون کا تیل ۔۔۔۔ آدھا کپ آلو سلائس کٹنگ۔۔۔۔ ایک عدد  پیاز سلائس کٹنگ۔۔۔۔ ایک عدد  انڈے۔۔۔۔ چھ عدد   سبز شملہ مرچ جولین کٹنگ۔۔۔۔ آدھی ٹماٹرجولین کٹنگ ۔۔۔۔۔ دو عدد نمک ۔۔۔۔ حسب ذائقہ سفید مرچ پائوڈر ۔۔۔۔ ایک چا ئے کا چمچ  ترکیب ایک پین میں زیتون کا تیل لیں اور اس میں آلو اور پیاز ڈال کر لائٹ برائون کر لیں ۔ انڈے لیں اور اس میں تیار کئے ہوئے آلو اور پیاز  ، سبز شملہ مرچ، ٹماٹر ،نمک اور سفید مرچ پائوڈر ڈال کر مکس کر لیں اور گولڈن برائون ہونے تک فرائی کر لیں ۔ مزیدار سپینش آملیٹ تیار ہے ۔
image

اجز ا چکن۔۔۔۔ 700 گرام نمک۔۔۔۔ حسب ذائقہ سبز مرچ۔۔۔۔ 6عدد پیاز۔۔۔۔ 1عدد مکھن۔۔۔۔ 200گرام سبز دھنیا۔۔۔۔ 5گرام لہسن۔۔۔۔ 3جوئے ادرک ۔۔۔۔ 5گرام دھنیا پائوڈر۔۔۔۔ 2چائے کے چمچ زیرہ پائوڈڑ ۔۔۔ 1چائے کے چمچ گرم مصالحہ پائوڈر۔۔۔۔ 1چائے کا چمچ  کالی مرچ پائوڈر۔۔۔۔ 1چائے کا چمچ سفید مرچ پائوڈر۔۔۔۔ 1چائے کا چمچ کوکونٹ پائوڈر۔۔۔۔ 2کھانے کے چمچ کھانے کا تیل۔۔۔۔  حسب ضرورت ترکیب ایک بلینڈر لیں اور اس میں چکن ،سفید مرچ پائوڈر ،نمک، کالی مر چ پائوڈر ،سبز دھنیا ،پیاز ،کوکونٹ پائوڈر ،دھنیا کٹا ہوا ،گرم مصالحہ پائوڈر ،زیرہ پائوڈر ،ادرک لہسن کٹی ہوئی اور سبز مرچ ڈال کر بلینڈ کر لیں ۔  اسے تیس منٹ تک فریج میں رکھ دیں ۔  تیار کئے ہوئے مکسچر کے کباب بنا لیں ۔  ایک پین میں کھانے کا تیل لیں اور تیار شدہ کباب ڈال کر آدھے فرائی کر لیں ۔ ایک فرائی کباب کو 180ڈگری سینٹی گریڈ پر 10منٹ کے لئے اوون بیک کر لیں ۔  مزیدار کباب تیا رہیں ۔
image

اجزا  ابلے چاول ۔۔۔۔ 200گرام باریک کٹی شملہ مرچ ۔۔۔۔ ایک عد د باریک کٹے ٹماٹر(بیج کے بغیر ) ۔۔۔۔ دو عدد انڈے ۔۔۔۔ تین عدد باریک کٹے بٹن مشروم ۔۔۔۔ چار سے پانچ عدد موزریلا چیز ۔۔۔۔ ایک پیکٹ بریڈ کرمبز ۔۔۔۔ ایک پیالی میدہ ۔۔۔۔ آدھی پیالی باریک کٹے پارسلے ۔۔۔۔ 1/4گٹھی پسی کالی مرچ ۔۔۔۔۔ آدھا چائے کا چمچ تیل ۔۔۔۔ تلنے کے لئے نمک ۔۔۔۔ حسب ذائقہ ترکیب پہلے پارسلے ، بٹن مشروم ، ٹماٹر اور شملہ مرچ کو اچھی طرح سے باریک کاٹ لیں ۔ ٹماٹر کے بیج نکال کر باریک کاٹیں ۔ ابلے چاولوں کے ساتھ ایک انڈا ،نمک ، پسی کالی مرچ اور تمام سبزیاں شامل کر کے ہاتھوں کی مدد سے اچھی طرح مکس کریں ۔ پھر موزریلا چیز کے چھوٹے چھوٹے کیوبز کاٹ لیں ۔ اس کے بعد چاولوں کے مکسچر کے درمیانے سائز کے بالز بنا لیں اور ان میں انگلی کی مدد سے ہلکا سا گڑھا کر کے موزریلا چیز کا کیوب رکھیں اور دوبارہ سے پیک کرلیں ۔ جب تمام بالز تیار ہوجائیں تو انہیں میدے میں کوٹ کر لیں ۔ اب ایک پیالے میں انڈا اور میدہ شامل کر کے اچھی طرح پھینٹ لیں ۔ پھر میدے میں کوٹ کی ہوئی بالز کو انڈے میں ڈپ کریں ۔اس کے بعد بریڈ کرمبز میں کوٹ کر کے کڑاہی میں گرم تیل میں ڈیپ فرائی کرلیں ۔ جب گولڈن کلر آئے تو نکال کر سرو کریں۔
image

اجزا  املی کے رس۔۔۔۔ 2کھانے کے چمچ بھنا زیرہ۔۔۔۔ ایک چائے کا چمچ اجوائن۔۔۔ 1/2چائے کا چمچ  کٹی لا ل مرچ ۔۔۔۔ ایک چائے کا چمچ ابلے آلو۔۔۔۔ 1/2کلو چیڈر چیز۔۔۔۔ ایک پیکٹ ہری مرچ کا پیسٹ ۔۔۔۔ 2کھانے کے چمچ املی کا پیسٹ ۔۔۔۔ 2کھانے کے چمچ انڈے پھینٹے ہوئے۔۔۔۔ 2عدد بریڈ کرمبز ۔۔۔۔ ایک کپ ترکیب گاڑھے املی کے رس میں بھنا زیرہ، اجوائن، ہری مرچ کا پیسٹ اور کٹی مرچ ڈال کر مکس کر لیں۔  ابلے ہوئے آلوئوں کو ہاتھ سے چپٹا کریں اور اس پر ایک پیکٹ چیڈر چیز کاٹ کر رکھیں۔ ساتھ ہی اوپر تھوڑا ٹماٹو کیچپ ڈال دیں۔ اسکے بعد دوبارہ آلو کے تہہ دے کر گول کٹر کی مدد سے کاٹیں۔ پھر اس پر ہری چٹنی کی ایک تہہ لگائیں۔ آخر میں انہیں دو عدد پھینٹے ہوئے انڈوں کی مدد سے اور ایک کپ بریڈ کرمبز کے ساتھ فرائی کر لیں۔
image

اجزا:   آٹا۔۔۔۔۔ ایک کپ۔۔۔ پسی چینی۔۔۔۔ حسب ضرورت۔۔۔ میدہ ۔۔۔۔ ایک کپ۔۔۔۔ خمیر۔۔۔۔ ایک چائے کا چمچہ۔۔۔۔ نمک ۔۔۔۔ دو چائے کے چمچ۔۔۔۔ گھی، مکھن بنانے کا طریقہ آٹا ، میدہ ، خمیر، نمک اور پسی چینی مکس کرکے پانی سے گوندھ کر بیس منٹ کے لئے ڈھک کر رکھ دیں۔ پیڑہ بنا کر روٹی بیل لیں۔تیل لگا کر روٹی کو رول کرلیں۔ اب جلیبی کی طرح پیڑہ بنائیں۔دوبارہ روٹی بیل کر اوون میںc 200پر رکھیں۔اور دس منٹ تک پکائیں۔ ایک حصہ پک جائے تو دوسرا حصہ پکا لیں۔
image

اجزا: چکن بوٹی۔۔۔۔ آدھا کلو۔۔۔۔۔ بون لیس۔۔۔۔ ۔ پیاز دو عدد ۔۔۔۔۔ ہری مرچ۔۔۔۔۔ چھ عدد۔۔۔۔۔ فریش کریم۔۔۔۔ ایک پیکٹ ۔۔۔۔۔ تیل آدھی پیالی۔۔۔۔۔۔ گرم مصالحہ۔۔۔۔۔ ایک چائے کا چمچ پسا ہوا۔۔۔۔۔ ہلدی۔۔۔۔۔ ایک چائے کا چمچ۔۔۔۔ لال مرچ ۔۔۔۔۔۔ ایک کھانے کا چمچ پسی ہوئی۔۔۔۔۔ ادرک لہسن کا پیسٹ ۔۔۔۔۔ ایک کھانے کا چمچ۔۔۔۔۔ مکھن۔۔۔۔۔ دو کھانے کے چمچ۔۔۔۔۔۔ نمک۔۔۔۔ حسب ذائقہ۔   تیار کرنے کی ترکیب ایک ہانڈی میں تیل گرم کرکے کچی پسی ہوئی پیاز ہلکی گلابی کرلیں۔اب اس میں ادرک لہسن کا پیسٹ ، نمک، ہلدی اور پسی لال مرچ ڈال کر ہلکا سا بھونیں اور چکن بوٹی میں ڈال دیں۔جب چکن کا پانی خشک ہو جائے تو اس میں پسا گرم مصالحہ، کچلی ہوئی ہری مرچ، فریش کریم اور مکھن ڈال کر دس منٹ  دم  پر رکھ دیں۔مزے دار چکن مکھنی ہانڈی سادے چاولوں کے ساتھ سرو کریں۔
image

اجزا چکن قیمہ۔۔۔۔ پانچ سو گرام نمک ۔۔۔۔ حسب ذائقہ انار دانہ کٹا ہوا۔۔۔۔ ایک چائے کا چمچ ثابت زیرہ ۔۔۔۔ ایک چائے کا چمچ مکئی کا آٹا۔۔۔۔ تین کھانے کے چمچ انڈا۔۔۔۔ ایک عدد گرم مصالحہ پائوڈر۔۔۔۔ آدھا چائے کا چمچ زیرہ کٹا ہوا ۔۔۔۔ ایک چائے کا چمچ دھنیا کٹا ہوا ۔۔۔۔ ایک چائے کا چمچ لال مرچ کٹی ہوئی۔۔۔۔ ایک چائے کا چمچ پیاز چوپ۔۔۔۔ ایک عدد سبز مرچ چوپ۔۔۔۔ دو عدد سبز دھنیا چوپ۔۔۔۔ پانچ گرام ادرک چوپ۔۔۔۔ پانچ گرام پودینہ چوپ۔۔۔۔ پانچ گرام ٹماٹر کیوب سلائس ۔۔۔۔  دو ،دو عدد کھانے کا تیل۔۔۔۔ فرائی کرنے کے لئے ترکیب ایک بائول میں چکن قیمہ لیں اور اس میں نمک، انا ر دانہ ، ثابت زیرہ ، مکئی کا آٹا ، انڈا ،گرم مصالحہ پائوڈر، زیرہ کٹا ہوا ،دھنیا کٹا ہوا ،لال مرچ کٹی ہوئی ،پیاز،سبز مرچ ، سبز دھنیا ،ادرک  اورپودینہ ڈا ل کر ملائیں اور کباب بنالیں ۔  اس پر ٹماٹر سلائس کٹنگ میں لگا کر  فرائی کریں اور گولڈن برائون کر لیں ۔ مزیدار چکن چپلی کباب تیار ہیں ۔
image

چکن میرینیٹ کرنے کیلئے اجزا چکن(بونلیس)۔۔۔۔ 500گرام ادرک لہسن پیسٹ ۔۔۔۔ 1 کھانے کا چمچ ہلدی ۔۔۔۔ 1چائے کا چمچ سویا ساس۔۔۔۔ 1کھانے کا چمچ لال مرچ(پائوڈر) 1۔۔۔۔ چائے کا چمچ کالی مرچ۔۔۔۔ آدھا چائے کا چمچ نمک ۔۔۔۔ حسب ذائقہ گرم مصالحہ ۔۔۔۔ آدھا چائے کا چمچ دھنیا پائوڈر ۔۔۔۔ آدھا چائے کا چمچ سرکہ۔۔۔۔1کھانے کا چمچ زیرہ پائوڈر ۔۔۔۔ آدھا چائے کا چمچ کریم۔۔۔۔2 کھانے کے چمچ ساس بنانے کے اجزا کارن آئل۔۔۔۔1کھانے کا چمچ لہسن(چوپ) ۔۔۔۔1 چائے کا چمچ ادرک(چوپ)۔۔۔۔ 1چائے کا چمچ کیچپ ۔۔۔۔ آدھا کپ کالی مرچ ۔۔۔۔ آدھا چائے کا چمچ سرکہ۔۔۔۔1کھانے کا چمچ چلی ساس۔۔۔۔1کھانے کا چمچ سفید مرچ ۔۔۔۔ آدھا چائے کا چمچ لال مرچ کٹی ہوئی۔۔۔۔1چائے کا چمچ اوریگانو ۔۔۔۔ 1چائے کا چمچ پانی ۔۔۔۔ ایک چوتھائی کپ سبزیاں شملہ مرچ(لال ، پیلی، ہری) ۔۔۔1 عدد ٹماٹر۔۔۔۔1عدد پیاز۔۔۔۔1عدد چکن میرینیٹ کرنے کا طریقہ ایک برتن میں چکن، ادرک لہسن کا پیسٹ، ہلدی، سویا ساس، لال مرچ(پائوڈر)، کالی مرچ، نمک، گرم مصالحہ، دھنیا پائوڈر، سرکہ، زیرہ پائوڈر اور کریم ڈال کر اچھی طرح ملا لیں اور پانچ سے چھ گھنٹے کے لئے فریج میں رکھ دیں۔ ساس بنانے کی ترکیب ایک پین میں کارن آئل،لہسن(چوپ)،ادرک(چوپ)،کیچپ، کالی مرچ، سرکہ، چلی ساس، سفید مرچ، لال مرچ کٹی ہوئی، اوریگانو ڈال کر تھوڑی دیر پکا لیں، اس میں پانی ڈال کر دو سے تین منٹ پکا ئیں۔ شملہ مرچ، پیاز، ٹماٹر کو بڑے کیوب میں کاٹ لیں۔ اب تیار کئے ہوئے چکن کو سیکھ میں ایک بوٹی پھر شمہ مرچ کیوب، پیاز کیوب، ٹماٹر کیوب پھر بوٹی لگا کر سیکھ کو بھر لیں۔  ایک پین میںکورن آئل (ایک کھانے کا چمچ) ڈال کر ان سیکھوں کو اس میں شیلو فرائی کر لیں۔ مزیدار چکن شاشلک تیار ہے۔
image

اجزا ثابت زیرہ۔۔۔۔ ایک چائے کا چمچ دھنیا پائوڈر ۔۔۔۔ ایک کھانے کا چمچ کالی مرچ ۔۔۔۔ آٹھ عدد پپلی۔۔۔۔ ایک کھانے کا چمچ چھوٹی الائچی۔۔۔۔ چار عدد جلوتری ۔۔۔۔ ایک چائے کا چمچ بیف قیمہ۔۔۔۔ پانچ سو گرام پسا ہوا مصا لحہ ۔۔۔۔ دو کھانے کے چمچ نمک ۔۔۔۔ حسب ذائقہ لال مرچ پائوڈر۔۔۔۔ ایک کھانے کا چمچ سبز مرچ۔۔۔۔ دو کھانے کے چمچ پپیتا ۔۔۔۔ دو کھانے کے چمچ ادرک لہسن  کا پیسٹ ۔۔۔۔ دو کھانے کے چمچ ہلدی۔۔۔۔ ایک چائے کا چمچ کالا نمک۔۔۔۔ ایک چائے کا چمچ پیلا رنگ ۔۔۔۔ ایک کھا نے کا چمچ سبز دھنیا۔۔۔۔ پانچ گرام پودینہ ۔۔۔۔ پانچ گرام کھانے کا تیل۔۔۔۔ ایک کپ ترکیب ایک پین میں ثابت زیرہ لیں اور اس میں دھنیا پائوڈر ،کالی مرچ پائوڈر ، پپلی ،چھوٹی الائچی اور جلوتری ڈال کر بھونیں اور گرائینڈر میں پیس کر مصالحہ بنا لیں ۔  ایک برتن میں بیف قیمہ لیں اور اس میں گرائینڈ کیا ہوا مصالحہ (دو کھانے کے چمچ)،نمک، لال مرچ پائوڈر، سبز مرچ ، پپیتا پسا ہوا ، ادرک لہسن پیسٹ ، ہلدی ، دھنیا پائوڈر ، کالا نمک، پیلا رنگ ، سبز دھنیا اور پودینہ ڈال کر اچھی طرح مکس کر لیں اور چار گھنٹے کے لئے فریج میں رکھ دیں ۔  تیار شدہ مکسچر لیں اور اس کے گولا کباب بنا لیں ۔ تیا ر شدہ گولا کباب کو باربی کیو کر لیں ۔  ایک برتن میں کھانے کا تیل لیں اور اس میں باربی کیو کئے ہوئے گولا کباب ڈال کر دو سے تین منٹ تک پکائیں اور پانچ منٹ تک دم دیں ۔  مزیدار گولا کباب تیار ہیں ۔
image

سردائی مکسچر کے اجزا خشخاش۔۔۔۔ 1 کھانے کا چمچ بادام۔۔۔۔ 1 کپ چینی۔۔۔۔ 6-8 کھانے کے چمچ کالی مرچ۔۔۔۔ ایک چوتھائی کھانے کا چمچ سبز الائچی۔۔۔۔ 7-8 عدد چار مغز۔۔۔۔ 4 کھانے کے چمچ پانی۔۔۔۔ ایک چوتھائی کپ سردائی بنانے کے اجزا سردائی مکسچر۔۔۔۔ حسب ضرورت برف ۔۔۔۔1 کپ پانی۔۔۔۔ 2 کپ سردائی مکسچر بنانے کی ترکیب  مٹی کی کونڈی میں بادام، خشخاش ڈال کر اچھی طرح پیس لیں۔ تھوڑی تھوڑی دیر میں 5-6 کھانے کے چمچ پانی ڈال کر اچھی طرح پیس لیں۔  اب اس میں چینی، کالی مرچ، سبز الائچی، چار مغز ڈال کر اچھی طرح پیسٹ بنا لیں۔ سردائی بنانے کی ترکیب  ایک گرائینڈر میں سردائی مکسچر، پانی ، برف ڈال کر گرائینڈ کر لیں۔ اب ایک برتن پر ململ کا پڑا رکھ کر گرائنڈ  کئے ہوئے مکسچر کو چھان لیں۔  اس چھنے ہوئے پانی کو گلاس میں ڈال لیں اور اس پر کرش کئے ہوئے بادام ڈال لیں ۔   مزیدار سردائی تیار ہے۔
image

اجزا وائٹ بریڈ ۔۔۔۔ چھ سلائس  مکھن ۔۔۔۔ ایک چائے کا چمچ  نمک۔۔۔۔ حسب ضرورت  کالی مرچ (پسی ہوئی) ۔۔۔۔ حسب ضرورت  چکن بریسٹ ۔۔۔۔ 350 گرام  چیز سلائس ۔۔۔۔ حسب ضرورت  مایونیز ۔۔۔۔ چار کھانے کے چمچ  ٹماٹر ۔۔۔۔ دو عدد  سلاد پتہ ترکیب سب سے پہلے ایک فرائی پین میں مکھن کو درمیانی آنچ پر پگھلا کر چکن کے ٹکڑوں کو فرائی کر لیں۔ اس کے بعد چکن میں نمک اور کالی مرچ شامل کر کے اسے بھی ہلکا سا فرائی کر لیں۔  بریڈ کے سلائس کو ہلکا سا سینک کر مایونیز لگانے کے بعد اس کے اوپر پہلے چکن کے ٹکڑے اور پھر سلاد پتہ رکھیں۔ اس کے بعد اس پر ایک اور سلائس رکھیں اور مایونیز لگا کر پہلے چیز سلائس اور پھر ٹماٹر کے قتلے رکھنے کے بعد نمک اور کالی مرچ چھڑک دیں۔   اب اوپر تیسرا سلائس رکھ دیں اور اس میں سے ٹوتھ پک گزار کر نصف سے چھری کی مدد سے کاٹ دیں۔ مزیدار کلب سینڈوچ پلیٹ میں رکھ کر فرنچ فرائیز کے ساتھ پیش کریں۔
image

چکن۔۔۔۔ ایک کلو سرکہ ۔۔۔۔ چار کھانے کے چمچ لال مرچ۔۔۔۔ ایک کھانے کا چمچ  گرم مصالحہ۔۔۔۔ ایک چائے کا چمچ ادرک لہسن کا پیسٹ ۔۔۔۔  ایک کھانے کا چمچ  کالی مرچ۔۔۔۔ ایک چائے کا چمچ اورنج رنگ۔۔۔۔ ایک چوتھائی چائے کا چمچ نمک۔۔۔۔ ڈیڑھ چائے کا چمچ تیل۔۔۔۔ ایک چوتھائی کپ مصالحہ بنانے کے لئے دہی۔۔۔۔ ایک کپ  لال مرچ۔۔۔۔ ایک چائے کا چمچ  ہلدی۔۔۔۔ آدھا چائے کا چمچ  دھنیا۔۔۔۔ ڈیڑھ چائے کا چمچ پیاز ۔۔۔۔ دو عدد  ٹماٹر ۔۔۔۔ چار عدد  ہرا دھنیا ۔۔۔۔ دو کھانے کے چمچ  پودینہ کے پتے۔۔۔۔ پندرہ عدد ہری مرچ۔۔۔۔ چار عدد  تیل۔۔۔۔ ایک کپ  چاول۔۔۔۔ آدھا کلو (ابلے ہوئے)  ثابت گرم مصالحہ۔۔۔۔ ایک کھانے کا چمچ نمک۔۔۔۔ دو چائے کے چمچ  ترکیب چکن کو سرکہ، پسی لال مرچ، پساگرم مصالحہ، ادرک لہسن کا پیسٹ، کالی مرچ، اورنج رنگ اور ڈیڑھ چائے کا چمچ نمک لگاکر تیس منٹ کے لیے رکھ دیں۔  فرائنگ پین میں تیل ڈال کر چکن کو بیس منٹ کے لئے پکا لیں، یہاں تک کہ چکن گل جائے۔  آخر میں کوئلے سے دم دیں۔  مصالحہ بنانے کے لئے تیل گرم کرکے اس میں پیاز پندرہ منٹ فرائی کرلیں، یہاں تک کہ وہ گولڈن ہوجائیں۔  ان میں باریک کٹے ٹماٹر شامل کریں۔   پسی لال مرچ، ہلدی، پسا دھنیا بھی ڈال کر اچھی طرح بھونیں۔  اس میں ایک کپ دہی ڈال کر بھونیں اور چکن کے ساتھ ہرا مصالحہ شامل کرکے اچھی طرح مکس کریں۔  پھر الگ سے چاولوں کو دو چائے کے چمچ نمک اور ثابت گرم مصالحے کے ساتھ تین چوتھائی ابال لیں۔ آخر میں مصالحے پر چاولوں کی تہہ بنائیں اور دم پر رکھیں۔
image

عوامی سروے

سوال: کیا نواز شریف کے ممبئی حملوں سے متعلق بیان کے بعد ان کے خلاف سخت کارروائی ہونی چاہئے؟