06 دسمبر 2021
تازہ ترین

ٹرن آئوٹ کم، ثابت ہوا ن  لیگ، پی پی خالی میدان میں بھی نہیں جیت سکتیں، فواد چودھری لاہورٜ غیر حتمی اور غیر سرکاری نتائج کے مطابق این اے 133کے ضمنی الیکشن کا میدان  مسلم لیگ ن کی شائستہ پرویز ملک نے مار لیا جبکہ پاکستان پیپلز پارٹی کے اسلم گل دوسرے نمبر پر رہے۔ لاہور کے حلقہ این اے 133کے ضمنی انتخاب کے بڑے معرکے میں پاکستان پیپلز پارٹی کے اسلم گل اور ن لیگ کی شائستہ پرویز ملک کے درمیان کڑا مقابلہ دیکھنے کو ملا جبکہ 9امیدواروں کی ضمانتیں ضبط ہوگئیں۔ مسلم لیگ ن کی شائستہ پرویز ملک نے ساڑھے 14ہزار ووٹوں سے کامیابی اپنے نام کی، انہوں  نے 46ہزار 811ووٹ حاصل کئے جبکہ پاکستان پیپلز  پارٹی کے اسلم گل 32ہزار 313ووٹ لیکر دوسرے نمبر پر رہے۔ فارم47کے مطابق 254پولنگ سٹینشنز کے نتائج مکمل ہوگئے، حلقے میں 440485 ووٹ میں سے 80997ووٹ کاسٹ ہوئے ، ووٹوں کا ٹرن آئوٹ 18.59فیصد رہا ،50936مرد اور30959خواتین نے ووٹ کاسٹ کیا جبکہ خارج ہونے والے ووٹوں کی تعداد 898رہی۔ این اے 133پرویز ملک کے انتقال کے باعث خالی ہوئی تھی،2018کے الیکشن میں نواز لیگ کے پرویز ملک 89ہزار 699ووٹ لے کر جیتے تھے، پیپلز پارٹی کے اسلم گل نے5ہزار 585ووٹ لئے تھے، اس طرح اسلم گل نے اپنے ووٹوں کا ریکارڈ توڑ دیا۔ ادھر وفاقی وزیر اطلاعات فواد چودھری نے کہا ہے کہ ثابت ہوا ن لیگ اور پی پی خالی میدان میں بھی نہیں جیت سکتیں۔ سماجی رابطے کی ویب سائٹ ٹوئٹر پر پیغام جاری کرتے ہوئے فواد چودھری کا کہنا تھا کہ لاہور کے ضمنی انتخابات میں ووٹنگ کی شرح انتہائی کم رہی، اس سے ثابت ہوتا ہے کہ ن لیگ اور پیپلز پارٹی خالی میدان میں بھی کھیل نہیں جیت سکتے۔ وزیر اطلاعات کا مزید کہنا تھا کہ پراپیگنڈے کے باوجود تحریک انصاف ہی میدان کی اصل کھلاڑی ہے جس کے بغیر میدان ویران ہے ۔

مزید پڑھیں
ویڈیوز

عوامی سروے

سوال: کیا آپ کووڈ 19 کے حوالے سے حکومتی اقدامات سے مطمئن ہیں؟